ਜੇ ਮੈਂ ਕਵੀ ਹੁੰਦਾ

ਰੱਬ ਨਾਲ ਸ੍ਰਿਸ਼ਟੀ ਸਾਜਣ ਵਿਚ

ਹੱਥ ਵਟਾਉਂਦਾ

ਮਿੱਟੀ ਗੁੰਨ੍ਹਦਾ, ਸਬਦ ਪਥਦਾ

ਰੰਗ ਬਣਾ ਕੇ ਦਿੰਦਾ

ਤੇ ਜਦੋਂ ਉਹ ਥਕ ਜਾਦਾ

ਉਹਨੂੰ ਚਾਹ ਦਾ ਪਿਆਲਾ ਬਣਾ ਕੇ ਪੇਸ਼ ਕਰਦਾ

ਜੇ ਮੈਂ ਕਵੀ ਹੁੰਦਾ

ਉਸ ਲਈ ਸੁਪਨੇ ਸਾਜ ਸਾਜ ਧਰੀ ਜਾਂਦਾ

ਉਹਦੀਆਂ ਰਚੀਆਂ ਸੂਰਤਾਂ ਦੀ

ਸਿਫਤ ਕਰਦਾ

ਕਦੇ ਕਦੇ ਉਸਦੀ ਲਾਈ ਵਿੰਗ ਤੜਿੰਗੀ ਲੀਕ ਵੀ

ਸਹੀ ਕਰ ਦਿੰਦਾ

ਉਹਦੀ ਬਣਾਈ ਹਰ ਵਸਤ ਦੀ

ਕਵਿਤਾ ਕਰਦਾ

ਤੇ ਕੋਈ ਵੀ ਚੀਜ਼ ਗੁੰਗੀ ਨਾ ਰਹਿੰਦੀ

This is indeed a thing of beauty !

ਅਤਿ ਸੁੰਦਰ ਬਾਈ ਜੀ |