ਸਤਿ ਸ਼ੀ੍ ਅਕਾਲ ਦੋਸਤੋ...ਇੱਕ ਵਾਰ ਫੇਰ ਤੁਹਾਡੀ ਕਚਿਹਰੀ 'ਚ ਹਾਜ਼ਿਰ ਹੋਇਆ ਹਾਂ ਉਮੀਦ ਕਰਦਾ ਹਾਂ ਪਸੰਦ ਕਰੋਗੇ...ਜੇ ਕੋਈ ਸੁਝਾਅ ਹੋਵੇ ਤਾਂ ਜਰੂਰ ਦੱਸਣਾ...

ਮੇਰੇ ਵਤਨ ਦੀਉ ਸ਼ਹਿਜਾਦੀਉ

ਤੁਹਾਨੂੰ ਰੱਜ ਰੱਜ ਚੜਨ ਜਵਾਨੀਆਂ

ਤੁਸੀਂ ਮੀਰਾ ਝਾਂਸੀ ਵਾਂਗਰਾ ਕੋਈ

ਨਵੀਆਂ ਲਿਖੋ ਕਹਾਣੀਆਂ

ਜੇ ਲੋੜ ਪਵੇ ਤਾਂ ਬਣ ਜਾਣਾ

ਤਿੱਖੀ ਤਲਵਾਰ ਦੀ ਧਾਰ ਵੀ

ਮਮਤਾ ਦੀਆਂ ਸੱਚੀਆਂ ਮੂਰਤਾਂ

ਇਹ ਬੜੀਆਂ ਸੁਘੜ ਸਿਆਣੀਆਂ

ਮੇਰੇ ਸੋਹਣੇ ਦੇਸ਼ ਪੰਜਾਬ ਦਾ

ਤੁਸੀਂ ਫਖ਼ਰ ਬਣੋ ਸਨਮਾਨ ਵੀ

ਕੋਈ ਐਸਾ ਜੌਹਰ ਵਿਖਾ ਦਿਉ

ਅੱਗ ਲਾ ਦਿਉ ਪੰਜਾਂ ਪਾਣੀਆਂ

ਤੁਸੀਂ ਲਿਖ ਦਿਉ ਗੀਤ ਪਿਆਰ ਦੇ

ਝਾਂਜਰ ਦੀ ਛਣਕਾਰ ਦੇ

ਅੱਗੇ ਹੋ ਬੀੜੇ ਚੁੱਕ ਲਉ

ਬਣ ਜਾਉ ਗਿਧਿੱਆਂ ਦੀਆਂ ਰਾਣੀਆਂ

ਭੋਰਾ ਨਾ ਡਰਿਉ ਸਹਿਕਿਉ

ਤੁਸੀਂ ਫੁੱਲਾਂ ਵਾਂਗੂੰ ਮਹਿਕਿਉ

ਜੋ ਦਿਲ ਵਿੱਚ ਹੈ ਉੱਠ ਕਿਹ ਦਿਉ

ਇਹ ਮੁੜ ਨਾ ਕਹੀਆਂ ਜਾਣੀਆਂ

ਤੁਸੀਂ ਆਪਣੇ ਹੱਥੀਂ ਸਿਰਜ ਲਉ

ਆਪਣੀ ਜਿੰਦਗੀ ਦੇ ਚਾਵਾਂ ਨੂੰ

ਨਾ ਫ਼ਰਜ਼ ਦੀ ਸੂਲੀ ਚੜ ਜਿਉ

ਇਹ ਮੁੜ ਨਾ ਆਉਣ ਜਵਾਨੀਆਂ

ਉ ਕੁੜੀਉ ਰੁੜ ਪੁੜ ਜਾਣੀਉ

ਕਿਸੇ ਰਾਜੇ ਦੀਉ ਪਟਰਾਣੀਉ

ਮੋਢੇ ਨਾਲ਼ ਮੋਢਾ ਜੋੜ ਲਉ

ਬਣ ਧੀਆਂ ਜਾਉ ਸਿਆਣੀਆਂ

ਹਰ ਹੱਕ ਬਰਾਬਰ ਸਮਝਕੇ

ਦਿਲ ਕਰੜਾ ਕਰ ਕਮਜੋਰ ਕਰ ਤੂੰ

ਕਰ ਲਈਆਂ ਬਹੁਤ ਗੁਲਾਮੀਆਂ

ਹੁਣ ਹੋਰ ਨਾ ਸਹੀਆਂ ਜਾਣੀਆਂ

ਸਭ ਹੋ ਜਾਣਾ ਤੂੰ ਕਰਨਾ ਕੀ

ਜੇ ਕਰਨਾ ਤਾਂ ਫੇਰ ਡਰਨਾ ਕੀ

ਬੱਸ ਇੱਕ ਵਾਰੀ ਸ਼ੁਰੂਆਤ ਕਰ

ਫਿਰ ਮੁੜ ਨਾ ਰੋਕੀਆਂ ਜਾਣੀਆਂ

ਹੱਕਾਂ ਲਈ ਲੜਨਾ ਪੈਂਦਾ ਏ

ਅੱਗਾਂ ਤੇ ਖੜਨਾ ਪੈਂਦਾ ਏ

ਉਂਝ ਔਖੀਆਂ ਨੇ ਕੁੱਝ ਰਾਹਾਂ ਪਰ

'ਭੰਗੂ' ਮੰਜਿਲ ਵੱਲ ਨੂੰ ਜਾਣੀਆਂ...

ਤੁਹਾਡਾ ਆਪਣਾ...ਅਮਨ ਭੰਗੂ

kiya baatan bai g ..bahut khoob .. message bahut vadhiya tarike naal communicate kita ... thanks for sharing..!

wah ji waah....

kyaa baat ae 22 g.... der baad haazri lawai par rooh khush kar ditti... apni lajawab rachna naal....

very well versed... fantastic....

great job 22 g..

..seriously gr8 job done.........thanx for sharing g

Great 22 g bahut khoob. Jeooo

Bahut khubsurat rachna ae tuhadi hamesha dee taran..!!

ਤੁਸੀਂ ਆਪਣੇ ਹੱਥੀਂ ਸਿਰਜ ਲਉ

ਆਪਣੀ ਜਿੰਦਗੀ ਦੇ ਚਾਵਾਂ ਨੂੰ

ਨਾ ਫ਼ਰਜ਼ ਦੀ ਸੂਲੀ ਚੜ ਜਿਉ

ਇਹ ਮੁੜ ਨਾ ਆਉਣ ਜਵਾਨੀਆਂ

ਹੱਕਾਂ ਲਈ ਲੜਨਾ ਪੈਂਦਾ ਏ

ਅੱਗਾਂ ਤੇ ਖੜਨਾ ਪੈਂਦਾ ਏ

ਉਂਝ ਔਖੀਆਂ ਨੇ ਕੁੱਝ ਰਾਹਾਂ ਪਰ

'ਭੰਗੂ' ਮੰਜਿਲ ਵੱਲ ਨੂੰ ਜਾਣੀਆਂ

Thanks Ferozpuria, Amrinder, Amandeep, Satwinder & Balihar ji...bahut dhanvaad....khush raho...God bless...