ਦੁਚਿੱਤੀ

ਹੁਣ  ਹੱਸੀਏ  ਜਾਂ ਰੋਈਏ,  ਕੁਝ  ਸਮਝ  ਨੀ ਆਉਂਦਾ।
ਤੁਰੀਏ  ਜਾਂ   ਖਲੋਈਏ,   ਕੁਝ   ਸਮਝ ਨੀ ਆਉਂਦਾ ।

ਦਿਲ ਵਾਲੀ ਗੱਲ  ਦੱਸੀ ਤਾਂ , ਯਾਰਾਂ  ਬੁਰਾ ਮਨਾਇਆ,
ਅੱਗੋਂ ਕਹੀਏ ਜਾਂ ਲੁਕੋਈਏ, ਕੁਝ  ਸਮਝ ਨੀ ਆਉਂਦਾ ।

ਦੁੱਧੀਂ  ਸੜੇ   ਹਾਂ ,  ਹੁਣ   ਲੱਸੀ    ਤੋਂ  ਡਰਦੇ  ਹਾਂ,
ਸੁਪਨਿਆਂ ਨੂੰ ਕਿੰਝ ਧੋਈਏ, ਕੁਝ  ਸਮਝ ਨੀ ਆਉਂਦਾ ।

ਬਹੁਤ  ਭਾਰ  ਏ ਯਾਰੋ,  ਦਿਲ  ਤੇ   ਬੀਤੇ   ਵੇਲੇ  ਦਾ,
ਕਦੋਂ  ਤੀਕ  ਇਹ ਢੋਈਏ, ਕੁਝ  ਸਮਝ ਨੀ ਆਉਂਦਾ ।

ਸਿਆਣੇ   ਕਹਿੰਦੇ   ਰੋਣ  ਨਾਲ , ਦੁੱਖ    ਘਟਦਾ  ਏ,
ਕੀਹਦੇ ਗਲ ਲੱਗ ਰੋਈਏ,   ਕੁਝ  ਸਮਝ ਨੀ ਆਉਂਦਾ ।

'ਪ੍ਰੀਤ' ਤੇਰੀ ਵਿਚ ,  ਪੱਲੇ  ਤਾਂ  ਕੁਝ   ਨਹੀ ਬਚਿਆ,
ਕੀ  ਲੱਭੀਏ  ਕੀ  ਖੋਈਏ, ਕੁਝ  ਸਮਝ ਨੀ ਆਉਂਦਾ ।

Gurpreet Matharu

http://preetludhianvi.blogspot.in/

thanx for sharing ..........