ਰੋਹੀਆਂ 'ਚ ਰੁਲ਼ਦਿਆਂ ਨੂੰ
ਭੱਖੜੇ 'ਤੇ ਤੁਰਦਿਆਂ ਨੂੰ l
ਮਿਲਿਆ ਨਾ ਖੜ ਕੇ ਰੋਣਾ
ਅੰਦਰਲੇ ਮੁਰਦਿਆਂ ਨੂੰ l

ਪੌਣਾਂ ਨਾ ਰੋਕ ਸਕੀਆਂ
ਮੌਸਮ ਨਾ ਸਾਂਭ ਸਕਿਆ,
ਛਾਵਾਂ 'ਚ ਸੜਦਿਆਂ ਨੂੰ
ਧੁੱਪਾਂ 'ਚ ਖੁਰਦਿਆਂ ਨੂੰ l

ਨਾਰਾਜ਼ ਹੋ ਜੋ ਤੁਰ ਪਏ
ਵਿੰਹਦੇ ਰਹੇ ਕਿ ਸ਼ਾਇਦ,
ਅਵੇਗਾ ਮੁੜ ਬੁਲਾਵਾ
ਕੁਝ ਦੂਰ ਤੁਰਦਿਆਂ ਨੂੰ l

ਸਭ ਨੇ ਆਪੋ ਆਪਣੇ
ਟੁਕੜੇ ਸਮੇਟਣੇ ਸਨ,
ਕਿਹੜਾ ਖਲੋ ਕੇ ਸੁਣਦਾ
ਬੁੱਤਾਂ ਨੂੰ ਭੁਰਦਿਆਂ ਨੂੰ l

ਸੁੰਨ-ਸਾਨ ਵਿਹੜਿਆਂ ਵਿੱਚ
ਵੀਰਾਨ ਜਿਹੇ ਘਰਾਂ ਵਿੱਚ,
ਜੰਗਲ਼ ਹੀ ਬੈਠਾ ਮਿਲਿਆ
ਜੰਗਲ਼ 'ਚੋਂ ਮੁੜਦਿਆਂ ਨੂੰ l

bhaut khoob bai g bhaut khoob likhea ae jnab

sohna e jii

Nice one by Rajinderjeet....Thnx 4 sharing Lakhi

Good one thanks for sharing bai ji.. :)

gud work lakhwinder