ਚੁੱਪ ਜਦ ਨਸ਼ਤਰ ਬਣ ਜਾਂਦੀ ਏ
ਚੁੱਪ ਜਦ ਸ਼ਸਤਰ ਬਣ ਜਾਂਦੀ ਏ
ਨ੍ਹੇਰਾ ਬਹੁ-ਰੰਗਾ ਲੱਗਦਾ ਏ
ਤਦ ਸ਼ੋਰ ਚੰਗਾ ਲੱਗਦਾ ਏ।
ਨਾਗ਼ ਜਦ ਵਿਸ ਘੋਲਦਾ ਏ
ਆਪੇ ’ਚ ਮਸਤ ਕੁਝ ਵੀ ਨਹੀਂ ਬੋਲਦਾ ਏ
ਪਰ ਉਹ ਹੋਰ ਵੀ ਖ਼ਤਰਨਾਕ ਹੁੰਦਾ ਏ
ਨੀਮ-ਬੇਹੋਸ਼ ਹੋ ਕੇ ਵੀ ਚੇਤੰਨ ਤੇ ਚਾਲਾਕ ਹੁੰਦਾ ਏ।
ਲਹਿਰਾਂ ਮਰਦੀਆਂ ਨੇ
ਕੁਝ ਪਲ ਲਈ ਆਰਾਮ ਕਰਦੀਆਂ ਨੇ
ਸਮੁੰਦਰ ਸ਼ਾਂਤ ਹੋ ਜਾਂਦਾ ਏ
ਕੀ ਤੂੰ ਨਹੀਂ ਜਾਣਦਾ?
ਇਹ ਸਭ ਸੂਚਕ ਨੇ,
ਜਦ ਤੂਫ਼ਾਨ ਆਉਂਦਾ ਏ।
ਜਦੋਂ ਅਸੀਂ ਖ਼ਾਮੋਸ਼ ਹੁੰਦੇ ਹਾਂ
ਕੀ ਅਸੀਂ ਸੋਚਦੇ ਨਈਂ?
ਦੁਰਲੱਭ ਚੀਜ਼ਾਂ ਲਈ ਲੋਚਦੇ ਨਈਂ?
ਸਹੀ ਕੀ? ਗ਼ਲਤ ਕੀ? ਰਾਸਤੇ ਚੁਣਦੇ ਹਾਂ
ਅਸੀਂ ਕਈ ਤਰ੍ਹਾਂ ਦੇ ਜਾਲ ਬੁਣਦੇ ਹਾਂ।

ਬੱਸ! ਏਸੇ ਕਰਕੇ ਮੇਰੀ ਰੂਹ
ਤੇਰੀ ਚੁੱਪ ਤੋਂ ਡਰਦੀ ਏ
ਕਿਉਂਕਿ ਮੈਂ ਜਾਣਦਾ ਹਾਂ
ਤੇਰੇ ਬੋਲ ਨਿਰਛਲ ਤੇ ਬੇਪਰਦ ਨੇ
ਤੇ ਚੁੱਪ
ਸਾਜ਼ਿਸ਼ ਕਰਦੀ ਏ।

ਅਮਰੀਕ ਗਾਫਿਲ

Nice one JANAB

Bittu ji,
bde doonghe arth pesh kite hoye han es rchna vich.....
Chup di soch beyaan kiti hai....
Share krn layi thanxx..

Nycc.....ਬਿੱਟੂ ਭਾਜੀ.....ਮਤਲੱਬ ਤੁਸੀਂ ਚੁੱਪ ਨਹੀ ਰਹਿਣਾ.....plz....continue.......

ਵਾਹ ! ਕਮਾਲ ਨੇ ਬਿੱਟੂ ਜੀ ਚੁੱਪ ਦੀਆਂ ਸ਼ਰਾਰਤਾਂ । ਖਾਮੋਸ਼ੀ ਟਿਕਣ ਨਹੀਂ ਦਿੰਦੀ ।

 

ਇੱਕ ਉੱਚ ਪਾਏ ਦੀ ਰਚਨਾ ਸਾਂਝੀ ਕਰਨ ਲਈ ਸ਼ੁਕਰੀਆ ।

 

ਸਹੀ ਕਿਹਾ ਜੀ , ਤੁਸੀਂ ਚੁੱਪ ਨਹੀਂ ਰਹਿਣਾ , ਚਲਦੇ ਰਹਿਣਾ ਚਲਦੇ ਰਹਿਣਾ ...

kise di chup dil saad dindi a ..

kise di chup dil mila dindi a...

chup (khamoshi) ik bahut vadda hathiar vi te kraar vi a