ਵੈਣ ਉਚੀ ਉਚੀ ਪਾਓ ਅੱਜ
ਅਰਥੀ ਮੇਰੇ ਇਸ਼ਕ ਦੀ ਤੋਰਨੀ ਹੈ
ਇਹਨੂੰ ਮਲ ਦਿਓ ਤੇਲ ਸੰਦਲ ਦੇ
ਖੁਸ਼ਬੂ ਗਮਾ ਦੀ ਰੱਜ ਕੇ ਵਖੇਰਨੀ ਹੈ

ਸੱਜਣਾ ਦੇ ਪੈਰਾਂ ਦੀ ਮਿੱਟੀ
ਕੋਈ ਗੰਗਾਜਲ ਚ ਮਿਲਾ ਦਿਓ
ਇਸ਼ਕੇ ਦੀ ਇਸ ਲਾਸ਼ ਨੂੰ
ਉਹਦੇ ਨਾਲ ਨਾਹਾ ਦਿਓ

ਪੀੜਾਂ ਦੀ ਸੁੱਕੀ ਲੱਕੜ ਤੇ ਹੀ
ਧੱਰ ਦਿਓ ਇਸ ਨਾ ਜਾ ਕੇ
ਗਮਾਂ ਦਾ ਮਹਿਰਮ ਹੀ
ਲਾਂਬੂ ਲਾਵੇ ਹੁਣ ਇਸ ਨੂੰ ਆ ਕੇ

ਲੋਕੀ ਪੁੱਛਦੇ ਨੇ ਆ ਕੇ
ਇਹ ਕੋਣ ਹੈ ਮੁੱਕਿਆਂ
ਕਿਓ ਭੋਰਿਆਂ ਦੇ ਬੁੱਲਾਂ ਉਤੋ
ਅੱਜ ਸ਼ਹਿਦ ਸੁੱਕਿਆ

ਕਿਓ ਕੋਇਲਾ ਦੀ ਹੇਕ ਵੀ
ਅੱਜ ਵੈਣ ਪਈ ਪਾਵੇ
ਕਿਓ ਹੰਸਾਂ ਦੀ ਡਾਰ ਵੀ
ਮਾਸ ਪਈ ਖਾਵੇ

ਕਿਓ ਗਮਾਂ ਦੀ ਵਾ ਇਹਦੇ
ਸਿਵੇ ਵੱਲ ਮੁੜ ਮੁੜ ਜਾਵੇ
ਇਹਦੀ ਬਲਦੀ ਚਿਤਾ ਨੂੰ
ਦੂਣੀ ਚੋਣੀ ਹੋਰ ਵਧਾਵੇ

ਮੁੱਕ ਜਾਣ ਦਿਓ ਅੱਜ
ਇਸ਼ਕੇ ਦੀ ਲਾਸ਼ ਨੂੰ
ਮੇਰੇ ਤੇ ਇਸਦੇ
ਉਮਰਾ ਦੇ ਸਾਥ ਨੂੰ

ਵੈਣ ਉਚੀ ਉਚੀ ਪਾਓ ਅੱਜ
ਅਰਥੀ ਮੇਰੇ ਇਸ਼ਕ ਦੀ ਤੋਰਨੀ ਹੈ
ਇਹਨੂੰ ਮਲ ਦਿਓ ਤੇਲ ਸੰਦਲ ਦੇ
ਖੁਸ਼ਬੂ ਗਮਾ ਦੀ ਰੱਜ ਕੇ ਵਖੇਰਨੀ ਹੈ

ਸੰਜੀਵ ਸ਼ਰਮਾ
28/06/2014

ਦਰਦਾਂ ਨੂ ਵਿ ਜਿਓਂ ਫੁੱਲਾਂ ਦੀ ਸੇਜ ਦੇ ਦਿੱਤੀ ਹੋ।

ਦਰਦ. ਨੂੰ ਸਹਾਰਾ ਦੇਣ ਲਈ ਸ਼ੁਕਰੀਆ ਸੰਦੀਪ ਝੀ