ਕੋਸਾ ਕੋਸਾ ਅੱਖੀਆਂ ’ਚੋ
ਵੱਗਦਾ ਏ ਨੀਰ ਨੀ
ਧੋਖਾ ਦੇ ਗਈ ਚਾਕ ਨੂੰ
ਸਿਆਲਾਂ ਵਾਲੀ ਹੀਰ ਨੀ....
ਤੇਰੇ ਵਿਛੋੜੇ ’ਚ
ਹੋਇਆ ਮੈਂ ਸ਼ੁਦਾਈ ਨੀ
ਝੱਲੀ ਨਹੀਂ ਜਾਂਦੀ
ਤੇਰੀ ਇਹ ਜੁਦਾਈ ਨੀ
ਦਿਲ ’ਚ ਧਿਆਈ ਬੈਠਾ
ਮੈਂ ਸਾਰੇ ਪੀਰ ਨੀ.....
ਹੁਸਨਾਂ ਦੀ ਮਲਕਾ ਤੂੰ
ਕਰ ਗਈ ਗੁਨਾਹ ਨੀ
ਤੇਰੇ ਬਿਨਾ ਹੀਰੇ ਮੇਰੀ
ਜਿੰਦਗੀ ਫ਼ਨਾਹ ਨੀ
ਕੱਲਿਆਂ ਦੀ ਦੱਸ ਦੇ
ਬੰਨਾਊ ਕੌਣ ਧੀਰ ਨੀ.....
ਤੇਰੇ ਪਿੱਛੇ ਹੀਰੀਏ ਮੈਂ
ਮੁੰਦਰਾਂ ਪੁਵਾਈਆਂ ਨੀ
ਦਿਲ ਟੋਟੇ ਟੋਟੇ ਹੋਇਆ
ਪਾਵਾ ਮੈਂ ਦੁਹਾਈਆਂ ਨੀ
ਤੇਰੇ ਬਿਨਾ ਸੋਹਣੀਏ
ਮੇਰੀ ਮੌਤ ਹੀ ਅਖੀਰ ਨੀ....
’ਸੋਹਲ ਜਸਬੀਰ’ ਫਿਰੇ
ਗਲੀਆਂ ’ਚ ਗਾਉਂਦਾ ਨੀ
ਡੁੱਬ ਜਾਣੀਏ ਤੈਨੂੰ ਉਹਦਾ
ਚੇਤਾ ਵੀ ਨਾ ਆਉਂਦਾ ਨੀ
ਮੁੰਦਰਾਂ ਪੁਵਾਈਆਂ ਉਹਨੇ
ਕੰਨ ਲਏ ਨੇ ਚੀਰ ਨੀ...

Awesome,,, god bless u sir

ਧੰਨਵਾਦ ਜੀ.....