ਕਵਿਤਾ ਇਹਸਾਸ ਹੈ,

ਸਚਾਈ ਹੈ ਕਵਿਤਾ ,

ਮੇਰੀ ਜਾਂ ਤੁਹਾਡੀ ਸਚਾਈ |

ਕਵਿਤਾ ਖੁਸ਼ੀ ਹੈ ,

ਦੁਖਾਂ ਦਾ ਸਾਥ ਹੈ ਕਵਿਤਾ,

ਭਾਵਨਾਵਾਂ ਦੀ ਹੈ ਪਰਛਾਈ |

ਕਵਿਤਾ ਧਰਤੀ ਹੈ,

ਅਸਮਾਨ ਹੈ ਕਵਿਤਾ ,

ਸ਼ਬਦਾਂ ਦੀ ਹੈ ਗਹਿਰਾਈ |

ਕਵਿਤਾ ਮੰਦਿਰ ਹੈ,

ਗੁਰਦਵਾਰਾ ਤੇ ਮਸਜਿਦ ਹੈ ਕਵਿਤਾ,

ਏਕੋ-ਪ੍ਰਮਾਤਮਾ ਸੇ ਸਾੰਝ ਹੈ ਜੋ ਪਾਈ |

ਕਵਿਤਾ ਦਾ ਆਪਣਾ ਵਜੂਦ ਹੈ,

ਭਾਵਨਾਵਾਂ ਵਿਚ ਲਥ-ਪਥ ਹੈ ਕਵਿਤਾ,

ਨਾ ਕਰਨਾ ਅਪਮਾਨ ਇਸਦਾ ਹੈ ਅਰਜੋਈ |

ਮੇਰੇ ਲਈ ਕਵਿਤਾ ਇਹਸਾਸ ਦਾ ਸਾਗਰ ਹੈ,

ਕਿਸੇ ਲਈ ਤਕਨੀਕੀ ਆਕਾਰ ਹੈ ਕਵਿਤਾ ,

ਕਵਿਤਾ ਸਭ ਸਮਝਦੀ ਹੈ , ਜੋ ਸਮਝਾਵੇ ਸੋਈ |

~ ਤਨਵੀਰ ਸ਼ਰਮਾ ~

boht khoob tanveer.Keep writing !!!

thanks