ਉਮਰ ਮੁੱਕ ਗਈ ਮੁੱਕੇਆ ਨਾ ਕਰਜਾ
ਸ਼ਾਹਾ ਦੀਆਂ ਹੱਟਾ ਦਾ
ਦੱਸ ਕਿਵੇ ਮੈ ਆਖਾਂ ਰੱਬਾ
ਤੂੰ ਵੈਰੀ ਨਹੀ ਹੋਏਆ ਜੱਟਾਂ ਦਾ
ਪੁੱਤ ਕੀਤਾ ਪਰਦੇਸੀ
ਘਰ ਦਿਆ ਹਲਾਤਾਂ ਨੇ
ਨੀਦ ਵੀ ਮੇਰੀ ਲਕੋਲੀ
ਚੰਦਰੀਆਂ ਰਾਤਾਂ ਨੇ
ਫਿਕਰਾਂ ਕੀਤਾ ਬੁਢਾ
ਮਾਸ ਵੀ ਸੁਕ ਗਿਅਾ ਪੱਟਾਂ ਦਾ
ਦੱਸ ਕਿਵੇ ਮੈ ਆਖਾਂ ਰੱਬਾ
ਤੂੰ ਵੈਰੀ ਨਹੀ ਹੋਏਆ ਜੱਟਾਂ ਦਾ
ਕੱਖ ਖੇਤਾਂ ਚੌ ਕੱਢ ਦਿਅਾ
ਮੇਰਾ ਘਰ ਵੀ ਬਣ ਗਿਅਾ ਕੁੱਲੀ ਕੱਖਾਂ ਦੀ
ਕਦੇ ਪਿੰਡ ਵਿਚਾਲੇ ਹੁੰਦੀ ਸੀ
ਮੇਰੀ ਹਵੇਲੀ ਲੱਖਾਂ ਦੀ
ਖੇਤਾਂ ਵਿੱਚ ਖਲੋਤਾ ਹੁਣ ਮੈ ਲੱਗਦਾ
ਡਰਨਾ ਵੱਟਾਂ ਦਾ
ਦੱਸ ਕਿਵੇ ਮੈ ਆਖਾਂ ਰੱਬਾ
ਤੂੰ ਵੈਰੀ ਨਹੀ ਹੋਏਆ ਜੱਟਾਂ ਦਾ
ਮੈ ਐਨੇ ਜੋਗਾ ਹੈਨੀ ਜਿੰਨੇ ਲੋਕੀ
ਗਾਣੇ ਗਾਈ ਜਾਦੇ ਨੇ
ਵੱਡੀਆਂ ਵੱਡੀਆਂ ਗੱਲਾਂ ਕਰਕੇ
ਮੇਰਾ ਮਜਾਕ ੳੁਡਾੲੀ ਜਾਂਦੇ ਨੇ
ਓਹ ਹਸ਼ਰ ਹੈ ਮੇਰਾ
ਜਿਵੇ ਅੱਗ ਤੇ ਲੱਕੜ ਦਿਅਾ ਫੱਟਾ ਦਾ
ਦੱਸ ਕਿਵੇ ਮੈ ਆਖਾਂ ਰੱਬਾ
ਤੂੰ ਵੈਰੀ ਨਹੀ ਹੋਏਆ ਜੱਟਾਂ ਦਾ
ਹੁਣ ਸਿਰ ਕੀ ਉੱਠਨਾ ਮੇਰਾ
ਉਡਦੀਆਂ ਨਹੀ ਮੁੰਹ ਤੋਂ ਮੱਖੀਆਂ
A C ਦੇ ਜਮਾਨੈ ਵਿੱਚ
ਮੈ ਝੱਲਦਾ ਖੰਜੂਰਾਂ ਦੀਆ ਪੱਖੀਆਂ
ਹੁਣ ਹੋਰ ਦਰਦ ਨਹੀ ਸਹਿ ਹੁੰਦਾ
ਗਰੀਬੀ ਦਿਅਾ ਸੱਟਾ ਦਾ
ਦੱਸ ਕਿਵੇ ਮੈ ਆਖਾਂ ਰੱਬਾ
ਤੂੰ ਵੈਰੀ ਨਹੀ ਹੋਏਆ ਜੱਟਾਂ ਦਾ
pier

Bhut Vdia Ji

ਬਹੁਤ ਖੂਬਸੂਰਤ ਰਚਨਾ

bahut vdia  rachna. sanjea krn lai shukria  ... keep sharing!