ਅਣਪੜਾਂ ਹੱਥ ਹਕੂਮਤ ਹੋਵੇ,
ਦੇਸ਼ ਤਾਂ ਵਿਕਣਾ ਪੱਕਾ ਏ।
ਨੋਟ ਬੰਦੀ ਤੇ ਜੀ.ਐੱਸ.ਟੀ ਨੇ,
ਬਠਾਇਆ ਲੋਕਾਂ ਦਾ ਭੱਠਾ ਏ।

ਫਿਰ ਆਏ ਕਿਰਸਾਨੀ ਉਤੇ,
ਕਾਲੇ ਕਾਨੂੰਨ ਮੜ੍ਹ ਦਿੱਤੇ ਮੱਥੇ,
ਧਰਨੇ ਉਪਰ ਕਿਸਾਨ ਵੀ ਕੁੱਟੇ,
ਕੀ ਹਾਲੇ ਹੋਇਆ ਨੀ ਧੱਕਾ ਏ ?

ਮਹਿੰਗਾਈ ਸਿਖਰਾਂ ਤੇ ਪੁੱਜ ਗਈ,
ਆਸਾਂ ਦੀ ਸ਼ਮਾ ਵੀ ਬੁੱਝ ਗਈ,
ਮਰੀਆਂ ਜਮੀਰਾਂ ਜਗਾਉਣ ਲਈ,
ਧਰਨੇ ਤੇ ਪੁੱਜ ਗਿਆ ਲੱਖਾ ਏ।

ਹਕੂਮਤ ਨੂੰ ਝੁਕਾ ਕੇ ਰੱਖਣਾ,
ਹੱਕ ਲੈਣੇ, ਪਿੱਛੇ ਨੀ ਹਟਣਾ,
ਕਾਲੇ ਕਾਨੂੰਨ ਨੇ ਰੱਦ ਕਰਵਾਉਣੇ,
ਕਰ ਲਿਆ ਇਰਾਦਾ ਪੱਕਾ ਏ।

ਅਣਪੜਾਂ ਹੱਥ ਹਕੂਮਤ ਹੋਵੇ,
ਦੇਸ਼ ਤਾਂ ਵਿਕਣਾ ਪੱਕਾ ਏ।

True,.........very well written for public...........to wake up.