ਭੋਗਣ ਤੱਤੜੀ ਚਰਖਾ ਕੱਤਦੀ / ਸੋਚਾਂ ਵਿੱਚ ਕੁਰਲਾਈ ..............
ਜੋਗੀ ਉਤਰ ਪਹਾੜੋਂ ਆਇਆ
ਅਲਖ - ਨਿਰੰਜਨ ਕਹਿ / ਆ ਬ੍ਹੁਹੇ ਅਲਖ ਜਗਾਈ
ਭੋਗਣ ਆ ਲਿੱਬੜੇ ਹੱਥੀਂ / ਖੈਰ ਜੋਗੀ ਨੂੰ ਪਾਈ
ਖੈਰ ਪਾਉਂਦਿਆਂ / ਆਟੇ ਲਿਬੜਿਆ ਹੱਥ, ਭੋਗਣ ਦਾ
ਜੋਗੀ ਦੇ ਕਾਸੇ ਨੂੰ ਛੋਹ ਗਿਆ / ਪਤਾ ਨਾ ਲੱਗਾ ਕੀ ਹੋ ਗਿਆ
ਜੋਗੀ ਦਾ ਕਾਸਾ ਭਰਿਆ- ਭਰਿਆ ../ ਖਾਲੀ ਹੱਥ ਭੋਗਣ ਦਾ ਹੋ ਗਿਆ .
ਜੁਗਤੀ ..ਮੁਕਤੀ..../ ਭੋਗਣ ਦਾ ਭੋਗ ਗਿਆ
ਜੋਗੀ ਦਾ ਜੋਗ ਗਿਆ ...ਨਜ਼ਰਾਂ ਦਾ ਮੇਲ..
ਭੋਗਣ ਦਾ ਜੋਗ ਜਗਿਆ ਜੋਗੀ ਦਾ ਭੋਗ ਜਗਿਆ..
....... ਨਜ਼ਰਾਂ ਦਾ ਸੇਕ / ਜੋਗੀ ਕੋਲੋਂ ਸਹਿ ਨਾ ਹੋਇਆ
ਮੈਂ ਜੋਗੀ ਨਹੀਂ ... ਕਹਿ ਨਾ ਹੋਇਆ ....
ਜੋਗੀ ਦਾ ਮੱਥਾ ਤੱਕ / ਮੂੰਦੀਆਂ ਅੱਖਾਂ ਭੋਗਣ ਨੇ ....
ਨੀਲ ਕੰਠ ...
ਸਤ੍ਯਮ-ਸ਼ਿਵਮ -ਸੁੰਦਰਮ ! ਭੋਗਣ ਹੋ ਗਈ ਜੋਗਨ...
ਮੋਰ-ਮੁਕਟਧਾਰੀ .../ ਮੀਰਾ ..ਮੋਹਨ ਦੀ ਪਿਆਰੀ.
ਬ੍ਰਿਦਾਵਨ ਜਾ ਆਈ.
......
ਮੁੜ ਜੋਗਨ ਨੇ ਆ ਅਲਖ ਜਗਾਈ.... ..
ਹੜ੍ਹ ਆਇਆ ਦਰਿਆ ਸ਼ੂਕ ਰਿਹਾ ਸੀ
'ਪਰਮ-ਆਨੰਦ ' ਪਰਮ-ਆਨੰਦ '
ਭੋਗੀ ਕੂਕ ਰਿਹਾ ਸੀ / ਖਾਲੀ ਕਾਸਾ ਲੈ ਤੁਰੀ ਜੋਗਨ ...
ਹਲਕਾ ਜੇਹਾ ਮੁਸਕਾਈ .../ ਅਲਖ-ਨਿਰੰਜਨ ਦੀ ਧੁੰਨੀ
ਜਾ ਅੰਬਰ ਨਾਲ /ਟਕਰਾਈ.... ...

ਤੇਜਿੰਦਰ

ਖੂਬ.......tfs.....