ਹਾਂ ਚੰਗਾ ਲੱਗਦਾ ਏ ਕਦੇ ਕਦਾ
ਅਤੀਤ ਦੇ ਪਰਛਾਵਿਆਂ ਚੋਂ ਆਪਣਾ ਅਕਸ ਲੱਭਣਾ

,ਹਾਾ ਚੰਗਾ ਲੱਗਦਾ ਏ ਆਪਣੇ ਰਹਿਬਰ ਨੂੰ 

ਵਕਤ ਦੇ ਪਰਛਾਵਿਆ ਚੋ ਅਜੋਕੇ ਵਕਤ ਤੇ ਉਲੀਕਣਾ 

ਤੇ ਆਪਣੇ ਨਸੀਬ ਚੋਂ ਟੁੱਟੇ ਹੋਏ
ਤਾਰਿਆਂ ਤੋਂ ਆਪਣਾ ਨਸੀਬ ਮੰਗਣਾ |

ਹਾਂ ਚੰਗਾ ਲੱਗਦਾ ਏ .....
ਮੁੱਠੀ ਭਰ ਚਾਨਣਾ ਦੀਆਂ ਲੈ ਛਿੱਟਾ
ਦਿਲ ਦੇ ਸੁੰਨੇ ਵਿਹੜੇ ਖਲੇਰ
ਸੂਰਜਾਂ ਦੇ ਬੀਜ ਬੀਜਣੇ ਤੇ
ਦੁਆ ਕਰਨੀ.......
ਇਹਨਾ ਸੂਰਜਾਂ ਦੇ ਸੇਕ
ਕਦੇ ਮੱਠੇ ਨਾ ਪੈਣ
ਦੁਆ ਕਰਨੀ ..... |

ਇਹਨਾ ਸੂਰਜਾਂ ਦਾ ਸੇਕ
ਜਿੰਨਾ ਮਰਜ਼ੀ ਵਧੇ ਪਰ
ਇਹਨਾ ਦੇ ਸੇਕ ਨਾਲ
ਕਦੇ ਵੀ ਦਿਲ ਨਾ ਕੁਮਲਾਏ ਜਾਣ
ਹਾਲਾਂ ਕਿ ਸੂਰਜਾਂ ਦੇ ਬੀਜ ਬੀਜਕੇ
ਵੀ ਇਹਨੇ ਹਨੇਰੇ ਹੀ ਢੋਏ ਨੇ |

ਦਿਲ ਦੀ ਗੇਜ ਦਾ ਇਹ ਸੱਖਣਾਪਨ ਹੀ ਸੀ
ਜਾ ਲੇਖਾਂ ਦਾ ਸੌੜਾਪਨ
ਕਿ ਮੁਹੱਬਤ ਹੁੰਦਿਆਂ ਸੁੰਦਿਆਂ ਵੀ
ਗੀਤ ਇਹਦੇ ਹਿੱਸੇ ਸਦਾ ਗੂੰਗੇ ਹੀ
ਆਏ ਨੇ |

ਫੇਰ ਵੀ ਉਮਰ ਭਰ ਹੁੰਘਿਆ
ਹਾਂ ਮੁਹੱਬਤ ਆਪਣੀ ਲਈ .......
ਹਾਂ ਚੰਗਾ ਲੱਗਦਾ ਏ ਕਦੇ ਕਦਾ
ਅਤੀਤ ਦੇ ਪਰਛਾਵਿਆਂ ਚੋਂ ਆਪਣਾ ਅਕਸ ਲੱਭਣਾ

....ਮਲਕੀਤ

Mallit jee bahut hee Gehrayi bharbhoor Rachna "han changa lagda hai"
Bahut sohne khiyal shabdan ch paroye ne tusan.
Vakya e kade kade dil vapis ateet vall jaan nu karda hai.
Veer beet gaya yaad aunda hai rachna padke .
Jeo TFS

 

ਬਹੁਤ ਖੂਬ ਲਿਖਿਆ ਮਲਕੀਤ ਜੀ | ਗੁਰਪ੍ਰੀਤ ਜੀ ਦੀ ਰਾਏ ਨਾਲ ਸਹਿਮਤ ਹਾਂ ਮੈਂ ਵੀ - ਇਸ ਰਚਨਾ ਵਿਚ ਗਹਿਰਾਈ ਹੈ, ਗੰਭੀਰਤਾ ਹੈ |

ਸ਼ੇਅਰ ਕਰਨ ਲਈ ਸ਼ੁਕਰੀਆ |

 

ਕਿਰਤ ਨੂੰ ਮਾਣ ਦੇਣ ਲਈ ਸ਼ੁਕ੍ਰਿਯਾ ਗੁਰਪ੍ਰੀਤ ,ਜਗਜੀਤ ਜੀ....