ਉਜੜ ਗਿਆ ਰਾਂਝੇ ਦਾ ਬੇਲਾ 

ਫੁਲ ਬੂਟੇ ਸੁਕ ਗਏ ਸਾਰੇ 

ਨਾ ਕੋਈ ਅੱਜ ਕਲ ਕੁਟਦੀ ਚੂਰੀ 

ਤੇ ਨਾ ਕੋਈ ਮੱਝਾਂ ਚਾਰੇ 

ਇੱਕ ਲਈ ਦੁਜੀ ਛੱਡ ਨਈ ਹੁੰਦੀ 

ਕਿਹੜਾ ਛੱਡ ਦਉ ਤਖ਼ਤ ਹਜ਼ਾਰੇ? 

ਅੱਜ ਦੁਨੀਆ ਦਾ ਦਸਤੂਰ ਮਿਆਂ 

ਇਥੇ ਸਭ ਗ਼ਰਜ਼ਾਂ ਦੇ ਮਾਰੇ 

ਰੱਜੇ ਨਈ ਹਾਲੇ ਹਾਕਮ ਸਾਡੇ 

ਸਭ ਬੈਠੇ ਭੁਖ ਦੇ ਮਾਰੇ 

ਚਾਰੇ ਪਾਸੇ ਭੁਖ ਪਸਰ ਗਈ 

ਸਰਕਾਰੇ ਦਰਬਾਰੇ 

ਰੋਟੀ ਐਸਾ ਸੁਪਨਾ ਹੋਗਈ 

ਜਿਵੇਂ ਮਹਿਗੇਂ ਮਹਿਲ ਮੁਨਾਰੇ 

ਬਹਾਦਰ ਢਿਡ ਦੇ ਭੁਖੇਆਂ ਲਈ 

ਕਿਹੜਾ ਹਾਅ ਦਾ ਨਾਅਰਾ ਮਾਰੇ 

ਸੜਕਾਂ ਤੋਂ ਛਾਂ ਚੋਰੀ ਹੋ ਗਈ 

ਚਲ ਗਏ ਰੁਖਾਂ ਤੇ ਆਰੇ 

ਕਾਂ ਬੈਠੇ ਬੋਟਾਂ ਦੀ ਰਾਖੀ 

ਕੋਈ ਹੱਥ ਅਕਲ ਨੂੰ ਮਾਰੇ 

ਰੱਬ ਸੀ ਜੋ ਕਾਤਿਲ ਬਣ ਬੈਹਗੇ 

ਐਸੇ ਪੇਚ ਮਾਯਾ ਨੇ ਮਾਰੇ 

ਅੱਜ ਕਲ ਦਾ ਓਹ ਰੱਬ ਮਿਆਂ 

ਧੀਆਂ ਵਿੱਚ ਕੁਖਾਂ ਦੇ ਮਾਰੇ

wah janab..!!

well said...!!!

ਅੱਜ ਦੁਨੀਆ ਦਾ ਦਸਤੂਰ ਮਿਆਂ 

ਇਥੇ ਸਭ ਗ਼ਰਜ਼ਾਂ ਦੇ ਮਾਰੇ 

ਰੱਜੇ ਨਈ ਹਾਲੇ ਹਾਕਮ ਸਾਡੇ 

ਸਭ ਬੈਠੇ ਭੁਖ ਦੇ ਮਾਰੇ

ਰੱਬ ਸੀ ਜੋ ਕਾਤਿਲ ਬਣ ਬੈਹਗੇ 

ਐਸੇ ਪੇਚ ਮਾਯਾ ਨੇ ਮਾਰੇ 

ਅੱਜ ਕਲ ਦਾ ਓਹ ਰੱਬ ਮਿਆਂ 

ਧੀਆਂ ਵਿੱਚ ਕੁਖਾਂ ਦੇ ਮਾਰੇ|

heart  touching  thought  ...........ਬਹੁਤ ਹੀ ਵਧੀਆ ਪੇਸ਼ਕਾਰੀ ......ਹੋਰ ਲਿਖਦੇ ਰਹੋ ਤੇ ਸਾਂਝ ਕਰਦੇ ਰਹੋ ..........ਗੁਰੂ ਮਿਹਰ ਕਰਨ