ਮੱਥਿਆਂ 'ਚੋਂ ਚਾਨਣ ਮਿਲ਼ਦੇ ਨਾ
ਉਕਰੀ ਹੈ ਇਬਾਰਤ ਦਾਗ਼ਾਂ ਦੀ,
ਦੋ- ਚਾਰ ਪਸੀਨੇ ਦੇ ਤੁਪਕੇ
ਵਿੱਚ ਪੈੜ ਗ਼ੁਆਚੇ ਖ਼ਾਬਾਂ ਦੀ ।

ਹੋਈ ਸ਼ੁਅਲੇ ਵਰਗੀ ਸੁਰਖ਼ ਨਜ਼ਰ
ਲੈ ਬਲ਼ ਚੱਲਿਆ ਸੰਤੋਖ ਸਬਰ,
ਖਰੇ ਜੰਗਲ ਦੀ ਅੱਗ ਵਾਂਗ ਬਲ਼ੇ
ਜਾਂ ਬਣਜੇ ਪਾਲ਼ ਚਰਾਗਾਂ ਦੀ ।

ਨਮ ਸੌਣ ਕਰੇ ਯੱਖ਼ ਪੌਣ ਕਰੇ
ਮੈਂ ਮੌਨ ਰਹਾਂ ਤਾਂ ਕੌਣ ਕਰੇ,
ਤਾਰੀਖ਼ ਦੀਆਂ ਦਰਗ਼ਾਹਾਂ 'ਤੇ
ਗੱਲ ਨੂਰੋ ਨੂਰ ਚਰਾਗਾਂ ਦੀ ।

ਤੱਕ ਕੀ- ਕੀ ਖੇਡਾਂ ਕਰਦੀ ਏ
ਮੈਨੂੰ ਪੌਣ ਚਹੇਡਾਂ ਕਰਦੀ ਏ,
ਏਹਨੂੰ ਸਾਰ ਨਾ ਚਾਰ- ਦੀਵਾਰੀ ਦੀ
ਪਿੰਜਰੇ ਫਸੀਆਂ ਪਰਵਾਜ਼ਾਂ ਦੀ ।

ਜਦ ਮੇਟਾਂ ਰੂਹ 'ਤੇ ਨਾਂ ਖੁਣਿਆਂ
ਤਾਂ ਆਪਣੇ- ਆਪ 'ਤੇ ਹੱਸ ਦੇਵਾਂ,
ਤੇਰਾ ਅੰਦਰ ਕੌਣ ਤਲਾਸ਼ੇਗਾ
ਦੱਸ ਕਿਸਨੂੰ ਤਾਂਘ ਸੁਰਾਗਾਂ ਦੀ ।

ਚੁੱਕ ਜੀਭੋਂ ਚੁੱਪ ਦਾ ਭਾਰ ਬੜਾ
ਇਹ ਨਿਰਖੀ ਏ ਬਾਜ਼ਾਰ ਬੜਾ,
ਤੂੰ ਵਸਤਰ ਪਾ ਖ਼ੁਸ਼ਬੋਆਂ ਦੇ
ਸਿਰ ਚੁੰਨੀ ਲੈ ਆਵਾਜ਼ਾਂ ਦੀ ॥

ਜਗਜੀਤ ਸੰਧੂ
--------------------------------
(( ਕਵੀ ਦੇ ਕਾਵਿ- ਸੰਗ੍ਰਿਹ ' ਚੁੰਨੀ ਲੈ ਆਵਾਜ਼ਾਂ ਦੀ ' ਵਿੱਚੋਂ ))

Bohat khoob

TFS bittu ji

ਜਦ ਮੇਟਾਂ ਰੂਹ 'ਤੇ ਨਾਂ ਖੁਣਿਆਂ
ਤਾਂ ਆਪਣੇ- ਆਪ 'ਤੇ ਹੱਸ ਦੇਵਾਂ,
ਤੇਰਾ ਅੰਦਰ ਕੌਣ ਤਲਾਸ਼ੇਗਾ
ਦੱਸ ਕਿਸਨੂੰ ਤਾਂਘ ਸੁਰਾਗਾਂ ਦੀ
👍👌👌👏👏👏

 

ਬਹੁਤ ਹੀ ਸੁੰਦਰ ਰਚਨਾ ਜਗਜੀਤ ਜੀ ਦੀ |

 

ਬਿੱਟੂ ਬਾਈ ਜੀ, ਸਾਂਝੀ ਕਰਨ ਲਈ ਸ਼ੁਕਰੀਆ |

ਮਾਂ ਬੋਲੀ ਉੱਤੇ ਜ਼ਬਰਦਸਤ ਪਕੜ ਦਾ ਕਮਾਲ ਹੇਠਲੀਆਂ ਸਤਰਾਂ :

ਜਦ ਮੇਟਾਂ ਰੂਹ 'ਤੇ ਨਾਂ ਖੁਣਿਆਂ

ਤਾਂ ਆਪਣੇ ਆਪ 'ਤੇ ਹੱਸ ਦੇਵਾਂ,

ਤੇਰਾ ਅੰਦਰ ਕੌਣ ਤਲਾਸ਼ੇਗਾ

ਦੱਸ ਕਿਸਨੂੰ ਤਾਂਘ ਸੁਰਾਗਾਂ ਦੀ |

ਜਿਉਂਦੇ ਵੱਸਦੇ ਰਹੋ |

ਰੱਬ ਰਾਖਾ |

 

 

ਤੇਰਾ ਅੰਦਰ ਕੌਣ ਤਲਾਸ਼ੇਗਾ

ਦੱਸ ਕਿਸਨੂੰ ਤਾਂਘ ਸੁਰਾਗਾਂ ਦੀ ।

bilkul sehmat haan mein jagjit ji naal.ba-kmaal rachna.rich vocabulary.and above are the best lines .great bittu ji

 

ਬਾ ਕਮਾਲ ਰਚਨਾ ਸ਼ੇਅਰ ਕਰਨ ਲੲੀ ਬਹੁਤ ਬਹੁਤ ਸ਼ਕਰੀਆ ਬਿੱਟੂ ਸਰ ।