ਕੋਈ ਸੂਰਜ ਨਵਾਂ, ਮਦਾਰ ਨਵਾਂ
ਇਸ ਨਵੇਂ ਲਈ, ਕੋਈ ਦਿਆਰ ਨਵਾਂ

ਇਸ਼ਕ ਦੇ ਇਸ ਪੁਰਾਣੇ ਜਾਲ਼ ਲਈ
ਹੁਸਨ ਕੋਈ ਨਵਾਂ, ਸ਼ਿਕਾਰ ਨਵਾਂ

ਕਦ ਤੱਕ ਇਹੋ ਬਹਾਰ, ਇਹੋ ਖ਼ਿਜ਼ਾ
ਮਾਲਿਕ ! ਇਸ ਵਾਰ ਕੁਝ ਉਤਾਰ ਨਵਾਂ

ਕੌਣ ਹੋਇਆ ਏ ਕੋਲ਼ ਹੋ ਕੇ ਪਰੇ
ਦਰਦ ਉੱਠਿਆ ਏ ਪਹਿਲੀ ਵਾਰ ਨਵਾਂ

ਜਾਮ ਵਿੱਚ ਅਕਸ ਹੈ ਉਹਦੇ ਮੁੱਖ ਦਾ
ਐਵੇਂ ਅੱਖੀਆਂ ’ਚ ਨਈਂ ਖ਼ੁਮਾਰ ਨਵਾਂ

ਹਿਜਰ ’ਚ ਨਈਂ ਰਿਹਾ ਮਜ਼ਾ ਹੁਣ ਉਹ
ਤੀਰ ਦਿਲ ’ਚੋਂ ਕੋਈ ਗੁਜ਼ਾਰ ਨਵਾਂ

ਉੱਠ ਰਹੇ ਨੇ ਕਦਮ ਸਿਤਾਰਿਆਂ ਵੱਲ
ਸੈਰ ਲਈ, ਹੈ ਨਾ !ਇਹ ਬਜ਼ਾਰ ਨਵਾਂ

ਵਾਹ ਸ਼ਹਿਜ਼ਾਦ ! ਜੋੜ ਤੋੜ ਤੁਰੇ
ਉਹੋ ਅੱਖਰ ਨੇ ,ਪਰ ਨਿਖਾਰ ਨਵਾਂ


ਸ਼ਹਿਜ਼ਾਦ ਅਸਲਮ..

oho akharr ne par nikhaar nwa .. kya baat hai sahzad di ..

ਬਹੁਤ ਵਧੀਆ.......tfs.......