ਰਾਤ ਦੇ ਸੀਨੇ `ਤੇ ਕੁੱਝ ਚਾਨਣ ਮਚਲਦਾ ਰਹਿਣ ਦੇ।
ਤੂੰ ਪੜਾਅ ਤੋਂ ਕੂਚ ਕਰ ਦੀਵਾ ਟਿਮਕਦਾ ਰਹਿਣ ਦੇ।

ਪਿਘਲ਼ ਜਾਵੇ ਤੇਰੀਆਂ ਪਲਕਾਂ `ਤੇ ਠਹਿਰੀ ਚਾਨਣੀ,
ਆਪਣਾ ਚੇਹਰਾ ਮੇਰੇ ਚੇਹਰੇ `ਤੇ ਝੁਕਿਆ ਰਹਿਣ ਦੇ।

ਨਾਗ਼ਵਾਰਾ ਹੈ ਤੇਰਾ ਚੁੰਮਣ ਤਾਂ ਫਿਰ ਖੰਜਰ ਸਹੀ,
ਕੁਝ ਮੇਰੇ ਮਤਲਬ ਦਾ ਵੀ ਸੀਨੇ ਤੇ ਸਜਿਆ ਰਹਿਣ ਦੇ।

ਕੋਟ ਤੇਹਾਂ ਨੇ ਤੇਰੇ ਚੌਗਿਰਦ ਬੱਸ ਏਸੇ ਲਈ,
ਆਪਣੇ ਅੰਦਰ ਹਰਿੱਕ ਦਰਿਆ ਨੂੰ ਵਗਦਾ ਰਹਿਣ ਦੇ।

ਦੋਸਤੀ ਕਰ ਪਿਆਰ ਕਰ ਅਹਿਸਾਨ ਨਾ ਕਰ ਇਸ ਤਰ੍ਹਾਂ,
ਬਾਦ ਇੱਕ ਅਰਸੇ ਦੇ ਸਿਰ ਉੱਠਿਆ ਹੈ ਉੱਠਿਆ ਰਹਿਣ ਦੇ।

ਸ਼ੂਕਦਾ ਦਰਿਆ ਹਾਂ ਮੈਂ ਤੇ ਤਲ ਮੇਰੇ ਦੀ ਧਰਤ ਤੂੰ,
ਆਪਣਾਪਨ ਮੇਰੀਆਂ ਲਹਿਰਾਂ `ਚ ਘੁਲਦਾ ਰਹਿਣ ਦੇ।

ਜਗਜੀਤ ਸੰਧੂ

 

ਅਤਿ ਸੁੰਦਰ ਰਚਨਾ |

ਬਿੱਟੂ ਬਾਈ ਜੀ ਸਾਂਝੀ ਕਰਨ ਲਈ ਬਹੁਤ ਧੰਨਵਾਦ ਜੀ |

 

 

boht khoob bittu ji.dhoonge ehsaasan di jhalak tuhadi eh rachna shabdaan pakhon hameshaan vaang ameer hai.tfs

 

ਹਰ ੲਿਕ ਸ਼ੇਅਰ ਬਹੁਤ ਸੋਹਣਾ ਹੈ ਜੀ, ਕਿਸੇ ੲਿਕ ਦੀ ਚੋਣ ਮੁਸ਼ਕਿਲ ਹੈ ਜੀ,

TFS SIR.

Beautiful Ghazal Sir Ji

 

Thanks For Sharing

ਬਹੁਤ ਖੂਬ ਰਚਨਾ. ਬਾ-ਕਮਾਲ.

ਬਹੁਤ ਸੁੰਦਰ ਰਚਨਾ ਸ਼ੇਅਰ ਕਰਨ ਲਈ ਸ਼ੁਕਰੀਆ ........ਬਿੱਟੂ ਵੀਰ ਜੀ