"ਕਲਿਯੁਗ"

ਆਖਣ ਖਿਜ਼ਾਂ ੲਿੱਕ ਦਿਨ ਆਉਣਾ ਏ,
ਫਿਰ ਸਭ ਪੱਤੀਆਂ ਝੜ ਜਾਣਾ ਏ,
ਤੈਨੂੰ ਸਿਉਂਕ ਨੇ ਟੁੱਕ ਟੁੱਕ ਖਾਣਾ ੲੇ
ਤੂੰ ੲਿਸ ਗੱਲ ਨੂੰ ਮਨੋਂ ਵਿਸਾਰ ਨਾ ।

ੳੁਹ ਰੁੱਤ ਹੋਣੀ ਢਹੀ ਮੀਨਾਰ ਜਿਹੀ
ਦੂਰੋਂ ਦਿਸੂ ਬਾਂਝ ਬਹਾਰ ਜਿਹੀ
ਜਿੱਥੇ ਨਾ ਹੰਝੂਆਂ ਦੀ ਕੋਈ ਕੀਮਤ ਹੋਣੀ
ਕੋਈ ਲਵੇਗਾ ਕਿਸੇ ਦੀ ਸਾਰ ਨਾ ।

ਮੈਨੂੰ ੲਿਹ ਰੁੱਤ ਆਈ ਲੱਗਦੀ ਏ,
ਜਿਸਨੂੰ ਦੁਨੀਆਂ ਕਲਿਯੁਗ ਦੱਸਦੀ ੲੇ,
ੲਿੱਥੇ ਆਪਣੇ ਨੂੰ ਆਪਣਾ ਹੀ ਮੁਸ ਜਾਵੇ
ਭਲੇ ਦਿਲ ਦੀ ਸਮਝਣ ਦਰਕਾਰ ਨਾ ।

ਕਦ ਕੋੲੀ ਆਪਣਾ ਦਹਿਸਰ ਬਣ ਜਾਵੇ,
ਕਦ ਕੋਈ ਜਿੳੁਂਦੇ ਨੂੰ ਹੀ ਚਿਣ ਜਾਵੇ,
ਹੁਣ ੲਿੱਥੇ ਵਾਰਿਸ ਨਾ ਹੀਰ ਪਛਾਣਦਾ
ਸੋਹਣੀ ਨੂੰ ਜਾਣੇ ਕਾਦਰਯਾਰ ਨਾ ।

ੲਿਹ ਸਮਾਜ ਕੰਡਿਆਲਾ, ਟੱਪਣਾ ਔਖਾ
ਚਹੁੰ ਪਾਸੇ ਹਨ੍ਹੇਰਾ, ਚਹੁੰ ਪਾਸੇ ਧੋਖਾ,
ਦੋ ਹੱਥਾਂ ਪੈਰਾਂ ਦੀ ੲਿਹ ਖੇਡ ਨਹੀਂ
ਨਾ ਖਲਾਸੀ ਹੋਣਾ ਜੇ ਨਾਮ ਅਸਵਾਰ ਨਾ ॥

-:ਸੰਦੀਪ 'ਸੋਝੀ'

ਨੋਟ:-
ਦਹਿਸਰ-ਰਾਵਣ
ਖਲਾਸੀ-ਮੁਕਤ
ਮੁਸ-ਮਾਰਨਾ
ਸਮਜ-ਜੰਗਲ
ਦਰਕਾਰ-ਲੋੜ
ਅਸਵਾਰ-ਸਵਾਰ

20 ਸਤਰਾਂ ਵਿਚ ਕਾਲ ਚੱਕਰ, ਇਸਦੇ ਨਾਲ ਲੋਕਾਂ ਅਤੇ ਕੁਦਰਤ ਦੇ ਮੌਸਮਾਂ ਵਿਚ ਆਉਣ ਵਾਲੀਆਂ ਤਬਦੀਲੀਆਂ ਤੋਂ ਲੈਕੇ ਕਦਰਾਂ ਕੀਮਤਾਂ ਵਿਚ ਆਉਣ ਵਾਲੀਆਂ ਤਬਦੀਲੀਆਂ ਤੱਕ ਦਾ ਸਫਰ ਬਖੂਬੀ ਤੈਅ ਕੀਤਾ ਹੈ |ਇਹ ਜੀਵਨ ਦੇ ਫਲਸਫੇ ਅਤੇ ਗੂੜ੍ਹ ਗਿਆਨ ਦੀਆਂ ਗੱਲਾਂ ਹਨ |

ਬਹੁਤ ਸੋਹਣਾ ਲਿਖਿਆ ਹੈ | ਸ਼ੇਅਰ ਕਰਨ ਲਈ ਸ਼ੁਕਰੀਆ ਸੰਦੀਪ ਬਾਈ ਜੀ |

ਹਮੇਸ਼ਾ ਦੀ ਤਰਾਂ ਸਭ ਤੋਂ ਪਹਿਲਾਂ ਕਿਰਤ ਤੇ ਆਪਣੇ ਕੀਮਤੀ ਕਮੈਂਟ੍‍ਸ ਦੇਣ ਲਈ ਤੇ ਹੋਸਲਾ ਅਫਜਾਈ ਲਈ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਜਗਜੀਤ ਸਰ।

ਵਾਹ ਬਹੁਤ ਹੀ ਸ਼ਾਨਦਾਰ ਲਿਖਿਆ ਆਪ ਜੀ ਨੇ ,........... pure punjabi poetry ਏਸ ਕਵਿਤਾ ਨੂੰ ਨਾਯਾਬ ਹਰਫਾਂ ਵਿਚ ਰੰਗਇਆ ਗਿਆ ਹੈ ,........ very well written sandeep veer g........you are the one of the best writers,.........god bless u,........duawaan aap g lai.

Sandeep jee Rachna kabil-e-tareef hai 

But har yug ch e Raavan ne te Ram ne Nanak ne 

Ancient period ton hun tak sab admi ne sirjiya hai bhaven Kalyug Ya Satyug sab apne hath hai 

likhan layi Vadhai

jeo

ਸੁਖਪਾਲ ਜੀ, ਗੁਰਪ੍ਰੀਤ ਜੀ ...ਤੁਸੀ ਦੋਵਾਂ ਨੇ ਆਪਣੇ ਕੀਮਤੀ ਵਕਤ 'ਚੋਂ ਵਕਤ ਕੱਢ ਮੇਰੀ ਰਚਨਾ ਹਵਾਲੇ ਕੀਤਾ ਤੇ ਐਨੀ ਹੋਸਲਾ ਅਫਜਾਈ ਕੀਤੀ ਜਿਸ ਲਈ ਤੁਹਾਡਾ ਦੋਵਾਂ ਦਾ ਬਹੁਤ ਬਹੁਤ ਸ਼ੁਕਰੀਆ ਜੀ।

ਜਿੳੁਂਦੇ ਵਸਦੇ ਰਹੋ ਜੀ।

Bakmal likheya sandeep ji.rishteyaan te zindagi di sachai nu jo darpan vakhaya tusi us layi bohhht vadayi de patar ho tusi.thanks for sharing

Navpreet G,thanks for taking time off for your
visit and sharing your views about this verse.