ਦਰਵੇਸ਼ ਮੰਗਣ ਸਦਾ ਦੁਆਵਾਂ,
ਲਿਵ ਹਿਰਦੇ ਲੱਗ ਜਾਵੇ ਹੂ।
ਨਾ ਉਸ ਜਨਮ ਨਾ ਭੌ ਮਰਨ ਦਾ,
ਜਿਸ ਚਰਨੀ ਚਿੱਤ ਲੱਗ ਜਾਵੇ ਹੂ।
ਅੱਖੀਆਂ ਦੇ ਵਿੱਚ ਝਲਕ ਖੁਦਾ ਦੀ,
ਹਿਰਦੇ ਪ੍ਰੀਤ ਇਨਸਾਨਾ ਦੀ,
ਨਾ ਉਹ ਮੰਗਣ ਖੈਰ ਜੀਣ ਲਈ,
ਜੇ ਪ੍ਰੀਤ ਖੁਦਾ ਲੱਗ ਜਾਵੇ ਹੂ।
ਅੰਦਰ ਝਾਤੀ ਮਾਰਕੇ ਵੇਖਣ,
ਗੱਲਾਂ ਕਰਨ ਮਹਿਰਮ ਦੇ ਨਾਲ,
ਚਿਤ ਵਿਚ ਸਿਰੜ, ਰਮਜ ਅੱਖੀਆਂ 'ਚ,
ਜੇ ਸਾਂਝ ਖੁਦਾਈ ਫੱਬ ਜਾਵੇ ਹੂ।
ਫੇਰਾ ਵਿੱਚ ਸੰਸਾਰ ਦੇ ਏਂਦਾ,
ਜਿਉਂ ਕਮਲ ਪਾਣੀ ਵਿੱਚ ਰਹਿੰਦਾ ਹੈ,
ਲਿਪਤ ਕਦੇ ਨਾ ਰਹੇ ਫਕੀਰੀ,
ਜਦ ਭਾਂਬੜ ਹਿਰਦੇ ਮੱਚ ਜਾਵੇ ਹੂ।

sufiana andaaz,...........waah

Thanks