ਅਣ ਜੰਮਿਆ ਸਚ

ਉਮਰਾਂ ਗੁਜਰ ਗਈਆਂ ਨੇ
ਮਿਰਗਤ੍ਰਿਸ਼ਨਾ ਦੇ ਮਾਰੂਥਲ ਚੋਂ
ਤ੍ਰਿਪਤ ਪਾਣੀ ਦੀ ਬੂੰਦ ਭਾਲਦਿਆਂ
ਬੀਆਬਾਨ ਆਕਾਸ਼ ਚੋਂ ਅਟਲ ਜੋਤ
ਦਸਮ ਦੁਆਰ ਚ ਪਰਜਵਲਿਤ ਹੁੰਦਿਆਂ
ਮਹਿਸੂਸ ਕਰਨ ਤੇ ਵੇਖਣ ਲਈ
ਬੁਧੀ ਤੇ ਭਾਵਨਾਵਾਂ ਨੂੰ ਮੰਥਨ ਕਰਦਿਆਂ
ਵਿਅਰਥ ਮੁਦਤਾਂ ਬੀਤ ਗਈਆਂ ਨੇ 
ਸਮੁੰਦਰਾਂ ਦੇ ਖਾਰੇ ਪਾਣੀਆਂ ਚੋਂ 
ਅੰਮ੍ਰਿਤ ਦੀ ਦਾਤ ਪ੍ਰਾਪਤ ਕਰਨ ਲਈ
ਸਾਧੂਆਂ ਦੇ ਧੂੰਣਿਆਂ ਤੇ ਡੇਰਿਆਂ
ਮੰਦਰਾਂ ਗੁਰਦਵਾਰਿਆਂ ਤੇ ਮਸਜਿਦਾ ਦੀ ਭੀੜ ਵਿੱਚ
ਭਰਮਿਤ ਹੋ ਗਿਆ ਏ ਅੰਮ੍ਰਿਤ ਦਾ ਸਚ
ਉੱਚੀ ਬਾਂਗ ਦੇਣ ਤੋਂ ਰੋਕਣ ਲਈ
ਸਪੀਕਰਾਂ ਟੀ ਵੀ ਤੇ ਚੀਕਣਾ ਪੈ ਰਿਹੈ ਸਚ ਨੂੰ 
ਇਤਿਹਾਸ ਦੀਆਂ ਸਚਾਈਆਂ ਬਣ ਰਹੀਆਂ ਨੇ
ਮਿਥਿਹਾਸ ਦੀਆਂ ਕਹਾਣੀਆਂ ਤੇ ਘਟਨਾਵਾਂ
ਅੱਜ ਦੇ ਸਚ ਝੂਠਲਾ ਰਹੇ ਨੇ ਭੂਤ ਦੀਆਂ ਕੁਰਬਾਨੀਆਂ
ਕੌਮਾਂ ਗੁਆਚ ਰਹੀਆਂ ਨੇ ਰਜਵਾਹਿਆਂ ਦੀ ਲੁੱਟ ਖਸੁੱਟ ਵਿੱਚ
ਤੇ ਆਜ਼ਾਦੀ ਦੀ ਧਰੋਹਰ ਬਣ ਫੀਲੇ ਵੇਚ ਰਹੀ ਏ
ਕੌਡੀਆਂ ਦੇ ਭਾਅ ਕਨੂੰਨ ਅਤੇ ਪਰਸ਼ਾਸ਼ਨਿਕ ਵਿਚਾਰਧਾਰਾ
ਵਕਤ ਮੁੜ ਆਵੇ ਕੁੱਝ ਆਸ ਬਾਕੀ ਏ
ਸਰਫਰੋਸ਼ੀ ਦੀ ਤਮੰਨਾ ਅੱਜੇ ਵੀ ਦਿੱਦਿੱਲ ਵਿੱਚ ਹੈ
ਸਮੁੰਦਰਾਂ ਦੇ ਖਾਰੇ ਪਾਣੀਆਂ ਨੂੰ ਮਿਠਾ ਬਣਾਉਣ ਲਈ 
ਕੁੱਝ ਕਰ ਨਿਬੜੋਗੇ ਨੌਜਵਾਨੋਂ ਆਸ ਹੈ 
 ਅਤ੍ਰਿਪਤ ਮਨ ਪਿਆਸ ਬੁਝਾਉਣ ਲਈ 
ਮਨ ਦੀਆਂ ਗਹਿਰਾਈਆਂ ਚੋਂ ਸਚ ਭਾਲਦਿਆਂ