ਪੱਤਝੜ ਦੇ ਬਾਦ
ਪੱਤਝੜ ਦੇ ਬਾਦ ਵੀ ਪੱਤੇ ਨੇ ਜ਼ਰਦ ਜ਼ਰਦ,
ਹਰ ਟਹਿਣੀ ਉੱਤੇ ਪਈ ਹੋਈ ਗਰਦ ਹੀ ਗਰਦ
ਕਰਾਂਤੀ ਦੀ ਗੱਲ ਹੁਣ ਕੌਣ ਕਰੇ ਬੇਚਾਰਾ
ਅਬਲਾ ਦੇ ਵਾਂਗੂ ਇੱਥੇ ਲਾਚਾਰ ਨੇ ਮਰਦ
ਚਾਰ ਦੀਵਾਰਾ ਵਿਚੋ ਰੱਬ ਨੂੰ ਕਰੋ ਆਜ਼ਾਦ,
ਮੰਦਿਰਾਂ ਤੇ ਮਸਜਿਦਾ ਦੀ ਛੱਡ ਦਿਓ ਗਰਜ
ਸੱਚ ਦੀਆਂ ਕਿਰਨਾ ਜੋ ਮੱਧਮ ਪੈ ਗਈਆਂ ,
ਧੂਆਂ ਬਣ ਕੇ ਉਡ ਰਿਹਾ ਇਖਲਾਕ ਤੇ ਫ਼ਰਜ਼
ਨਿੱਕੇ ਨਿੱਕੇ ਮਾਸੂਮ ਧਰੀ ਬੇਠੇ ਹੱਥ ਢਿੱਡ ਤੇ,
ਜਿਨਾ ਘਰਾਂ ਦੇ ਚੌਕੇ ਹੋ ਗਏ ਨੇ ਸਰਦ
ਉਸ ਖਲ੍ਕਤ ਦੇ ਰੋਣ ਦੀ ਕੌਣ ਸੁਣੇ ਆਵਾਜ਼,
ਜਿਨਾ ਦੇ ਰੇਹਨੁਮਾ ਹੋ ਗਏ ਨੇ ਬੇਦਰਦ
ਆਦਮੀ ਦਾ ਲਹੂ ਡੀਕ ਲਾ ਕੇ ਪੀਣ ਵਾਲਾ,
ਜਾਨਵਰਾ ਦੇ ਮਾਸ ਤੋ ਰਿਹਾ ਹੈ ਵਰਜ਼
ਮੁੱਕ ਜਾਣਾ ਦੋਸਤਾਂ ਤੇ ਦੁਸ਼ਮਨਾ ਨੇ ਵੀ ,
ਮੁਕਣੀ ਨਹੀ ਹੈ 'ਸ਼ਮੀ ' ਮਜ਼ਲੂਮ ਦੀ ਅਰਜ਼
ਸ਼ਮੀ ਜਲੰਧਰੀ
|