ਜੋਗੀ ਖੜਾ ਦੁਆਰ ਨੀ ਮਾਂ
ਇੱਕ ਅੱਖ ਉਹਦੀ ਆਰ ਦਿਸੀਵੇ
ਦੂਜੀ ਦਿਸਦਾ ਪਾਰ ਨੀ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ.......

ਬੋਲੀਂਂ ਉਸਦੇ ਨਾਨਕ ਬੋਲੇ
ਚਿਹਰੇ ਪਰਦਾ ਯੂਸਫ ਖੋਲੇ
ਤੱਕਣੀਂ,ਧਰਮੀਂ,ਤੱਕੜੀ ਡੋਲੇ
ਸੁਣਿਐ ਘੱਟ ਨਾ,ਵਾਧੂ ਤੋਲੇ
ਜੀਅ ਪਿਆ,ਕਰਾਂ ਉਧਾਰ ਨੀਂ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ........

ਪੈਰੀਂ ਉਹਦੇ ਧਮਕਣ ਸੁਣਦੀ
ਉੱਤਰ,ਪੂਰਬ,ਦੱਖਣ ਸੁਣਦੀ
ਕੰਨੀਂ ਨਈਂਂ,ਇਹ ਤੱਕਣ ਸੁਣਦੀ
ਮੈਂ ਨੂੰ ਅੱਗ ਚ ਰੱਖਣ ਸੁਣਦੀ
ਮੈਂ ਦਾ ਲਾਹਵਾਂ ਭਾਰ ਨੀ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ........

ਕਾਲੀ ਕੰਬਲੀ,ਜਾਦੂ ਚਿੱਟਾ
ਚਾਰ ਧਰਮ ਦਾ ਮੱਥੇ ਟਿੱਕਾ
ਸੈਦਾ,ਖੇੜਾ ਜਾਪੇ ਫਿੱਕਾ
ਰੱਬੋਂ ਵੱਡਾ,ਦਿਸਦਾ ਨਿੱਕਾ
ਕੇਹਾ ਹਾਰ ਸ਼ਿੰਗਾਰ ਨੀ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ...........

ਨਾਦ ਗੂਂਜੇ ਜਦ ਭਰੇ ਹੁੰਗਾਰਾ
ਇੱਕ ਹੱਥ ਵੰਝਲੀ,ਇੱਕ ਇੱਕ ਤਾਰਾ
ਥੋੜੇ ਵਿੱਚ,ਸਾਰੇ ਦਾ ਸਾਰਾ
ਫੁੱਲਾਂ ਵਰਗਾ, ਪਰਬਤੋਂ ਭਾਰਾ
ਕੀ ਸਮਝਾਵਾਂ ਸਾਰ ਨੀ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ........

ਬਲਕਾਰ ਦਾਨਿਸ਼

Oh Simply Superb, ਬਿੱਟੂ ਬਾਈ ਜੀ !

ਬਹੁਤ ਹੀ ਖੂਬਸੂਰਤ ਲਿਖਤ ਹੈ ਇਹ - 24 ਕੈਰਟ ਖਰੇ ਜੋਗੀ ਦਾ ਚਿਤਰਣ ਹੈ ਜੀ | ਬਲਕਾਰ ਦਾਨਿਸ਼ ਬਾਈ ਜੀ ਦੀ ਦਾਨਿਸ਼ਮੰਦ ਸੋਚ ਦੇ ਦਰਸ਼ਨ ਹੋ ਰਹੇ ਹਨ ਜੀ ਕਿਰਤ ਵਿਚੋਂ |

 

ਲਿਖਣ ਵਾਲਿਆਂ ਨੂੰ ਅਤੇ ਉਨ੍ਹਾਂ ਦੀ ਕਲਮ ਦੇ ਜਾਦੂ ਨੂੰ ਸਲਾਮਾਂ, ਅਤੇ ਪਰਖ ਕਰਕੇ ਸਾਡੇ ਨਾਲ ਇਸ ਫੋਰਮ ਤੇ ਸਾਂਝੀ ਕਰਨ ਵਾਲਿਆਂ ਨੂੰ ਵੀ ਸ਼ਾਬਾਸ਼ਾਂ |

 

God Bless !

 

ਬਿੱਟੂ ਬਾਈ ਜੀ ! ਬਹੁਤ ਹੀ ਖੂਬਸੂਰਤ ਲਿਖਤ ਹੈ

ਬਿੱਟੂ ਬਾਈ ਜੀ ! ਬਹੁਤ ਹੀ ਖੂਬਸੂਰਤ ਲਿਖਤ ਹੈ

ਕਾਲੀ ਕੰਬਲੀ,ਜਾਦੂ ਚਿੱਟਾ
ਚਾਰ ਧਰਮ ਦਾ ਮੱਥੇ ਟਿੱਕਾ
ਸੈਦਾ,ਖੇੜਾ ਜਾਪੇ ਫਿੱਕਾ
ਰੱਬੋਂ ਵੱਡਾ,ਦਿਸਦਾ ਨਿੱਕਾ
ਕੇਹਾ ਹਾਰ ਸ਼ਿੰਗਾਰ ਨੀ ਮਾਂ
ਜੋਗੀ ਖੜਾ ਦੁਆਰ ਨੀ ਮਾਂ...........

ਸ਼ਾਨਦਾਰ !!!!!