ਕਈ ਜਨਮਾਂ ਤੋਂ ਮੈਂ, ਤੇਰੀਆਂ ਰਾਹਾਂ ਤਕੀੱਆਂ ਨੇ
ਹੁਣ ਆ ਵੀ ਜਾ ਸਜਨਾ, ਅਖਾਂ ਬੜੀਆਂ ਥਕੀਆ ਨੇ

ਕਿੰਜ ਆਖਾਂ ਤੈਨੂੰ ਮੈਂ, ਮੇਰੇ ਦਿਲ ਨੂੰ ਚੈਨ ਨਹੀਂ
ਮੇਰੇ ਨੈਣਾਂ ਵਰਗਾ ਵੀ , ਕੋਈ ਜੱਗ ਤੇ ਵੇਹਣ ਨਹੀਂ
ਜੋ ਮੈਨੂੰ ਤੂੰ ਦਿਤੀਆਂ, ਮੈਨੂੰ ਪੀੜਾਂ ਸਕੀਆਂ ਨੇ
ਹੁਣ ਆ ਵੀ ਜਾ..

ਅੱਖ ਦੇ ਝਪਕਾਰੇ ਚ, ਕਿਤੇ ਲੰਘ ਨਾ ਜਾਵੇ ਤੂੰ
ਘਰ ਆਉਂਦਾ ਆਉਂਦਾ ਹੀ, ਕਿਤੇ ਸੰਗ ਨਾ ਜਾਵੇ ਤੂੰ
ਤੈਨੂੰ ਇੱਕ ਪੱਲ ਵੇਖਣ ਲਈ, ਮੈਂ ਨੀਂਦਾਂ ਡਕੀਆਂ ਨੇ
ਹੁਣ ਆ ਵੀ ਜਾ..

ਉਠ ਰੋਜ ਸਵੇਰੇ ਮੈਂ, ਚੜ ਕੋਠੇ ਬਹਿ ਜਾਂਦੀ
ਚਾਹ ਤੈਨੂੰ ਮਿਲਣੇ ਦੀ, ਮੇਰੇ ਦਿਲ ਵਿੱਚ ਰਹਿ ਜਾਂਦੀ
ਘੁੱਟ ਦਿਲ ਨਾਲ ਲਾਵੇਂਗਾ, ਮੈਨੂੰ ਆਸਾਂ ਪਕੀਆਂ ਨੇ
ਹੁਣ ਆ ਵੀ ਜਾ..

bht sohna likhya very nyc ji

thanks a lot gopy.