ਨਾ ਦੁੱਖ ਵਿੱਚ ਰੋਂਦਾ ਏ , ਨਾ ਸੁੱਖ ਵਿੱਚ ਹੱਸਦਾ ਏ ,

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

ਨਾ ਬੇਲੇ ਭਾਉਂਦੇ ਨੇ ,

ਨਾ ਧੇਲੇ ਭਾਉਂਦੇ ਨੇ,

ਨਾ ਡੇਰਾ ਮੱਲਦਾ ਏ ,

ਨਾ ਚੇਲੇ ਭਾਉਂਦੇ ਨੇ,

ਨਾ ਮੇਰੀ ਸੁਣਦਾ ਏ , ਨਾ ਆਪਣੀ ਦੱਸਦਾ ਏ ,

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

ਥਲ ਵਿੱਚ ਵੀ ਜੀਅ ਲੈਂਦਾ,

ਕਦੇ ਸਾਗਰ ਪੀਅ ਲੈਂਦਾ ,

ਜਿੰਨੇ ਬਿਨ ਸਰਦਾ ਨਈਂ,

ਬੱਸ ਓਨਾ ਹੀ ਲੈਂਦਾ ,

ਨਾ ਰਾਹ ਰੋਕਦਾ ਏ , ਨਾ ਪਿੱਛੇ ਨਸਦਾ ਏ ,

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

ਆਪਣੇ ਵਿੱਚ ਮਸਤ ਰਹੇ ,

ਕੁੱਝ ਅਸਤ- ਵਿਅਸਤ ਰਹੇ,

ਦਿਲ ਦਾ ਇਹ ਰਾਜਾ ਏ ,

ਭਾਵੇਂ ਤੰਗ-ਦਸਤ* ਰਹੇ ,

ਨਾ ਖੁੱਲੀਆਂ ਛੱਡਦਾ ਏ . ਨਾ ਵਾਗਾਂ ਕਸਦਾ ਏ ,

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

ਕਿਸੇ ਅੱਗ ਵਿੱਚ ਸੜਿਆ ਏ,

ਜੋ ਏਨਾ ਰੜਿਆ ਏ ,

''ਗਿੱਲ'' ਗਿਆਨੀ ਬਣ ਬੈਠਾ,

ਢਾਈ ਅੱਖਰ ਪੜਿਆ ਏ,

ਨਾ ਅੰਬਰੀਂ ਉੱਡਦਾ ਏ , ਨਾ ਜਾਲ ਚ ਫੱਸਦਾ ਏ

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

----------------***----------------------@ADG

*ਪੈਸੇ ਪੱਖੋਂ ਔਖਾ

ਵਾਹ ਜੀ ਵਾਹ ਅਮਰਦੀਪ ਜੀ....ਜੀ ਆਇਆਂ ਨੂੰ.....

 ਬਹੁਤ ਵਧੀਆ ਰਚਨਾ ਲੈਕੇ ਹਾਜ਼ਰੀ ਲਵਾਈ ਹੈ ਤੁਸੀਂ ਪੰਜਾਬਿਜ਼ਮ ਤੇ..

ਜੀ ਆਇਆਂ ਨੂੰ ਅਮਰਦੀਪ ਜੀ .....ਉਮੀਦ ਹੈ ਕੇ ਤੁਸੀਂ ਸਾਡੇ ਨਾਲ ਜੁੜੇ ਰਹੋਂਗੇ ......

sir.. ਚਾਰ ਚੰਨ ਲੱਗ ਗਏ punjabizm ਦੇ ਵੇਹੜੇ ਨੂੰ ਤੁਹਾਡੀ ਆਮਦ ਨਾਲ...

ਲਾਜਵਾਬ ਰਚਨਾ.... 

ਨਾ ਦੁੱਖ ਵਿੱਚ ਰੋਂਦਾ ਏ , ਨਾ ਸੁੱਖ ਵਿੱਚ ਹੱਸਦਾ ਏ ,

ਮੇਰੀ ਰੂਹ ਦੇ ਵਿੱਚ ਅੜੀਏ ਇੱਕ ਜੋਗੀ ਵੱਸਦਾ ਏ !

ਆਹ lines ਤਾਂ ਕਮਾਲ ਸੀ.... ਪਰ ਪੂਰੀ ਰਚਨਾ ਪੜ ਕੇ ਤਾਂ ਰੂਹ ਖੁਸ਼ ਹੋ ਗਈ....

ਬਾਕਮਾਲ........

Thanks a lot for sharing...

ਖੂਬ ਜੀ......

bhaji tusi great ho....

ਗਿੱਲ  ਸਾਹਿਬ .........ਜੀ ਆਈਆਂ ਨੂੰ.......ਪੰਜਾਬਇਜ੍ਮ  ਪਰਿਵਾਰ ਚ ਤੁਹਾਡ ਸਵਾਗਤ ਹੈ ਜੀ 

ਬਹੁਤ ਵਧੀਆ ਬਾਈ ਜੀ ...........ਬ-ਕਮਾਲ ਰਚਨਾ .......

ਅਨੰਦੁ ਆ ਗਿਆ ਪੜਕੇ .........we expecting more from you .........thanx for sharing 

suchajje dhang naal te dilo likhi gayti racha

thanks for shar. with us

bohat khoob..

gud writing veer g...

thnx for sharing..