ਪਹਿਲਾਂ ਲਿਖਦਾ ਸੀ ਵਿਰਲਾ ਹੀ ਕੋਈ ਕੋਈ
ਅੱਜ ਕਲ ਤਾਂ ਲਿਖਣ ਲੱਗ ਪਿਐ ਹਰ ਕੋਈ
ਭਾਵੇਂ ਹੋਵੇ ਕੋਈ ਪੱਤਰਕਾਰ ਸਾਹਿਤਕਾਰ ਜਾਂ ਵਿਅੰਗਕਾਰ
ਹਰ ਕਿਸੇ ਦੀ ਲਿਖਤ ਦਾ ਆਪਣਾ ਹੀ ਢੰਗ ਹੁੰਦੈ
ਹੋਣ ਜਿਹੋ ਜਿਹੇ ਵਿਚਾਰ, ਜਿਹੋ ਜਿਹਾ ਕਾਰੋਬਾਰ
ਉਸੇ ਤਰਾਂ ਦਾ ਹੀ ਓਹਦੀ ਕਵਿਤਾ ਚ ਰੰਗ ਹੁੰਦੈ
ਕਈ ਸੱਤਾ ਦੇ ਮਦ ਚ ਹੋ ਕੇ ਮਗਰੂਰ ਲਿਖਦੇ ਨੇ.
ਕਈ ਸ਼ਰਾਬ ਦੇ ਨਸ਼ੇ ਚ ਹੋ ਕੇ ਚੂਰ ਲਿਖਦੇ ਨੇ
ਕੁਝ ਨੇੜੇ ਜਦ ਹੋਣ ਕਿਸੇ ਦਾ ਲਿਖ ਲੈਂਦੇ ਨੇ
ਕੁਝ ਹੋਣ ਕਿਸੇ ਆਪਣੇ ਤੋ ਦੂਰ ਤਾਂ ਲਿਖਦੇ ਨੇ
ਕਿਸੇ ਨੂੰ ਹੁੰਦਾ ਨਸ਼ਾ ਅਮੀਰੀ ਦਾ ਤਾਂ ਲਿਖਦੈ
ਕਈ ਗਰੀਬੀ ਆਪਣੀ ਤੋਂ ਹੋ ਕੇ ਮਜਬੂਰ ਲਿਖਦੇ ਨੇ
ਕਈ ਲਿਖਦੇ ਨੇ ਵਿਅੰਗ ਕਾਵਿ ਸਭ ਨੂੰ ਹਸਾਉਂਦੇ ਨੇ
ਬੀਰ ਰਸ ਦੇ ਕਾਵਿ ਨਾਲ ਕਈ ਸੁੱਤੀ ਕੌਮ ਜਗਾਉਂਦੇ ਨੇ
ਖਾਧੀ ਇਸ਼ਕ਼ ਚ ਕਿਸੇ ਨੇ "ਸੱਟ" ਹੋਵੇ ਤਾਂ ਕੋਈ ਲਿਖਦੈ
ਲੱਗੇ ਦੋਸਤੀ ਕਿਸੇ ਨੂੰ "ਫੱਟ" ਹੋਵਣ ਤਾ ਕਈ ਲਿਖਦੇ ਨੇ
ਇਸ਼ਕ਼-ਏ-ਖੁਦਾਈ ਦੀ ਗੱਲ ਕਈ ਲਿਖਦੇ ਨੇ
ਗਮ-ਏ-ਜੁਦਾਈ ਦੀ ਗੱਲ ਕਈ ਲਿਖਦੇ ਨੇ
ਕਈ ਲਿਖਦੇ ਨੇ ਸਿਰਫ ਪੈਸਾ ਕਮਾਉਣ ਖਾਤਿਰ
ਰੁੱਸਿਆ ਯਾਰ ਮਨਾਉਣ ਲਈ ਵੀ ਕਈ ਲਿਖਦੇ ਨੇ
ਗੱਲਾਂ ਭੋਲੀਆਂ ਕਰਨ ਵਾਲੇ ਕਈ ਨਿਆਣੇ ਵੀ ਲਿਖਦੇ ਨੇ
ਗੱਲ ਰਮਜ਼ ਦੀ ਕਹਿਣ ਵਾਲੇ ਕਈ ਸਿਆਣੇ ਵੀ ਲਿਖਦੇ ਨੇ
ਕਿਸੇ ਦੀ ਕਵਿਤਾ ਚ ਭੇਦ ਜਿੰਦਗੀ ਦੇ ਹੁੰਦੇ
ਕਈ ਐਵੈਂ ਹੀ ਮੇਰੇ ਵਰਗੇ ਇਆਣੇ ਵੀ ਲਿਖਦੇ ਨੇ
ਕਈ "ਟੋਹਰ" ਵਰਗੇ ਲਾਇਕ ਵੀ ਲਿਖਦੇ ਨੇ
ਕਈ "ਮਾਨ" "ਸਰਤਾਜ" ਵਰਗੇ ਗਾਇਕ ਵੀ ਲਿਖਦੇ ਨੇ
ਕਈ ਲਿਖਦੇ ਨੇ ਸਾਇੰਸਦਾਨ ਅਧਿਆਪਕ ਤੇ ਵਿਦਵਾਨ ਵੀ
ਕਈ ਹੈਨ ਮੇਰੇ ਵਰਗੇ ਨਾਲਾਇਕ ਵੀ ਲਿਖਦੇ ਨੇ
ਕਈ ਲਿਖਦੇ ਨੇ ਤੇ ਬਦਨਾਮੀ ਖੱਟ ਲੈਂਦੇ ਨੇ
ਤੇ ਕਈ ਲਿਖਣ ਵਾਲੇ ਬੜੇ ਮਸ਼ਹੂਰ ਹੋ ਜਾਂਦੇ ਨੇ
ਕਈ "ਮੰਨੂ" ਵਰਗੇ ਰਹਿੰਦੇ ਗੁਮਨਾਮ ਸਦਾ
ਤੇ ਓਸੇ ਤਰਾਂ ਗੁਮਨਾਮੀ ਚ ਹੀ ਸੋਂ ਜਾਂਦੇ ਨੇ

                                     ~ਸਿੰਘ ਮਨਪ੍ਰੀਤ~

ਲਿਖਣ ਵਾਲਿਆ ਦੀ ਗੱਲ ਆਪਣੀ ਰਚਨਾ 'ਚ ਕੋਈ ਲਿਖਦਾ,

ਹਰ ਕੋਈ ਰਚਨਾ ਲਿਖਦਾ ਪਰ ਰਚਣਕਾਰ ਬਾਰੇ 'ਮੰਨੂੰ' ਲਿਖਦਾ,

......................gud  job 22  g

ਜਿਹਨਾ ਨੇ ਪਸੰਦ ਕੀਤਾ ਆਪ ਸਾਰਿਆ ਦਾ ਬਹੁਤ ਧੰਨਵਾਦ ...ਜਿਹਨਾ ਨੂੰ ਨਹੀ ਪਸੰਦ ਆਈ ਓਹਨਾ ਤੋ ਖਿਮਾ.....ਕੋਸ਼ਿਸ਼ ਕਰਾਂਗਾ ਕੀ ਕੁਛ ਚੰਗਾ ਲਿਖ ਸਕਾਂ ......:):)