ਪਾਗਲ ਪਾਗਲ ਪਾਗਲ, ਮੈਂ ਵੀ ਪਾਗਲ ਤੂੰ ਵੀ ਪਾਗਲ
ਦੁਨੀਆਂ ਵੱਲ ਤੱਕਾਂ ਤੇ ਇੰਝ ਲਗਦਾ ਸਾਰੇ ਹੋ ਗਏ ਪਾਗਲ
ਨਿਆਣੇ ਖਿਡੌਣਿਆਂ ਪਿੱਛੇ ਪਾਗਲ, ਵੀਡੀਓ ਗੇਮਾਂ ਪਿੱਛੇ ਪਾਗਲ
ਕੋਈ ਫਿਲਮਾਂ ਪਿੱਛੇ ਪਾਗਲ, ਕੋਈ ਫਿਰਦਾ ਮੇਮਾਂ ਪਿੱਛੇ ਪਾਗਲ
ਕਈ ਨੇਤਾ ਕੁਰਸੀ ਪਿੱਛੇ ਪਾਗਲ, ਕੋਈ ਫਿਰਦਾ ਵੋਟਾਂ ਪਿੱਛੇ ਪਾਗਲ
ਕੰਮ ਧੰਦੇ ਨੇ ਕੀਤੇ ਕਈ ਪਾਗਲ, ਕੋਈ ਫਿਰਦਾ ਨੋਟਾਂ ਪਿੱਛੇ ਪਾਗਲ
ਕਿਸੇ ਨੂੰ ਕੀਤਾ ਸਕੂਲ ਕਾਲਜ ਦੀ ਪੜ੍ਹਾਈ ਨੇ ਪਾਗਲ
ਕਿਸੇ ਨੂੰ ਕੀਤਾ ਨੂੰਹ ਸੱਸ ਦੀ ਨਿੱਤ ਲੜ੍ਹਾਈ ਨੇ ਪਾਗਲ
ਕੀਤਾ ਕਿਸੇ ਨੂੰ ਨਨਾਣ, ਕਿਸੇ ਨੂੰ ਕੀਤਾ ਭਰਜਾਈ ਨੇ ਪਾਗਲ
ਕੀਤਾ ਕਿਸੇ ਨੂੰ ਸਾਲੇ ਨੇ, ਕਿਸੇ ਨੂੰ ਕੀਤਾ ਜਵਾਈ ਨੇ ਪਾਗਲ
ਕੁੜੀਆਂ ਮੁੰਡਿਆਂ ਪਿੱਛੇ ਪਾਗਲ, ਮੁੰਡੇ ਕੁੜੀਆਂ ਪਿੱਛੇ ਪਾਗਲ
ਜਿਹੜੇ ਨਸ਼ੇ ਬੜੇ ਨੇ ਕਰਦੇ, ਨਸ਼ੇ ਦੀਆਂ ਪੁੜ੍ਹੀਆਂ ਪਿਛੇ ਪਾਗਲ
ਨੌਕਰੀ ਸਰਕਾਰੀ ਨੇ ਕੀਤੇ, ਤੇ ਕਈ ਕੀਤੇ ਰਿਸ਼ਵਤਖੋਰੀ ਨੇ ਪਾਗਲ
ਵਿਚਾਰੀ ਜਨਤਾ ਪਈ ਏ ਕੀਤੀ ਸਰਕਾਰ ਦੀ ਧੱਕੇਜੋਰੀ ਨੇ ਪਾਗਲ
ਕਈ ਬਦਨਾਮੀ ਨੇ ਕੀਤੇ, ਕਈ ਬਹੁਤੀ ਮਸ਼ਹੂਰੀ ਨੇ ਕੀਤੇ ਪਾਗਲ
ਕਈ ਗੁਮਨਾਮੀ ਨੇ ਕੀਤੇ, ਕਈ ਕੀਤੇ ਕਿਸੇ ਦੀ ਦੂਰੀ ਨੇ ਪਾਗਲ
ਨੌਕਰ, ਮਾਲਕ ਦੋਵੇਂ ਪਾਗਲ ਹੋਏ, ਗੁਰੂ ਤੇ ਅਨੁਯਾਈ ਵੀ ਨੇ ਪਾਗਲ
ਵਧ ਗਈ ਮਹਿੰਗਾਈ ਹੋਏ ਨਾਈ ਤੇ ਹਲਵਾਈ ਵੀ ਨੇ ਪਾਗਲ
ਕਈ ਦਾਜ ਨੇ ਕੀਤੇ ਪਾਗਲ, ਕਈ ਬਿਮਾਰੀ ਨੇ ਕੀਤੇ ਪਾਗਲ
ਕੋਈ ਗਰੀਬੀ ਤੋ ਹੋਇਆ ਤੇ ਕਈ ਬੇਰੁਜਗਾਰੀ ਨੇ ਕੀਤੇ ਪਾਗਲ
ਅਸੀਂ ਤੇਰੇ ਪਿੱਛੇ ਪਾਗਲ ਤੂੰ ਕਿਸੇ ਹੋਰ ਦੇ ਪਿੱਛੇ ਪਾਗਲ
ਕੋਈ ਪਿੱਛੇ ਹੋਰ ਕਿਸੇ ਹੋਰ ਦੇ ਪਾਗਲ ਸਾਰੇ ਅੱਗੇ ਪਿੱਛੇ ਪਾਗਲ
ਕੋਈ ਪਾਗਲ ਖੁਸ਼ ਰਹਿੰਦਾ ਤੇ ਕੋਈ ਦੇਖ ਕੇ ਸੜ੍ਹਨ ਵਾਲਾ ਵੀ ਪਾਗਲ
“ਮੰਨੂ” ਲਿਖਣ ਵਾਲਾ ਵੀ ਪਾਗਲ ਅਗਲਾ ਪੜ੍ਹਨ ਵਾਲਾ ਵੀ ਪਾਗਲ
ਮਿੱਤਰੋ ਗੱਲ ਦਿਲ ਤੇ ਨਾ ਲਾਇਓ ਜੇ ਇਸ ਵਿੱਚ ਤੁਹਾਡਾ ਨਾਂ ਵੀ ਸ਼ਾਮਲ
|
