ਹੇ ਪਿਆਰੇ ਕਵੀ!
ਮੈਂ ਜਾਣਦਾ ਹਾਂ,
ਕਿ ਤੇਰੇ ਕਦਮਾਂ ਦਾ ਤਾਲ ਅਜੇ ਬਰਕਰਾਰ ਹੈ,
ਅਜੇ ਤੂੰ ਉੱਚੀਆਂ ਟੀਸੀਆਂ ਨੂੰ ਗਾਹ ਸਕਦਾ ਏਂ,
ਮਹਾਸਾਗਰਾਂ ਦੇ ਉਪਰ ਦੀ ਉਡਾਣ ਵੀ ਭਰ ਸਕਦਾ ਏਂ
...ਤੇਰੀ ਕਲਪਨਾ ਤੋਂ ਸੱਭ ਆਕਾਸ਼ ਨੀਵੇ ਨੇ
ਕਲਪਨਾ ਅਤੇ ਹਕੀਕਤ
ਤੇਰੇ ਵਿਸ਼ਾਲ ਹਿਰਦੇ ਦੀਆਂ ਬਰਕਤਾਂ ਹਨ
ਪਰ ਤੂੰ ਇਹ ਵੀ ਜਾਣਦਾ ਏਂ ਹੋਣੀਆਂ-ਅਣਹੋਣੀਆਂ
ਪੈਗ਼ੰਬਰਾਂ ਦੇ ਰਾਹ ਵੀ ਰੋਕ ਲੈਂਦੀਆਂ ਨੇ
ਮੰਜ਼ਿਲਾਂ ਦੇ ਪਾਸ ਖਲੋਤੇ ਯੋਧਿਆਂ ਨੂੰ ਮੂਧੇ ਮੂੰਹ ਡੇਗ ਦਿੰਦੀਆਂ ਨੇ
ਮੌਤ ਸ਼ਾਹ-ਰਗ਼ ਤੋਂ ਵੀ ਨੇੜੇ ਹੈ
ਇਸ ਗੱਲ ਦਾ ਵੀ ਖ਼ਿਆਲ ਰੱਖ!
ਤੂੰ ਜੇ ਲੰਮੀ ਜ਼ਿੰਦਗੀ ਪਾਉਣੀ ਹੈ
ਤਾਂ ਜਾ! ਲੋੜਵੰਦਾਂ ਦੀਆਂ ਅਸੀਸਾਂ 'ਚ ਵੱਸ
ਗ਼ਰੀਬਾਂ ਦੇ ਕੰਡਿਆਲੇ ਰਾਹਾਂ ਨੂੰ ਸਾਫ਼ ਕਰ.

Bahutkhoob........

lajwaab , tfs bittu ji

la-jwaab rachna g... .!