ਰਾਸਤਾ ਹੀ ਰਾਸਤਾ ਹੈ ਆਖਰੀ ਸੁਮੇਲ ਤਕ
ਅੱਡੀਆਂ ਤੋਂ ਲੈ ਕੇ ਦੂਰ ਫੈਲਦੇ ਦੁਮੇਲ ਤਕ

ਉਗਮਿਆ ਤਾਂ ਸੂਰਜਾ ਵੀ ਚੁਪ ਦੀ ਸਵੇਰ ਨੂੰ
ਨੂਰ ਪਰ ਨਾ ਪਹੁੰਚਿਆ ਸੀ ਅੱਖ ਦੀ ਤਰੇਲ ਤਕ

ਇੱਕ ਮੇਰੀ ਸੋਚ ਦੇ ਗਿਲਆਰਿਆਂ ਨੂੰ ਹੀ ਨਹੀਂ
ਰੁਤ ਨੂੰ ਵੀ ਪਹੁੰਚ ਉਹਦੇ ਸਾਹਾਂ ਦੀ ਫੁਲੇਲ ਤਕ

ਜ਼ਿੰਦਗੀ ਵੀ ਕੀ ਭਲਾ ਹੈ,ਸਾਹਾਂ ਦੇ ਦੋ ਚੋਗ ਨੇ
ਪਲ ਦੋ ਪਲ ਦੀ ਹੈ ਉੜਾਨ,ਮੌਤ ਦੀ ਗੁਲੇਲ ਤਕ

ਨਾਪਦਾ ਰਿਹਾ ਚੰਦਰਮਾ ਹੁਸਨ-ਨੂਰ ਨੂੰ ਤੇਰੇ
ਇਕ ਕਿਰਨ ਦੀ ਸੇਧ ਲੈ ਕੇ,ਉਮਰ ਦੇ ਕੁਵੇਲ ਤਕ

ਵਹਮ ਮਿੱਠੜਾ ਕੋਈ ,ਇਹ ਕਾਰਸਾਜ਼ੀ ਹੱਥ ਦੀ
ਬਸ ਜ਼ਰਾ ਕੁ ਢਿੱਲ ਸਿਰਫ ਹੈ,ਲੇਖ ਦੀ ਨਕੇਲ ਤਕ

ਪੂੰਜੀਆਂ ਦੇ ਜ਼ਰ-ਖਰੀਦ ਵਾਦ ਵੀ ਤੇ ਵੋਟ ਵੀ
ਇਨਕਲਾਬ ਹੀ ਨਿਜਾਤ ਗਲ ਪਈ ਪੰਜੇਲ੍ਹ ਤਕ

ਬੀਤੇ ਦੀ ਕਹਾਣੀ ਹੋਏ ਚਾਦਰੇ ਤੇ ਨੱਤੀਆਂ
ਸਭ ਹਵਾ ਹੈ ਹੋਈ ਜਾਂਦਾ ਵੰਗ ਤੋਂ ਹਮੇਲ ਤਕ

ਕੁਝ ਨਾ ਹੋਇਆ ਕਾਰਗਾਰ,ਚੁੰਬੜੀ ਜੋ ਦੇਸ਼ ਨੂੰ
ਵੇਦ ਨਾ ਕਤੇਬ ਜਾਤ-ਪਾਤ ਦੀ ਚੁੜੇਲ ਤਕ

ਰੂਹ ਦੇ ਨਾਪ-ਤੋਲ ਰੀਤ ਪੂਰਬੀ ਪਿਆਰ ਦੀ
ਪੱਛਮੀ ਰਿਵਾਜ ਹੈ ਸਰੀਰ ਦੇ ਹੀ ਖੇਲ ਤਕ

awesome..

ਜ਼ਿੰਦਗੀ ਵੀ ਕੀ ਭਲਾ ਹੈ,ਸਾਹਾਂ ਦੇ ਦੋ ਚੋਗ ਨੇ
ਪਲ ਦੋ ਪਲ ਦੀ ਹੈ ਉੜਾਨ,ਮੌਤ ਦੀ ਗੁਲੇਲ ਤਕ

bahut khoob ji... lajawab...