ਖ਼ਤਰਨਾਕ ਹੁੰਦਾ
ਸੁਪਨਿਆਂ ਦਾ ਮਰ ਜਾਣਾਂ
ਜ਼ਰ ਜਾਣਾ ਆਪਣੇ ਹੀ ਅੰਦਰ
ਹੋਈ ਆਪਣੀ ਮੌਤ ਨੂੰ
ਵੈਣਾਂ ਦਾ ਮੋਨ ਹੋ ਜਾਣਾ
ਅੱਥਰੂਆਂ ਦਾ ਅੱਖਾਂ ਤੱਕ
ਪਹੁੰਚਣ ਤੋ ਪਹਿਲਾ ਸੁੱਕ ਜਾਣਾ
ਕੱਕੇ ਰੇਤੇ ਵਰਗੇ ਹੋ ਜਾਣਾ
ਅਜ਼ਾਦ ਹੋ ਜਾਣਾ
ਪਾਣੀ ਦੀ ਜਕੜ ਤੋਂ
ਤੇ ਮੁਹਤਾਜ ਹੋ ਜਾਣਾ ਵਗਦੀ ਹਵਾ ਦੇ

ਖ਼ਤਰਨਾਕ ਹੁੰਦਾ ਹੈਂ
ਬੇਅਰਥ ਉਡੇ ਫਿਰਨਾ
ਪਤਝੜ ਦੇ ਪੱਤੇ ਵਾਂਗ
ਪੀਲੇ ਜ਼ਰਦ ਪੈ ਜਾਣਾ
ਤੇ ਥੋੜ੍ਹਾ ਥੋੜ੍ਹਾ ਭੁਰਦੇ ਰਹਿਣਾ

ਖ਼ਤਰਨਾਕ ਹੁੰਦਾ ਹੈ
ਕੱਚੇ ਘੜੇ ਦਾ ਟੁੱਟ ਜਾਣਾ
ਤੇ ਠਿੱਕਰਾ ਠਿੱਕਰਾ ਹੋ
ਰਾਹਾਂ ਚ ਰੁਲ
ਪੈਰ ਦੀ ਠੋਕਰਾਂ ਦੇ ਵੱਸ ਪੈ ਜਾਣਾ ~