ਇੱਕ ਅਜਨਬੀ ਦੋਸਤ ਦੇ ਨਾਮ ਜੋ ਹੁਣ ਅਜਨਬੀ ਨਹੀਂ ਰਹਿ ਗਿਆ ,,,

 

ਜਦੋਂ ਪੱਤਿਆਂ ਨਾਲ ਕਰਦੀ ਹਵਾ ਏ ਕਲੋਲਾਂ,

ਤੂੰ ਹੀ ਦੱਸ ਕਿਹਨੂੰ ਗਲ ਲਾਕੇ ਦੁਖੜੇ ਫਰੋਲਾਂ |

ਤੂੰ ਤਾਂ ਸੁਣ ਹੀ ਲਈ ਹੈ ਮੇਰੀ ਦਰਦ ਕਹਾਣੀ,

ਹੁਣ ਇਹ ਦੁੱਖ  ਦੋਸਤਾ ਵੇ ਮੇਰੀ ਜਿੰਦਗੀ ਦੇ ਹਾਣੀ,,,

 

ਜਦੋਂ ਕਰਦਾ ਹਾਂ ਗੱਲ ਓਹਦੀ ਤੇਰੇ ਨਾਲ ਮੈਂ ,

ਮੇਰੇ ਦਿਲ ਨੂੰ ਹੈ ਮਿਲਦਾ ਸਕੂਨ ਵੇ |

ਦੋ ਵਿਛੜੀਆਂ ਰੂਹਾਂ ਨੂੰ ਇਹ ਮਿਲਣ ਨਾਂ ਦੇਵੇ ,

ਕੈਸਾ ਜੱਗ ਚੰਦਰੇ ਦਾ ਹੈ ਕਨੂੰਨ ਵੇ |

ਜਦੋਂ ਮੁਲਾਕਾਤਾਂ ਵਾਲੇ ਮੈਨੂੰ ਪਲ ਚੇਤੇ ਆਉਂਦੇ ,

ਆਜੇ ਅੱਖੀਆਂ ਚ ਮੱਲੋ ਮੱਲੀ ਪਾਣੀ |

ਹੁਣ ਇਹ ਦੁੱਖ  ਦੋਸਤਾ ਵੇ ਮੇਰੀ ਜਿੰਦਗੀ ਦੇ ਹਾਣੀ,,,

 

ਮੇਰੇ ਦਿਲ ਤੇ ਤੇਰਾ ਕਰਜ਼ ਰਹੇਗਾ  ,

ਜੋ  ਦੋਸਤਾ ਤੂੰ ਮੇਰਾ  ਦਰਦ ਵੰਡਾਇਆ |

ਉੱਜੜੇ ਰਾਹਾਂ ਦੀ ਧੂੜ ਸੀ ਮੈਂ ਤਾਂ ,

ਤੂੰ ਫਿਰ ਵੀ ਚੁੱਕ  ਮੈਨੂੰ ਮਥੇ ਲਾਇਆ |

ਫੁਲਾਂ ਜਿਹੇ ਹੱਸੇ ਓਦੋਂ ਰੋਹੀ ਬੀਆਬਾਨ ਹੋ ਹੋਗੇ ,

ਜਦੋਂ ਪਿਆਰ ਦੀ ਉਲਝ ਗਈ  ਤਾਣੀ | 

ਹੁਣ ਇਹ ਦੁੱਖ  ਦੋਸਤਾ ਵੇ ਮੇਰੀ ਜਿੰਦਗੀ ਦੇ ਹਾਣੀ,,,

 

ਮੈਂ ਚੁੱਕ ਕੇ ਕਲਮ ਕੋਈ ਗੀਤ ਲਿਖ ਲੈਂਦਾ ,

ਜਦੋਂ ਆਜੇ ਓਹਦੀ ਯਾਰਾ ਮੈਨੂੰ ਯਾਦ ਵੇ |

" ਮੰਡੇਰ " ਚੰਦਰੇ ਨੂੰ ਤੂੰ ਵੀ ਆਪਣਾ ਹੈ ਸਮਝਿਆ ,

ਤੇਰਾ ਲੱਖ ਵਾਰੀ ਕਰਨ ਧੰਨਵਾਦ ਵੇ |

ਮੈਂ ਹਾੜ ਦੇ ਮਹੀਨੇ ਉੱਗੇ ਕਖਾਂ ਵਾਂਗ ਸੁੱਕ ਜਾਣਾ ,

ਨਹੀਓਂ ਹਿਜ਼ਰਾਂ ਦੀ ਧੁੱਪ ਝੱਲੀ ਜਾਣੀ |

ਹੁਣ ਇਹ ਦੁੱਖ  ਦੋਸਤਾ ਵੇ ਮੇਰੀ ਜਿੰਦਗੀ ਦੇ ਹਾਣੀ,,,

 

ਧੰਨਵਾਦ ਗਲਤੀ ਮਾਫ਼ ਕਰਨੀਂ ,,,,,,,,,,,,,,,,,,, ਹਰਪਿੰਦਰ " ਮੰਡੇਰ " 

 

 

ਮੰਡੇਰ ਸਾਬ ਕਮਾਲ ਕਰਤੀ.
ਬੜਾ ਸੋਹਨਾ ਬਿਆਨ ਕੀਤਾ ਦਿਲ ਦੇ ਦਰਦ ਨੂੰ .

 

ਵੀਰ ਜੀ ਵੜੀ ਸੋਹਨੀ ਗੱਲ ਕੀਤੀ ਆ ਦੋਸਤਾਂ  ਅੱਤੇ ਦਿਲ ਦੀ .

ਹਾਣੀਆਂ ਦੀ ਗੱਲ ਸਾਨੂ ਦਸ ਜਾ ਹਵਾਏ ਸਾਡੇ ਪਾਣੀਆਂ ਦੀ ਗੱਲ 

 

 

ਕੈਮ ਆ ਦਾਰੂ ਦੀ ਬੋਤਲ ਵਾਂਗੂ

wow,,,,,,,,,,,,,,

its just awesome...........

i loved every line of it.........

and i know the special feelings u have in ur heart for that special friend............

thanks

thanks for sharing.......... :)

 

ਜਗਦੇਵ,,,ਗੁਰਪ੍ਰੀਤ,,,ਤੇ ਗੁਰਦੀਪ ਵੀਰ ਬਹੁਤ ਬਹੁਤ ਧੰਨਵਾਦ ਦੋਸਤੋ,,,

 

@ ਪ੍ਰੀਤ ਜੀ ,,,ਜਿਓੰਦੇ ਵੱਸਦੇ ਰਹੋ,,,