Punjabi Poetry
 View Forum
 Create New Topic
 Search in Forums
  Home > Communities > Punjabi Poetry > Forum > messages
Showing page 1 of 2 << Prev     1  2  Next >>   Last >> 
JAGJIT SINGH JAGGI
JAGJIT SINGH
Posts: 1666
Gender: Male
Joined: 03/Jun/2013
Location: Gurgaon
View All Topics by JAGJIT SINGH
View All Posts by JAGJIT SINGH
 
ਦੋ ਗੱਲਾਂ ਸਾਗਰ ਨਾਲ

 

 

Silhouette On Beach       

     ਦੋ ਗੱਲਾਂ ਸਾਗਰ ਨਾਲ

  (ਨਾਰੀ-ਸਾਗਰ ਸੰਵਾਦ )                               

 

ਨਾਰੀ:

ਸਾਗਰ ਰਾਜਾ! ਖਿਜ਼ਰ ਖਵਾਜਾ!

ਦਮ ਲੈ ਖ਼ਾਂ ਇਕ ਬਿੰਦ ਘੜੀ,

ਰੋਕ ਕੇ ਛੱਲਾਂ, ਸੁਣ ਦੋ ਗੱਲਾਂ,

ਤੇਰੇ ਦਰ ਮੈਂ ਆਣ ਖੜ੍ਹੀ |

 

ਸਾਗਰ:

ਹਵਾ ਹਵਾਈਏ! ਆਦਮ ਜਾਈਏ!

ਐਵੈਂ ਵਕਤ ਗੁਆਉਂਦਾ ਨਹੀਂ,

ਨਾ ਮੈਂ ਸੁਣਾਂ ਕਿਸੇ ਦੀ, ਸੁਣ ਲੈ,

ਆਪਣੀ ਕਿਸੇ ਸੁਣਾਉਂਦਾ ਨਹੀਂ |

 

ਨਾਰੀ:

ਐਡਾ ਤੇਰਾ ਦਿਲ ਸੁਣਿਆ ਸੀ,

ਜੇਡਾ ਏ ਵਿਸਥਾਰ ਤੇਰਾ,

ਛੱਲਾਂ ਗੱਜ ਡਰਾਈ ਜਾਵਣ,

ਇਹ ਕੇਹਾ ਵਿਉਹਾਰ ਤੇਰਾ?

 

ਸਾਗਰ:

ਇਹ ਛੱਲਾਂ ਤਾਂ ਧੜਕਣ ਵਾਂਗਰ,

ਸਾਹ ਨਾਲ ਆਉਂਦੀਆਂ ਜਾਂਦੀਆਂ ਨੇ,

ਵਜੂਦ ਮੇਰੇ ਦੀਆਂ ਬੂੰਦਾਂ ਬਣਕੇ,

ਚੰਨ ਨੂੰ ਮਿਲਣਾ ਚਾਹੁੰਦੀਆਂ ਨੇ |

 

ਨਾਰੀ:

ਕੀ ਹੋਇਆ ਜੇ ਦਿਲ ਮੇਰੇ ਦੀਆਂ,

ਤੇਰੇ ਜਿਹੀਆਂ ਗਹਿਰਾਈਆਂ ਨਹੀਂ,

ਕਿਹੜੀਆਂ ਐਸੀਆਂ ਪੀੜਾਂ ਨੇ,

ਜੋ ਤਨ ਮਨ ਅਸੀਂ ਹੰਢਾਈਆਂ ਨਹੀਂ?

 

ਸਾਗਰ:

ਨੌਏਂ ਗ੍ਰਹਿ, ਅਸੰਖਾਂ ਤਾਰੇ,

ਵਣ, ਖਾਣਾਂ ਤੇ ਪਰਬਤ ਸਾਰੇ,

ਵਸਤਾਂ ਚੌਦਾਂ ਰਤਨਾਂ ਜਹੀਆਂ,

ਕਿਸੇ ਨੇ ਕੱਢ ਵਿਖਾਈਆਂ ਨਹੀਂ |

 

ਨਾਰੀ:

ਰਾਮ, ਕ੍ਰਿਸ਼ਨ, ਬੁੱਧ, ਨਾਨਕ ਰਾਇ,

ਅਨੇਕਾਂ ਰਤਨ ਨਾਰੀ ਨੇ ਜਾਏ,

ਹਰ ਇਕ ਦੇ ਬਲ, ਬੁੱਧ ਤੇ ਜੁਗਤਾਂ,

ਜਾਣੀਆਂ ਕਦੇ ਭੁਲਾਈਆਂ ਨਹੀਂ |

  

ਸਾਗਰ:

ਜੇ ਡੂੰਘੀ ਇਕ ਆਹ ਵੀ ਭਰ ਲਾਂ,

ਕਹਿਰ ਪਲਾਂ ਵਿਚ ਢਹਿ ਜਾਂਦੇ ਨੇ,

ਤੇਰੇ ਜਹੇ ਕਮਜ਼ੋਰ-ਦਿਲੇ,

ਡਰ ਤੀਲੇ ਵਾਂਙੂ ਵਹਿ ਜਾਂਦੇ ਨੇ |

 

ਨਾਰੀ:

ਲੱਛਮੀ ਬਾਝ ਨਿਕੰਮੀ ਦੁਨੀਆਂ,

ਸਰਸ੍ਵਤੀ ਬਿਨ ਚਤਰਾਈਆਂ ਨਹੀਂ,

ਕਾਲੀਆਂ ਮਾਈਆਂ, ਦੁਰਗਾ ਜਾਈਆਂ,

ਅੱਜ ਤਕ ਕਿਸੇ ਡਰਾਈਆਂ ਨਹੀਂ |

 

ਸਾਗਰ:

ਬਾਬਲ ਜਾਣਕੇ ਬੁੱਕਲ ਵੜੀਆਂ,

ਮੈਂ ਤੇ ਕਦੇ ਬੁਲਾਈਆਂ ਨਹੀਂ,     

ਮੈਂ ਵਿਚ ਰਲਕੇ, ‘ਮੈਂ‘ ਨੇ ਹੁਣ ਸਭ, 

ਗੰਗਾ, ਜਮਨਾ ਮਾਈਆਂ ਨਹੀਂ |

 

ਨਾਰੀ:

ਚੁੱਪ ਵੇ ਖਾਰਿਆ, ਹੈਂਕੜ ਮਾਰਿਆ,

ਹੋਛੀਆਂ ਕਰ ਲੜਾਈਆਂ ਨਹੀਂ,

ਲੱਗਦੈ ਤੈਨੂੰ ਖਰੀਆਂ ਖਰੀਆਂ,

ਕਿਸੇ ਨੇ ਕਦੇ ਸੁਣਾਈਆਂ ਨਹੀਂ |

 

               ਜਗਜੀਤ ਸਿੰਘ ਜੱਗੀ


 

ਨੋਟ:

ਖਿਜ਼ਰ ਖਵਾਜਾ = ਜਲ ਦੇਵਤਾ ਜਾਂ ਪੀਰ; ਇਕ ਬਿੰਦ ਘੜੀ = ਥੋੜ੍ਹੇ ਸਮੇਂ ਲਈ; ਗੱਜ ਡਰਾਈ ਜਾਵਣ = ਡਰਾਵਣੀ ਆਵਾਜ਼ ਕੱਢਕੇ ਡਰਾਉਣਾ; ਬੂੰਦਾਂ ਬਣਕੇ, ਚੰਨ ਨੂੰ ਮਿਲਣਾ ਚਾਹੁੰਦੀਆਂ ਨੇ = ਜਵਾਰ ਭਾਟੇ ਤੋਂ ਮੁਰਾਦ ਹੈ; ਅਸੀਂ ਹਢਾਈਆਂ ਨਹੀਂ = ਨਾਰੀ ਵੀ ਬਹੁਤ ਕਸ਼ਟ ਝਲਦੀ ਹੈ; ਨੌਏਂ ਗ੍ਰਹਿ, ਅਸੰਖਾਂ ਤਾਰੇ = ਸਮਸਤ ਤਾਰਾ ਮੰਡਲ ਅਤੇ ਸਭ ਸਿਤਾਰੇ;

ਵਣ, ਖਾਣਾਂ ਤੇ ਪਰਬਤ ਸਾਰੇ = ਕੁਲ ਵਨਸਪਤੀ, ਸਭੇ ਖਾਣਾਂ mines; ਵਸਤਾਂ ਚੌਦਾਂ ਰਤਨਾਂ ਜਹੀਆਂ = ਇਸ਼ਾਰਾ ਹੈ ਉਨ੍ਹਾਂ ਚੌਦਾਂ ਰਤਨਾਂ ਵੱਲ ਜੋ ਦੇਵਤਿਆਂ ਅਤੇ ਦੈਂਤਾਂ ਨੇ ਅੰਮ੍ਰਿਤ ਦੀ ਪ੍ਰਾਪਤੀ ਲਈ ਸੁਮੇਰ ਪਰਬਤ ਦੀ ਮਧਾਣੀ ਅਤੇ ਵਾਸੁਕੀ ਨਾਗ ਦੀ ਰੱਸੀ ਬਣਾਕੇ ਸਮੁੰਦਰ ਰਿੜਕ ਕੇ ਕੱਢੇ ਸੀ; ਕਿਸੇ ਨੇ ਕੱਢ ਵਿਖਾਈਆਂ ਨਹੀਂ = ਸਾਗਰ ਮਾਣ ਨਾਲ ਕਹਿੰਦਾ ਹੈ ਕਿ ਕੋਈ ਹੋਰ ਇਹੋ ਜਿਹੀਆਂ ਨਾਯਾਬ ਵਸਤਾਂ ਨਹੀਂ ਦੇ ਸਕਿਆ; ਹਰ ਇਕ ਦੇ ਬਲ, ਬੁੱਧ ਤੇ ਜੁਗਤਾਂ = ਸਾਗਰ ਦੀਆਂ ਮਾਣਮੱਤੀਆਂ ਗੱਲਾਂ ਦਾ ਜਵਾਬ, ਨਾਰੀ ਇਹ ਕਹਿਕੇ ਦਿੰਦੀ ਹੈ ਕਿ ਉਸਦੇ ਜਾਏ ਅਵਤਾਰਾਂ, ਪੈਗੰਬਰਾਂ, ਸੂਰਬੀਰ ਜੋਧਿਆਂ, ਸੰਤਾਂ ਦੇ ਸਦਗੁਣ ਅਤੇ ਜੌਹਰ ਰਹਿੰਦੀ ਦੁਨੀਆਂ ਤੱਕ ਅਭੁੱਲ ਰਹਿਣਗੇ; ਲੱਛਮੀ ਬਾਝ ਨਿਕੰਮੀ ਦੁਨੀਆਂ, ਸਰਸ੍ਵਤੀ ਬਿਨ ਚਤਰਾਈਆਂ ਨਹੀਂ, ਕਾਲੀਆਂ ਮਾਈਆਂ, ਦੁਰਗਾ ਜਾਈਆਂ, ਅੱਜ ਤਕ ਕਿਸੇ ਡਰਾਈਆਂ ਨਹੀਂ = ਅੰਤ ਵਿਚ ਨਾਰੀ, ਨਾਰੀ-ਸ਼ਕਤੀ ਬਾਰੇ ਦੱਸਦੀ ਹੈ ਕਿ ਲੱਛਮੀ ਬਿਨ ਕੋਈ ਕੰਮ ਨਹੀਂ ਚੱਲ ਸਕਦਾ, ਸਰਸਵਤੀ ਬਿਨ ਅਕਲ ਅਤੇ ਸਿਆਣਪ ਸੰਭਵ ਨਹੀਂ ਅਤੇ ਕਾਲੀ ਮਾਈ (ਜੋ ਪੌਰਾਣਿਕ ਕਥਾਵਾਂ ਅਨੁਸਾਰ ਦੁਰਗਾ ਸ਼ਕਤੀ ਦਾ ਮੱਥਾ ਫਾੜ ਕੇ ਬਾਹਰ ਨਿਕਲੀ ਸੀ) ਨੂੰ ਦੇਵ, ਦੈਂਤ ਜਾਂ ਮਾਨਵ ਤਿੰਨਾਂ ਵਿਚੋਂ ਕੋਈ ਨਹੀਂ ਹਰਾ ਸਕਿਆ ਸੀ, ਭਾਵ ਉਹ ਅਜਿੱਤ ਹੈ; ਗੰਗਾ, ਜਮਨਾ ਮਾਈਆਂ ਨਹੀਂ = ਸਾਗਰ ਆਖਿਰ ਵਿਚ ਆਪਣੀ ਮਹਾਨਤਾ ਦਾ ਗੁਣਗਾਣ ਇਹ ਕਹਿ ਕੇ ਕਰਦਾ ਹੈ ਕਿ ਉਸ ਵਿਚ ਵਿਲੀਨ ਹੋ ਕੇ ਜਮਨਾ ਅਤੇ ਗੰਗਾ ਵਰਗੀਆਂ ਵੱਡੀਆਂ ਵੱਡੀਆਂ ਪੂਜਨੀਕ ਨਦੀਆਂ ਮੇਰਾ ਰੂਪ ਲੈ ਲੈਂਦੀਆਂ ਹਨ ਅਤੇ ਫਿਰ ਉਹ ਗੰਗਾ ਅਤੇ ਜਮਨਾ ਮਾਈਆਂ ਨਹੀਂ ਰਹੀ ਜਾਂਦੀਆਂ;

 

 

ਨੋਟ:

ਖਿਜ਼ਰ ਖਵਾਜਾ = ਜਲ ਦੇਵਤਾ ਜਾਂ ਪੀਰ; ਇਕ ਬਿੰਦ ਘੜੀ = ਥੋੜ੍ਹੇ ਸਮੇਂ ਲਈ; ਗੱਜ ਡਰਾਈ ਜਾਵਣ = sea waves roar to frighten - ਡਰਾਵਣੀ ਆਵਾਜ਼ ਕੱਢਕੇ ਡਰਾਉਣਾ; ਬੂੰਦਾਂ ਬਣਕੇ, ਚੰਨ ਨੂੰ ਮਿਲਣਾ ਚਾਹੁੰਦੀਆਂ ਨੇ = ਜਵਾਰ ਭਾਟੇ ਤੋਂ ਮੁਰਾਦ ਹੈ; ਅਸੀਂ ਹੰਢਾਈਆਂ ਨਹੀਂ = (ਹੰਢਾਈਆਂ ਜਾਂ ਹਢਾਈਆਂ ਇੱਕੋ ਸ਼ਬਦ ਹੈ); ਭਾਵ, ਨਾਰੀ ਵੀ ਬਹੁਤ ਕਸ਼ਟ ਝਲਦੀ ਹੈ; ਨੌਏਂ ਗ੍ਰਹਿ, ਅਸੰਖਾਂ ਤਾਰੇ = ਸਮਸਤ ਤਾਰਾ ਮੰਡਲ ਅਤੇ ਸਭ ਸਿਤਾਰੇ; ਵਣ, ਖਾਣਾਂ ਤੇ ਪਰਬਤ ਸਾਰੇ = ਕੁਲ ਵਨਸਪਤੀ, ਸਭੇ ਖਾਣਾਂ mines ਅਤੇ ਪਰਬਤ; ਵਸਤਾਂ ਚੌਦਾਂ ਰਤਨਾਂ ਜਹੀਆਂ = ਇਸ਼ਾਰਾ ਹੈ ਉਨ੍ਹਾਂ ਚੌਦਾਂ ਰਤਨਾਂ ਵੱਲ ਜੋ ਦੇਵਤਿਆਂ ਅਤੇ ਦੈਂਤਾਂ ਨੇ ਅੰਮ੍ਰਿਤ ਦੀ ਪ੍ਰਾਪਤੀ ਲਈ ਸੁਮੇਰ ਪਰਬਤ ਦੀ ਮਧਾਣੀ ਅਤੇ ਵਾਸੁਕੀ ਨਾਗ ਦੀ ਰੱਸੀ ਬਣਾਕੇ ਸਮੁੰਦਰ ਰਿੜਕ ਕੇ ਕੱਢੇ ਸੀ; ਕਿਸੇ ਨੇ ਕੱਢ ਵਿਖਾਈਆਂ ਨਹੀਂ = ਸਾਗਰ ਮਾਣ ਨਾਲ ਕਹਿੰਦਾ ਹੈ ਕਿ ਕੋਈ ਹੋਰ ਇਹੋ ਜਿਹੀਆਂ ਨਾਯਾਬ ਵਸਤਾਂ ਨਹੀਂ ਦੇ ਸਕਿਆ; ਹਰ ਇਕ ਦੇ ਬਲ, ਬੁੱਧ ਤੇ ਜੁਗਤਾਂ = ਸਾਗਰ ਦੀਆਂ ਮਾਣਮੱਤੀਆਂ ਗੱਲਾਂ ਦਾ ਜਵਾਬ, ਨਾਰੀ ਇਹ ਕਹਿਕੇ ਦਿੰਦੀ ਹੈ ਕਿ ਉਸਦੇ ਜਾਏ (ਉਸਦੇ ਪੈਦਾ ਕੀਤੇ ਹੋਏ) ਅਨੇਕਾਂ ਰਤਨਾਂ, ਭਾਵ  ਅਵਤਾਰਾਂ, ਪੈਗੰਬਰਾਂ, ਸੂਰਬੀਰ ਜੋਧਿਆਂ, ਸੰਤਾਂ ਦੇ ਸਦਗੁਣ ਅਤੇ ਜੌਹਰ ਰਹਿੰਦੀ ਦੁਨੀਆਂ ਤੱਕ ਅਭੁੱਲ ਅਤੇ ਕਾਇਮ ਰਹਿਣਗੇ; ਲੱਛਮੀ ਬਾਝ ਨਿਕੰਮੀ ਦੁਨੀਆਂ, ਸਰਸ੍ਵਤੀ ਬਿਨ ਚਤਰਾਈਆਂ ਨਹੀਂ, ਕਾਲੀਆਂ ਮਾਈਆਂ, ਦੁਰਗਾ ਜਾਈਆਂ, ਅੱਜ ਤਕ ਕਿਸੇ ਡਰਾਈਆਂ ਨਹੀਂ = ਅੰਤ ਵਿਚ ਨਾਰੀ, ਨਾਰੀ-ਸ਼ਕਤੀ ਬਾਰੇ ਦੱਸਦੀ ਹੈ ਕਿ ਲੱਛਮੀ ਬਿਨ ਕੋਈ ਕੰਮ ਨਹੀਂ ਚੱਲ ਸਕਦਾ, ਸਰਸਵਤੀ ਬਿਨ ਅਕਲ ਅਤੇ ਸਿਆਣਪ ਸੰਭਵ ਨਹੀਂ ਅਤੇ ਕਾਲੀ ਮਾਈ (ਜੋ ਪੌਰਾਣਿਕ ਕਥਾਵਾਂ ਅਨੁਸਾਰ ਦੁਰਗਾ ਸ਼ਕਤੀ ਦਾ ਮੱਥਾ ਫਾੜ ਕੇ ਬਾਹਰ ਨਿਕਲੀ ਸੀ) ਨੂੰ ਦੇਵ, ਦੈਂਤ ਜਾਂ ਮਾਨਵ ਤਿੰਨਾਂ ਵਿਚੋਂ ਕੋਈ ਨਹੀਂ ਹਰਾ ਸਕਿਆ ਸੀ, ਭਾਵ ਉਹ ਅਜਿੱਤ ਹੈ; ਗੰਗਾ, ਜਮਨਾ ਮਾਈਆਂ ਨਹੀਂ = ਸਾਗਰ ਆਖਿਰ ਵਿਚ ਆਪਣੀ ਮਹਾਨਤਾ ਦਾ ਗੁਣਗਾਣ ਇਹ ਕਹਿ ਕੇ ਕਰਦਾ ਹੈ ਕਿ ਉਸ ਵਿਚ ਵਿਲੀਨ ਹੋ ਕੇ ਜਮਨਾ ਅਤੇ ਗੰਗਾ ਵਰਗੀਆਂ ਵੱਡੀਆਂ ਵੱਡੀਆਂ ਪੂਜਨੀਕ ਨਦੀਆਂ ਮੇਰਾ ਰੂਪ ਲੈ ਲੈਂਦੀਆਂ ਹਨ ਅਤੇ ਫਿਰ ਉਹ ਗੰਗਾ ਅਤੇ ਜਮਨਾ ਮਾਈਆਂ ਨਹੀਂ ਰਹਿ ਜਾਂਦੀਆਂ;

 

25 Sep 2017

Gagan Deep Dhillon
Gagan Deep
Posts: 59
Gender: Male
Joined: 17/Sep/2016
Location: Melbourne
View All Topics by Gagan Deep
View All Posts by Gagan Deep
 

ਬਹੁਤ ਸੋਹਣੀ ਕਿਰਤ ਵੀਰ ਜੀ..ਨਾਰੀ ਤੇ ਸਾਗਰ ਦੀ ਇਸ ਤਕਰਾਰ ਨੇ ਸ਼ਿਵ ਦੀ ਲੂਣਾ ਦੇ ਕਿਰਦਾਰ ਨਟੀ ਤੇ ਸੂਤਰਧਾਰ ਦੇ ਪਿਆਰ-ਤਕਰਾਰ ਦੇ ਵਾਰਤਾ ਯਾਦ ਕਰਵਾ ਦਿੱਤੀ..Thanks for sharing

27 Sep 2017

JAGJIT SINGH JAGGI
JAGJIT SINGH
Posts: 1666
Gender: Male
Joined: 03/Jun/2013
Location: Gurgaon
View All Topics by JAGJIT SINGH
View All Posts by JAGJIT SINGH
 

ਗਗਨਦੀਪ ਜੀ, ਕਿਰਤ ਲਈ ਸਮਾਂ ਕੱਢਣ ਲਈ ਬਹੁਤ ਬਹੁਤ ਧੰਨਵਾਦ |


ਬਟਾਲਵੀ ਸਾਹਿਬ ਦੇ ਨੱਟੀ-ਸੂਤਰਧਾਰ ਸੰਵਾਦ ਨੂੰ ਯਾਦ ਕਰਵਾ ਗਈ ਇਹ ਨਿੱਕੀ ਜਿਹੀ ਕਿਰਤ - ਮੇਰੇ ਲਈ ਮਾਣ ਦੀ ਗੱਲ ਹੈ | ਇਵੇਂ ਹੀ ਲਿਖਦੇ ਪੜ੍ਹਦੇ ਰਹੋ ਅਤੇ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਕਰਦੇ ਰਹੋ |


ਜਿਉਂਦੇ ਵੱਸਦੇ ਰਹੋ |

12 Oct 2017

sukhpal singh
sukhpal
Posts: 1081
Gender: Male
Joined: 27/Mar/2013
Location: melbourne
View All Topics by sukhpal
View All Posts by sukhpal
 

it's brilliant sir g,.............so nicely written,............great,..............a master work,...........marvalous creation,...........a world class literature,.........brilliant once again,...........hatts off,.......salute to a great punjabi writer

14 Oct 2017

MANINDER SINGH
MANINDER
Posts: 113
Gender: Male
Joined: 22/Oct/2016
Location: LUDHIANA
View All Topics by MANINDER
View All Posts by MANINDER
 

ਬਹੁਤ ਵਧੀਆ ਤਕਰਾਰ ਭਰੀ ਗੱਲ ਬਾਤ ਇੱਕ ਨਾਰੀ ਦੇ ਸਾਗਰ ਵਿਚਾਲੇ.......ਧੰਨਵਾਦ ਸਰ....ਪੁਬਲਿਸ਼ ਕਰਨ ਵਾਸਤੇ ਸਰ....ਸਰ ਤੁਸੀਂ ਆਪਣੀ ਬੁਕ ਪੁਬਲਿਸ਼ ਕਰਵਾਓ ਸਰ....ਮੈਨੂੰ ਉਮੀਦ ਹੈ ਤੁਹਾਨੂੰ ਵਧੀਆ ਹੁੰਗਾਰਾ ਮਿਲੇਗਾ ਸਰ...

17 Oct 2017

Amrinder Singh
Amrinder
Posts: 4089
Gender: Male
Joined: 01/Jul/2008
Location: Chandigarh
View All Topics by Amrinder
View All Posts by Amrinder
 

 

ਇਹਨੂੰ ਕਹਿੰਦੇ ਨੇ ਬਾਕਮਾਲ ਕਵਿਤਾ .... ਵਾਹ...
ਬਹੁਤ ਦੇਰ ਬਾਅਦ ਕੋਈ ਇੰਨੀ ਖੂਬਸੂਰਤੀ ਨਾਲ ਬੁਣੀ ਰਚਨਾ ਪੜੀ ...  ਬਹੁਤ ਸੋਹਣਾ ਬਿੰਬ create ਕੀਤਾ ਤੁਸੀਂ ,,,,

ਇਹਨੂੰ ਕਹਿੰਦੇ ਨੇ ਬਾਕਮਾਲ ਕਵਿਤਾ .... ਵਾਹ...

 

ਬਹੁਤ ਦੇਰ ਬਾਅਦ ਕੋਈ ਇੰਨੀ ਖੂਬਸੂਰਤੀ ਨਾਲ ਬੁਣੀ ਰਚਨਾ ਪੜੀ ...  ਬਹੁਤ ਸੋਹਣਾ ਬਿੰਬ create ਕੀਤਾ ਤੁਸੀਂ ,,,,

 

19 Oct 2017

JAGJIT SINGH JAGGI
JAGJIT SINGH
Posts: 1666
Gender: Male
Joined: 03/Jun/2013
Location: Gurgaon
View All Topics by JAGJIT SINGH
View All Posts by JAGJIT SINGH
 

 

ਸਾਰੇ ਪਿਆਰੇ ਅਤੇ ਮਾਣਯੋਗ ਪਾਠਕ ਦੋਸਤੋ, ਇਸ ਕਿਰਤ ਨੂੰ ਸਮਾਂ ਦੇਣ ਲਈ ਅਤੇ ਹੌਂਸਲਾ ਅਫ਼ਜ਼ਾਈ ਭਰੇ ਕਮੈਂਟਸ ਦੇਣ ਲਈ ਬਹੁਤ ਬਹੁਤ ਧੰਨਵਾਦ |
ਜਲਦੀ ਹੀ ਕਮੈਂਟਸ ਦੇ ਇੰਡੀਵੀਜੁਅਲ ਜਵਾਬ ਦੇਵਾਂਗਾ ਜੀ |  
ਹਮੇਸ਼ਾ ਇਸੇ ਤਰਾਂ ਪੜ੍ਹਦੇ ਤੇ ਮਾਂ ਬੋਲੀ ਦੀ ਸੇਵਾ ਕਰਦੇ ਰਹੋ | 

ਪਿਆਰੇ ਅਤੇ ਮਾਣਯੋਗ ਪਾਠਕ ਦੋਸਤੋ, ਇਸ ਕਿਰਤ ਨੂੰ ਸਮਾਂ ਦੇਣ ਲਈ ਅਤੇ ਹੌਂਸਲਾ ਅਫ਼ਜ਼ਾਈ ਭਰੇ ਕਮੈਂਟਸ ਦੇਣ ਲਈ ਬਹੁਤ ਬਹੁਤ ਧੰਨਵਾਦ |


ਜਲਦੀ ਹੀ ਕਮੈਂਟਸ ਦੇ ਇੰਡੀਵੀਜੁਅਲ ਜਵਾਬ ਦੇਵਾਂਗਾ ਜੀ |  


ਹਮੇਸ਼ਾ ਇਸੇ ਤਰਾਂ ਪੜ੍ਹਦੇ ਤੇ ਮਾਂ ਬੋਲੀ ਦੀ ਸੇਵਾ ਕਰਦੇ ਰਹੋ | 

 

ਜਿਉਂਦੇ ਵੱਸਦੇ ਰਹੋ |

 

28 Oct 2017

raman jandu goraya
raman jandu
Posts: 22
Gender: Male
Joined: 30/Oct/2017
Location: goraya
View All Topics by raman jandu
View All Posts by raman jandu
 
bohat hi khoob ji pad k swaad aa gea
30 Oct 2017

ਗੁਰਦਰਸ਼ਨ ਮਾਨ
ਗੁਰਦਰਸ਼ਨ
Posts: 753
Gender: Male
Joined: 13/Jun/2016
Location: _________
View All Topics by ਗੁਰਦਰਸ਼ਨ
View All Posts by ਗੁਰਦਰਸ਼ਨ
 

ਕੀ ਹੋਇਆ ਜੇ ਦਿਲ ਮੇਰੇ ਦੀਆਂ,
ਤੇਰੇ ਜਿਹੀਆਂ ਗਹਿਰਾਈਆਂ ਨਹੀਂ,
ਕਿਹੜੀਆਂ ਐਸੀਆਂ ਪੀੜਾਂ ਨੇ,
ਜੋ ਤਨ ਮਨ ਅਸੀਂ ਹਢਾਈਆਂ ਨਹੀਂ?

bakamaal rachna sir g
01 Nov 2017

JAGJIT SINGH JAGGI
JAGJIT SINGH
Posts: 1666
Gender: Male
Joined: 03/Jun/2013
Location: Gurgaon
View All Topics by JAGJIT SINGH
View All Posts by JAGJIT SINGH
 

 

ਗੁਰਸ਼ਰਨ ਬਾਈ ਜੀ |
ਕਿਰਤ ਲਈ ਸਮਾਂ ਕੱਢਣ ਲਈ ਅਤੇ ਹੌਂਸਲਾ ਅਫ਼ਜ਼ਾਈ ਵਾਲੇ ਕਮੈਂਟਸ ਪਾਉਣ ਲਈ ਬਹੁਤ ਬਹੁਤ ਧੰਨਵਾਦ |
ਇਸਤਰਾਂ ਈ ਲਿਖਦੇ ਪੜ੍ਹਦੇ ਰਹੋ ਅਤੇ ਮਾਂ ਬੋਲੀ ਪੰਜਾਬੀ ਦੀ ਸੇਵਾ ਕਰਦੇ ਰਹੋ |

ਗੁਰਸ਼ਰਨ ਬਾਈ ਜੀ |


ਕਿਰਤ ਲਈ ਸਮਾਂ ਕੱਢਣ ਲਈ ਅਤੇ ਹੌਂਸਲਾ ਅਫ਼ਜ਼ਾਈ ਵਾਲੇ ਕਮੈਂਟਸ ਪਾਉਣ ਲਈ ਬਹੁਤ ਬਹੁਤ ਧੰਨਵਾਦ |


ਇਸਤਰਾਂ ਈ ਲਿਖਦੇ ਪੜ੍ਹਦੇ ਰਹੋ ਅਤੇ ਮਾਂ ਬੋਲੀ ਪੰਜਾਬੀ ਦੀ ਸੇਵਾ ਕਰਦੇ ਰਹੋ |

 

21 Nov 2017

Showing page 1 of 2 << Prev     1  2  Next >>   Last >> 
Reply