ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ਕੁਝ ਇਸ ਤਰਾਂ,
ਆੳਣ ਵਾਲਾ ਇੱਕ -ਇੱਕ ਪਿਆਰਾ ਹੁੰਦਾ ਜਾ ਰਿਹਾ |

ਜਿਧਰ ਵੇਖਾਂ ਆਵੇ  ਨਜਰੀਂ ਸਤਰੰਗੀ ਪੀਂਘ ਮੈੰਨੂ, 
ਐਹੋ ਜਿਹਾ ਜ਼ਿੰਦਗੀ ਦਾ ਹੁਣ ਨਜ਼ਾਰਾ ਹੁੰਦਾ ਜਾ ਰਿਹਾ |
ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ...............

ਅੱਜ ਤਕ ਹੁੰਦੀ ਰਹੀ ਹੈ ਭਾਵੇਂ ਡਾਵਾਂਡੋਲ ਜ਼ਿੰਦਗੀ ,
ਹੁਣ ਸਾਡੀ ਵੀ ਜ਼ਿੰਦਗੀ ਦਾ ਕੋਈ ਸਹਾਰਾ ਹੁੰਦਾ ਜਾ ਰਿਹਾ |
ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ...............

ਹੁੰਦੀ ਕਸ਼ਮਕਸ਼ ਰਹੀ ਹੈ ਕਿਸਮਤ ਦੇ ਨਾਲ ਸਾਡੀ ,
ਐਪਰ ਕਿਸਮਤ ਸਾਡੀ ਦਾ ਤੇਜ਼ ਸਿਤਾਰਾ ਹੁੰਦਾ ਜਾ ਰਿਹਾ |
ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ...............

ਆਦਤ ਐਸੀ ਪਈ ਹੈ ਸ਼ਰਬਤੀ ਨੈਣਾਂ 'ਚੋ ਪੀਣ ਦੀ ,
ਹੁਣ ਮੈਖਾਨੇ ਤੋਂ ਵੀ ਸਾਡਾ ਕਿਨਾਰਾ ਹੁੰਦਾ ਜਾ ਰਿਹਾ |
ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ...............

ਆਪਣਾ ਦਿਲ ਹੀ ਦਿੱਤਾ ਸੀ ਕਦੇ 'ਅਮਨ' ਨੇ ਜਿਸਨੂੰ ,
ਅੱਜ ਕਲ ਤਾਂ ਉਸਦਾ ਸਾਰੇ ਦਾ ਸਾਰਾ ਹੁੰਦਾ ਜਾ ਰਿਹਾ
ਜ਼ਿੰਦਗੀ ਬਦਲ ਦਿੱਤੀ ਹੈ ਜ਼ਿੰਦਗੀ ਨੇ ...............

~~~~~~~~ ਅਮਨ ਫੱਲੜ ~~~~~~~~

ਬਹੁਤ ਖੂਬ ਬਾਈ ਜੀ ..........tfs