ਇਸ਼ਕ ਦੇ ਸ਼ਹਿਰ ਚੋਂ ਮਿਲਦੀ ਹੈ ਉਸਦੀ ਰਾਖ਼ ਕਹਿੰਦੇ ਨੇ
ਉਹ ਆਸ਼ਕ ਹੈ ਜੋ ਮਰਿਆ ਹੀ ਨਹੀਂ ਮਰਕੇ ਵੀ ਮਹਿਰਮ ਤੋਂ

ਉਹ ਦੀਵੇ ਵਾਂਗ ਬਲਦਾ ਰੋਂਵਦਾ ਹੈ ਬੈਠ ਗੰਗਾ ਨੂੰ
ਉਹ ਆਸ਼ਕ ਹੈ ਜੋ ਤਰਿਆ ਹੀ ਨਹੀਂ ਤਰਕੇ ਵੀ ਮਹਿਰਮ ਤੋਂ

ਜੋ ਭਰਦੀ ਹੀ ਰਹੀ ਤਿੜਕੇ ਘੜੇ ਨੂੰ ਰੋਜ਼ ਨੈਣਾਂ ਚੋਂ
ਉਹ ਆਸ਼ਕ ਹੈ ਜੋ ਭਰਿਆ ਹੀ ਨਹੀਂ ਭਰਕੇ ਵੀ ਮਹਿਰਮ ਤੋਂ

ਕਜ਼ਾ ਦੀ ਮਾਰ ਝੱਲੀ ਤੇ ਮੈਦਾਨ ਏ ਇਸ਼ਕ ਜਾ ਡਿੱਗਾ
ਉਹ ਆਸ਼ਕ ਹੈ ਜੋ ਹਰਿਆ ਹੀ ਨਹੀਂ ਹਰਕੇ ਵੀ ਮਹਿਰਮ ਤੋਂ

ਬੜੇ ਹੀ ਰਾਜ਼ ਗਹਿਰੇ ਨੇ ਜੋ ਗਿੱਲੀ ਰੇਤ ਚਾਵਾਂ ਦੀ
ਉਹ ਆਸ਼ਕ ਹੈ ਜੋ ਖਰਿਆ ਹੀ ਨਹੀਂ ਖਰਕੇ ਵੀ ਮਹਿਰਮ ਤੋਂ

ਉਡੀਕਾਂ ਬਣ ਗਿਆ ਕਮਲਾ ਨਾ ਆਇਆ ਸਾਉਣ ਬਣਕੇ ਉਹ
ਉਹ ਆਸ਼ਕ ਹੈ ਜੋ ਵਰ੍ਹਿਆ ਹੀ ਨਹੀਂ ਵਰ੍ਹਕੇ ਵੀ ਮਹਿਰਮ ਤੋਂ

......ਸ਼ਿਵ ਰਾਜ ਲੁਧਿਆਣਵੀ

Very nice. I like it

Goog One ...Bittoo Bai Ji !