ਹਰ ਪਲ ਦੀ ਆਪਣੇ ਹੀ ਖੁਦ ਤਕ ਸਮਾਪਤੀ ਹੈ

Punjabi Poetry

View Forum

Create New Topic

Home > Communities > Punjabi Poetry > Forum > messages

charanjit

Posts: 245

Gender: Male

Joined: 12/May/2009

Location: stockton

View All Topics by charanjit

View All Posts by charanjit

ਹਰ ਪਲ ਦੀ ਆਪਣੇ ਹੀ ਖੁਦ ਤਕ ਸਮਾਪਤੀ ਹੈ

ਜੀਵਨ ਦੀ ਸਾਰ ਗਾਥਾ ਪੀੜਾ ਪ੍ਰਾਪਤੀ ਹੈ
ਇਕ ਸਾਹ ਤੋਂ ਦੂਸਰੇ ਤਕ ਗਮ ਦੀ ਵਿਰਾਸਤੀ ਹੈ

ਰੂਹਾਂ ਦਾ ਲੇਖਾ -ਜੋਖਾ ਇਕ ਭਰਮ-ਜਾਲ ਮੂਜਬ
ਹਰ ਪਲ ਦੀ ਆਪਣੇ ਹੀ ਖੁਦ ਤਕ ਸਮਾਪਤੀ ਹੈ

ਇਕ ਦਾਲ ਦੋ ਚਪਾਤੀਆਂ ,ਹੱਥਾਂ ਦੀ ਇਹ ਕਮਾਈ
ਸਰਮਾਇਆਂ ਦਾ ਜਾਦੂ ,ਵਿਹਲੜ ਅਰਬਪਤੀ ਹੈ

ਥੱਕੀਆਂ ਕੁੜੱਤਣਾਂ ਨੂੰ ਇਕ ਪਿਆਸ ਤਕ ਮਤਲਬ
'ਨੇਰਾ ਨਾ ਦੇਖਦਾ ਇਹ, ਕਦ ਅੱਖ ਸ਼ਰਬਤੀ ਹੈ

ਇਕ ਛੂਹ ਸਦੀਵਤਾ ਦੀ ਬਣਤਰ ਨੂੰ ਇਸ ਦੀ ਹੋਈ
ਸਭ ਕੁਛ ਤਾਂ ਦਿਲ ਵੀ ਟੁੱਟਿਆ,ਇਕ ਪੀੜ ਸਾਬਤੀ ਹੈ

ਕਰਜ਼ੇ ਦੇ ਸਿਆੜਾਂ ਵਿਚ,ਅੱਜ ਖੁਸਕੁਸ਼ੀ ਹੈ ਉੱਗਦੀ
ਕਾਹਦੀ ਹੈ ਹੁਣ ਕਿਸਾਨੀ,ਭੁਖ ਨੰਗ ਦੀ ਕਾਸ਼ਤੀ ਹੈ

ਸਤਲੁਜ ਬਿਆਸ ਤੋਂ ਹੁਣ,ਜਿਹਲਮ ਝਨਾਂ ਨੇ ਵੱਖਰੇ
ਵਿਚ ਜ਼ਖਮ ਬਦਨੁਮਾ ਬਣ,ਵਗਦੀ ਇਰਾਵਤੀ ਹੈ

ਸੜਦੇ ਪਤੰਗਿਆਂ ਜੋ ਇਹ ਹਵਨ ਨੇ ਭਖਾਏ
ਚੁਪ 'ਨੇਰਿਆਂ ਉਤਾਰੀ ਦੀਵੇ ਦੀ ਆਰਤੀ ਹੈ

-------csmann-121510--