samandar main utarta hun to ankhein bheg jati hain
teri ankhon ko parta hun to ankhein bheg jati hain

tumhara naam likne ki ijazat chin gae jab se
koi bhi lafz likta hun to ankhein bheg jati hain

teri yadon ki khushbo khrkiyon mein raqs karti hai
tere ghum main sulgta hun to ankhein bheg jati hain

main hans k jhail laita hun judai ki sabhi rasmen
gale jab us k lagta hun to ankhein bheg jati hain

na jane ho gaya hun is qadar hasas main kab se
kisi se bat karta hun to ankhein bheg jati hain

Vo sab guzre hue lamhat mujko yad aate hain
tumhare khat jo parta hun to ankhein bheg jati hain

mein sara din bohot masrof rehta hun magar junhi
qadam chokat par rakta hun to ankhein bheg jati hain

har ik muflis k mathe par alam ki dastanain hain
koi chehra bhi parta hun to ankhein bheg jati hain

bare logon k unche badnuma or sard mehlon ko
ghareb ankhon se takta hun to ankhein bheg jati hain

hazron musamon ki hukmrani hai mere dil par
WASI'main jab bhi hasta hun to ankhain bheg jati hain

Tumhay jaana ijazat hay
koi bhi fesla kerlo
hamarey muntazir tehro
ya humko alwida kehdo

hamarey naam se mansoob kerlo naam ko apnay
ya apna naam dey k tum kissi k meet ban jao
tumhay janaa ijazat hay
koi bhi fesla kerlo

hamarey paaon may tu waqt ki zanjeer lipti hai
buhat nidhaal hain hum tu dukhon ki aazmayesh may
buhat mumkin hai thak jao hamarey saath chal ker tum
muhabbat ki thakawat tumko humse badgumaan kerdey
tu is se qabal k her ek wapsi ki rah kho jaay
jo socha bhi nahi humne kabhi wo kal ko hojay
tumhay janaa ijazat hay
koi bhi fesla kerlo

hamara tumse wada hai, tumhari yaad ko hum tu
sadda dil k darechay may yonhi aabad rakhay gain
k dil tuta rahy her pal labbon ko shaad rakhain gain
tumhay janaa ijazat hai
koi bhi fesla kerlo

tum apnay hosloon may jab thakawat c kabhi paao
ulajh jao masa'yil may, wafa ko na nibha paao
kissi pyarey se mukhray ki haseen aankhon may kho jao
ijazat hay tumhay janaa
ager is pal jo tum chahoo
koi bhi fesla kerlo
hamarey muntazir tehro
ya humko alwida kehdoo!!!!

Mujhey darya nahi likhna,mujhey sehra nahi likhna
Tasallsul se safar main hoon, mujhey thehra nahi likhna

Purani rabton ki raakh ab tak dil main baqi hai
Meri jalti hatheli par naya wada nahi likhna

Ana se jeet kar usko agar jo mainey khoya hai
Mera noha nahi likhna mera naghma nahi likhna
Bisat-e-zindagi ki aakhiri sarhad pe khara hoon
hoor na karna mera charcha nahi likhna

Ye na ho tum kabhi us ko mitaa na chaho..na mittay
Mujhey apna samajh lena magar apna nahi likhna

Meri aankhon may baatein hay magar chehray pe gehri chup
Meri aankhein to likh dena mera chehra nahi likhna

Kahin aisa na ho meri kasak us dil main reh jaye
Mera dukh dard likh dena magar gehra nahi likhna

jhuki hein ab meri nazrein,
tumhe jo yaad kerti hein,
baharein lay kar aoo gey,
kaho ik din tum aao gey.
woh sari teri perchaiyan,
tasawar ki woh tanhaiyan,
jo aankhon se barasti hein
kaho sab chor aao gey.
kaho ik din tum aao gey.
ye kharzan hai khazan hum per,
pholon ka hai eeman tum per,
muhabat tor lao gey,
kaho ik din tum aao gey.
kyun nazrein teri piyasi hein,
kaho kis ki matlashi hein,
hakiqat ban ke aao gey,
khawabon ko tor jao gey.
kaho ik din tum aao gey.

Hazaroon dukh parain sehna, Mohabbat mar nahin sakti
Hay tum say bus yehi kehna, Mohabbat mar nahin sakti

Tera har baar meray khat koo parhna or roo dayna
Meera har baar likh dayna, Mohabbat mar nahin sakti

Kiya thaa hum nay campus kee nad'di per ik haseen wada
Bhalay hum koo paray marna, Mohabbat mar nahin sakti

Jahan main jab talak panchi chehaktay udtay phirtay hain
Hay jub tak phool ka khilna, Mohabbat mar nahin sakti

Puranay Ehad koo jab zinda karnay kaa khayal aa'ay
Mujhay bus itna likh dayna, Mohabbat mar nahin sakti

Vo tera hijr kee shub phone rakhnay say zara pehlay
Bohat rootay howay kehna, Mohabbat mar nahin sakti

Agar hum hasratoon kee qabr main daf'n hoo ga'ain
Too yea qutboon pay likh dayna, Mohabbat mar nahin sakti

Puranay rabtoon koo phir na'ay waday kee khuwaish hay
Zara Aahista say ye kehna, Mohabbat mar nahin sakti

Ga'ay lamhat furqat kay, kahan say dhoondh kar laoon
Woo pehroon hath per likhna, Mohabbat mar nahin sakti