ਇਮਾਨ ਜਿਹੀਆਂ ਬੇਈਮਾਨ ਜਿਹੀਆਂ
ਕੁਝ ਖਾਹਸ਼ਾਂ ਨੇ ਸ਼ੈਤਾਨ ਜਿਹੀਆਂ
ਮੈਂ ਬੰਦਾਂ ਜੀਵ ਤੋਂ ਉੱਤਮ ਹਾਂ
ਸਭ ਗੱਲਾਂ ਨੇ ਸ਼ਰਮਾਣ ਜਿਹੀਆਂ
ਮੇਰਾ ਮਨ ਪਰਚਾਵਣ ਆਈਆਂ ਨੇ
ਇਹ ਸੁੰਨਾਂ ਜੋ ਸ਼ਮਸ਼ਾਨ ਜਿਹੀਆਂ
ਕੋਈ ਸੂਰਤ ਮੋਮੋਠਗਨੀ ਜਿਹੀ
ਕਈ ਲਗਦੀਆਂ ਨੇ ਰੂਹ ਜਾਨ ਜਿਹੀਆਂ
ਗੱਲ ਤੇਰੀ ਮੇਰੀ ਪੁਗਣੀ ਨੀ
ਇਥੇ ਰਸਮਾਂ ਨੇ ਚਟਾਨ ਜਿਹੀਆਂ
ਕਿਵੇਂ ਨੈਣੀ ਦੀਵੇ ਜਗਦੇ ਨੇ
ਹਿੱਕੀ ਆਹਾਂ ਨੇ ਤੂਫ਼ਾਨ ਜਿਹੀਆਂ
ਸੀਨੇ ਤੋਹਮਤ ਵਰਗਾ ਕੀ ਲਿਖਿਆ
ਤੇਰੀਆ ਕਲਮਾਂ ਨੇ ਕਿਰਪਾਨ ਜਿਹੀਆਂ
ਗੱਲ ਗੱਲ ਤੇ ਲਾਹਨਤ ਪੈ ਗਈ ਏ
ਗੱਲਾਂ ਗਈਆਂ ਨਹੀ ਗੁਮਾਨ ਜਿਹੀਆਂ
ਮੇਰੇ ਜਿਓਂਦੇ ਜੀ ਹੀ ਢੁੱਕ ਆਈਆਂ
ਨਹੀ ਸਿਫਤਾ ਮੇਰੀ ਮਕਾਣ ਜਿਹੀਆਂ
naib^