ਕੁਝ ਸੋਚ ਰਹੀ ਹਾਂ ਬੈਠੇ ਬੈਠੇ
ਕੀ ਇਹ ਖ਼ਿਆਲ ਤੇਰਾ ਏ ???
ਇੰਝ ਲਗਦਾ ਹੈ ਜਿਵੇਂ ਵਰ੍ਹੇ ਬੀਤ ਗਏ ਨੇ
ਤੂੰ ਕਹਿੰਦਾ ਰਿਹਾ , ਮੈਂ ਸੁਣਦੀ ਰਹੀ ,
ਤੂੰ ਪੁੱਛਦਾ ਰਿਹਾ , ਮੈਂ ਦੱਸਦੀ ਰਹੀ ,
ਪਰ ਜਿਸਦਾ , ਆਉਂਦੇ ਹੋਏ ਵੀ ,
ਨਹੀਂ ਦੇ ਪਾ ਰਹੀ ਹਾਂ ਜਵਾਬ ,
ਕੀ ਉਹ ਸੁਆਲ ਤੇਰਾ ਏ ????
ਪਤਾ ਨਹੀਂ ਇਹ ਕਦੋਂ ‘ਤੇ ਕਿਸ ਤਰ੍ਹਾਂ ਹੋ ਗਿਆ ….
ਤੂੰ ਦਿਲ ‘ਚੋਂ ਦੀ ਹੋ ਕੇ ,
ਮੇਰੀ ਰੂਹ ‘ਚ ਸਮੋ ਗਿਆ !
ਅੱਖਾਂ ਬੰਦ ਹੋਣ ਯਾ ਹੋਣ ਖੁੱਲ੍ਹੀਆਂ
ਫੇਰ ਵੀ ਜੋ ਅਕਸਰ ਆ ਜਾਂਦਾ ਹੈ ,
ਕੀ ਉਹ ਖ਼ਵਾਬ ਤੇਰਾ ਏ ????
ਸਭ ਕੁਝ ਤੇ ਤੂੰ ਪਹਿਲੋਂ ਹੀ ਲੈ ਗਿਉਂ ,
ਮੇਰੇ ਹੰਝੂ , ਤੇਰੇ ਹਾਸੇ ,
ਮੇਰੀਆਂ ਕਸਮਾਂ , ਤੇਰੇ ਵਾਅਦੇ ,
ਬੇ-ਫਿਕਰੀ ਦੀਆਂ ਰਾਤਾਂ ,ਬਗੈਰ ਗੱਲਾਂ ਤੋਂ ਸੌਗਾਤਾਂ,
ਫੇਰ ਵੀ ਜੋ ਨਿੱਬੜ ਨਹੀਂ ਰਿਹਾ ,
ਕੀ ਉਹ ਹਿਸਾਬ ਤੇਰਾ ਏ ????
ਤੇਰੇ ਤੋਂ ਬਗੈਰ ਇਹ ਜ਼ਿੰਦਗ਼ੀ ਕਿਸ ਤਰ੍ਹਾਂ ਬੀਤੇਗੀ ?
ਕੋਈ ਸੁਆਲ ਨਹੀਂ , ਕੋਈ ਜਵਾਬ ਨਹੀਂ ,
ਕੋਈ ਖ਼ਿਆਲ ਨਹੀਂ ,ਕੋਈ ਖ਼ਵਾਬ ਨਹੀਂ ,
ਜਿਸਦੇ ਹਰੇਕ ਵਰਕੇ ਦੀ ਸਿਆਹੀ ਫਿੱਟ ਗਈ ਹੋਵੇ ,
ਹੁਣ ਜਿੰਦੜੀ ਹੈ ਉਸ , ਕੋਰੀ ਕਿਤਾਬ ਜਿਹੀ
ਹੁਣ ਜਿੰਦੜੀ ਹੈ ਉਸ , ਕੋਰੀ ਕਿਤਾਬ ਜਿਹੀ ।
(Roman Version)
Kujh soch rahi haan baithe baithe
Ki eh khyaal tera e ????
Inj lagda hai jive vare beet gaye ne…..
Tu kehanda reha, Main sundi rahi,
Tu poochda reha, Main dasdi rahi,
Per jisda aaunde hoye vi,
Nahi de paa rahi haan jwaab,
Ki oh suaal tera e????
Pata nahi eh kado te kis tara ho gaya……
Tu dil cho di ho ke,
Meri rooh ch samo gaya,
Ankha band hon, ya hon khuliyaan,
Pher vi jo aksar aa jaanda hai,
Ki oh khwaab tera e????
Sab kuch te tu pehlo hi lay gayo,
Mere hanjhoo, tere haase,
Meriyaan kasmaa, tere vaade,
Befikri diya raata, bagair gallan to saugata,
Pher vi jo nibad nahi reha,
Ki oh hisaab tera e????
Taitho bagair eh jindagi kis tara beetegi?
Koi suaal nahi, koi jwaab nahi,
Koi khyaal nahi, koi khwaab nahi,
Jisde harek varke di siaahi fitt gayi hove,
Hun jindari hai us, kori kitaab jehi,
Hun jindari hai us, kori kitaab jehi
SSA Saariyan members noo mere valon, meri pehli hazari meri navi kavita rahi.
regards,
Mandeep
|
