ਜ਼ਮਾਨੇ ਭਰ ਦੀ ਨਾ ਸਹੀ, ਖੁਸ਼ੀ ਮੇਰੇ ਹਿੱਸੇ ਦੀ ਤਾਂ ਮਿਲੇ।
ਦਿਲ ਦਿੱਤੈ ਜਾਨ ਵੀ ਹਾਜ਼ਰ, ਜੇਕਰ ਤੇਰੀ 'ਹਾਂ' ਮਿਲੇ।

ਧੁੱਪ ਹਿਜ਼ਰ ਦੀ ਹੋਰ ਸਹਾਂ, ਹੈ ਨਹੀਂ ਹਿੰਮਤ ਯਾਰੋ,
ਮਰਦੇ ਨੂੰ ਜ਼ਿੰਦਗੀ ਮਿਲੇ, ਵਸਲ ਦੀ ਜੇ ਛਾਂ ਮਿਲੇ।

ਦੁਨੀਆਂ ਆਖੇ ਰੁੱਤ ਬਦਲੀ, ਮੌਸਮ-ਇ-ਬਹਾਰ ਆਇਆ,
ਮੇਰੀ ਜ਼ਿੰਦਗੀ ਨੂੰ ਕਿਉਂ, ਮੁਸਲਸਲ ਖ਼ਿਜ਼ਾਂ ਮਿਲੇ।

ਜ਼ਿੰਦਗੀ ਤੋਂ ਕਿਤੇ ਵੱਧ, ਜਿਸ ਨੂੰ ਪਿਆਰ ਹਾਂ ਕਰਦਾ,
ਉਹਦੇ ਕੋਲੋਂ ਵੀ ਕਾਸ਼ ਮੈਨੂੰ, ਪਿਆਰ ਓਸੇ ਤਰ੍ਹਾਂ ਮਿਲੇ।

ਉਹਦੇ ਨੈਣੀਂ ਖੁਮਾਰ ਰਹੇ, ਖੁਸ਼ ਰਹੇ ਸੁਹਣਾ ਸਾਡਾ,
ਹਸਦਾ ਹਸਾਉਂਦਾ ਮਿਲੇ, ਨਾ ਹੋਕੇ ਕਦੇ ਪ੍ਰੇਸ਼ਾਂ ਮਿਲੇ

ਉਸਦੇ ਸੰਗ ਹੋਕੇ ਮੈਨੂੰ, ਇਸ ਤਰ੍ਹਾਂ ਹੈ ਪਰੀਤ ਲਗਦਾ,
ਪੱਥਰਾਂ ਦੇ ਢੇਰ 'ਚੋਂ ਕੋਈ,ਹੀਰਾ ਜਿਸ ਤਰ੍ਹਾਂ ਮਿਲੇ।

-ਹਰਮੇਲ ਪਰੀਤ

ਜ਼ਿੰਦਗੀ ਤੋਂ ਕਿਤੇ ਵੱਧ, ਜਿਸ ਨੂੰ ਪਿਆਰ ਹਾਂ ਕਰਦਾ,
ਉਹਦੇ ਕੋਲੋਂ ਵੀ ਕਾਸ਼ ਮੈਨੂੰ, ਪਿਆਰ ਓਸੇ ਤਰ੍ਹਾਂ ਮਿਲੇ।

ਹਮੇਸ਼ਾਂ ਦੀ ਤਰਾਂ ਬਹੁਤ ਵਧੀਆ ਵੀਰ ਜੀ ....

Thanks for sharing

ji bai ji bahut vadhia ........... keep it up sir

Bahut khoob...... great piece of work..

bahut changa laggeya parheya....great job..

wah wah ji wah kaya khoob likhya.