ਦਿਨ ਤਾਂ ਚਲ ਅਸੀ ਵੀ ਗੁਜਾਰੀ ਜਾਨੇ ਆਂ ।
ਆਉਣ ਵਾਲੇ ਸਮੇਂ ਨੂੰ ਵਿਚਾਰੀ ਜਾਨੇ ਆਂ ।

ਤੂੰ ਵੀ ਕਰਲੈ ਖ਼ਿਆਲ ਕਦੇ ਤੜਫਦੀਆਂ ਜਿੰਦਾਂ ਦਾ
ਚੰਗੀ ਭਲੀ ਜਿੰਦਗੀ ਉਜਾੜੀ ਜਾਨੇ ਆਂ ।

ਲੱਖ ਮਜ਼ਬੂਰੀਆਂ ਨੇ ਮੋਹਬਤਾਂ ਵੀ ਗੂਹ੍ੜੀਆਂ ਨੇ
ਇਸ਼ਕ ਦੀਆਂ ਖੇਡਾਂ ਕਾਹਤੋਂ ਹਾਰੀ ਜਾਨੇ ਆਂ ?

ਬੀਤਿਆ ਉਹ ਵੇਲਾ ਸੱਲ੍ਹ ਕਾਲਜੇ ਚ ਪਾਉਂਦਾ
ਹੰਝੂਆਂ ਚ ਖੂਸ਼ੀਆਂ ਨੂੰ ਤਾਰੀ ਜਾਨੇ ਆਂ ॥

ਸ਼ਾਇਰੀ ਕਹਿਕੇ "ਦਿਲਰਾਜ" ਲੋਕੀ ਵਾਹ-ਵਾਹ ਕਰੀ ਜਾਂਦੇ
ਅਸੀ ਤੇਰੇ ਲਈ ਇਹ ਲੀਕਾਂ ਜਹੀਆਂ ਮਾਰੀ ਜਾਨੇ ਆਂ ॥

ਦਿਨ ਤਾਂ ਚਲ ਅਸੀ ਵੀ ਗੁਜਾਰੀ ਜਾਨੇ ਆਂ ।
ਆਉਣ ਵਾਲੇ ਸਮੇਂ ਨੂੰ ਵਿਚਾਰੀ ਜਾਨੇ ਆਂ ।

ਕਲਮ - ਦਿਲਰਾਜ

ਖੂਬ......ਧਨਵਾਦ......ਸਾਂਝਾ ਕਰਨ ਲਈ........