ਹੱਦਾਂ ਸਰਹੱਦਾਂ ਦੀ ਮਾਰੀ ,ਦੁਨੀਆ ਮੌਜਾਂ ਮਾਣੂ ਕੀ ?
ਮਜਲੂਮਾਂ ਤੇ ਚੱਲਦੇ ਵੇਖੇ, ਐਟਮ ਕੀ ਪਰਮਾਣੂ ਕੀ ?

ਲੀਰਾਂ ਲੀਰਾਂ ਕਰਕੇ ਹੱਸੇ, ਚਾਵੋਂ ਰੰਗੀ ਚੁੰਨੀ ਕਿਉਂ ?
ਧੀਆਂ ਮਾਰਨ ਵਾਲਾ ਬੰਦਾ, ਪੱਤ ਪਿਆਰੀ ਜਾਣੂ ਕੀ ?

ਰੋਜ਼ੇ ਰੱਖੇ ਅੱਲਾ ਗਾਵੇ ,ਦੁਨੀਆ ਭਰ ਦਾ ਐਬੀ ੳਹ
ਮਨੂਆ ਮੈਲਾ ਰੱਖੇ ਜਿਹੜਾ, ਤਨ ਦੀ ਮਿੱਟੀ ਛਾਣੂ ਕੀ ?

ਲਿੱਪੀ ਨਹੀਂ ਕੰਧੋਲੀ ਜਿਸਨੇ, ਸੰਗੋ ਸ਼ਰਮੋਂ ਅੰਗਾਂ ਦੀ
ਪੈਰੋਂ ਬੋਝਲ ਹੁੰਦੀ ਨਾਰੀ, ਸਿਰ ਤੇ ਅੰਬਰ ਤਾਣੂ ਕੀ ?

ਕਰੇ ਖ਼ੁਆਰੀ ਸਦੀੳਂ ਭੈੜਾ, ਇਸ਼ਕ ਅਵੱਲਾ ਸੌਖਾ ਨਈਂ
ਥਾਂ ਥਾਂ ਆਪਾ ਸੁੱਟਣ ਵਾਲਾ,ਅਸਲੋਂ ਯਾਰ ਪਛਾਣੂ ਕੀ ?

.........ਸ਼ਿਵ ਰਾਜ ਲੁਧਿਆਣਵੀ

Nice Ghazal Sir ji

 

TFS

Nice Gazal by Shiv Raj Ludhianvi. Thanks for sharing Bittu ji