ਭੰਨੀ ਲੱਤ ਸ਼ਨੀ ਦੀ ਜਿਨ੍ਹੇਂ,

ਕਾਲ ਨੂੰ ਬੰਨ੍ਹਿਆ ਪਾਵੇ ਨਾਲ,

ਦੇਵ, ਦੈਂਤ, ਗੰਧਰਬ ਡਰੇਂਦੇ,

ਮਹਾਂਬਲੀ ਦਾ ਅਜਬ ਜਲਾਲ,

                       ਐਸਾ ਰਾਵਣ ਫੂਕੀਏ ਨਾ |

ਵੇਦ, ਪੁਰਾਨ, ਨੀਤੀ ਦਾ ਗਿਆਤਾ,

ਸ਼ਸਤਰ ਵਿੱਦਿਆ ਪੂਰੀ ਆਵੇ,

ਪਰਾਕਾਸ਼ਠਾ ਭਗਤੀ ਦੀ ਜੋ,

ਦੱਸ ਸਿਰ ਦੇ ਕੇ ਈਸ਼ਟ ਮਨਾਵੇ,

                       ਐਸਾ ਰਾਵਣ ਫੂਕੀਏ ਨਾ |

ਵਰ ਸ਼ਕਤੀ ਦੇ ਨਸ਼ੇ ’ਚ ਨਿਰਭੈ,

ਅਕਾਰਣ ਜੋ ਉਤਪਾਤ ਮਚਾਵੇ,

ਜਾਂ ਨਾਰੀ ਦਾ ਮਾਣ ਹਰਨ ਲਈ,

ਦਰਵੇਸ਼ਾਂ ਦਾ ਰੂਪ ਵਟਾਵੇ,

                        ਉਹਨੂੰ ਸਾੜਨੋ ਚੂਕੀਏ ਨਾ |

                   ਜਗਜੀਤ ਸਿੰਘ ਜੱਗੀ

ਵਰ ਸ਼ਕਤੀ ਦੇ ਨਸ਼ੇ ’ਚ ਨਿਰਭੈ,  ਲੋਕ ਅੱਜ ਸੱਤਾ ਤੇ ਕਾਬਜ਼ ਹਨ .......
ਰਾਵਣ ਦੇ ਸਦਗੁਣਾ ਨੂੰ ਕੌਣ ਵਿਚਾਰਦਾ .....

ਜੱਗੀ ਸਰ ਜੀ ਬਹੁਤ ਸਚ ਕਹਿਆ  ਜੀਓ.......

Very well written and good message too,,,jio sir ,,,

ਇਧਰ ਗੇੜਾ ਮਾਰਨ ਲਈ ਅਤੇ ਆਰਟੀਕਲ ਨਵਾਜਨ ਲਈ ਸ਼ੁਕਰੀਆ, ਹਰਪਿੰਦਰ ਬਾਈ ਜੀ |  

                                                                                  ਜੱਗੀ