ਹਾਂ....
ਮੈਨੂੰ ਪਤਾ
ਮੈਂ ਬਹੁਤੀ ਸੋਹਣੀ
ਨਹੀ ਆਂ.....

 

ਪਰ ਮੇਰੇ ਚਿਹਰੇ ਉੱਤੇ
ਮਾਪਿਆਂ ਦੇ ਦਿੱਤੇ
ਸੰਸਕਾਰਾਂ ਦਾ ਨੂਰ
ਜ਼ਰੂਰ ਡੁੱਲ ਡੁੱਲ ਪੈਂਦਾਂ ਏ...

 

ਹਾਂ... ਮੇਰਾ ਕੱਦ
ਆਮ ਜਿਹਾ ਹੀ ਹੈ
ਪਰ ਮੇਰੇ ਕਾਰਨ
ਘਰਦੇ ਜੀਆਂ ਦੇ
ਚਿਹਰੇ ਤੇ ਆਈ ਤੱਸਲੀ
ਮੇਰੇ ਕੱਦ ਨੂੰ ਗਿੱਠ ਉੱਚਿਆਂ
ਜ਼ਰੂਰ ਕਰ ਦਿੰਦੀ ਏ...

 

ਹਾਂ ...ਮੇਰੀ ਚਾਲ
ਮਿਰਗਾਂ ਜਿਹੀ ਨਹੀਂ ਹੈ
ਪਰ ਮੇਰੇ ਕਾਰਣ
ਪਿੰਡ ਦੀ ਸੱਥ ਵਿੱਚ
ਮੇਰੇ ਵੀਰ ਦੀ ਚਾਲ
ਜ਼ਰੂਰ ਮਾਣਮੱਤੀ ਹੋ ਜਾਂਦੀ ਏ ...

 

ਹਾਂ.... ਮੈਂਨੂੰ
ਅੱਜ ਦੇ ਮਾਹੌਲ ਵਾਂਗ
ਸਜਣਾਂ ਫੱਬਣਾ
ਨਹੀਂ ਆਉਂਦਾ
ਪਰ ਮੈਂ ਮਾਂ ਦੇ ਦੁੱਪਟੇ ਦੀ
ਸੁੱਚਮਤਾ ਨੂੰ ਸਾਂਭਣਾਂ
ਜ਼ਰੂਰ ਸਿੱਖਿਆ ਏ...

 

ਹਾਂ... ਮੇਰਾ ਰੰਗ
ਆਮ ਜਿਹਾ ਹੈ
ਪਰ ਘਰ ਦੇ
ਆਹਰ ਕਰਦਿਆਂ
ਮੱਥੇ ਉੱਤੇ ਆਇਆ ਪਸੀਨਾ
ਜਦ ਮੇਰੇ ਸਾਂਵਲੇ ਜਿਹੇ
ਰੰਗ ਦੇ ਸਾਹੀਂ ਘੁੱਲਦਾ ਏ
ਤਾਂ ਗੁਲਾਬਾਂ ਦੇ ਰੰਗ
ਜ਼ਰੂਰ ਫਿੱਕੇ ਪੈ ਜਾਂਦੇ ਨੇ...

 

ਹਾਂ ...ਮੈਂ
ਆਮ ਜਿਹੀ ਕੁੜੀ ਆ
ਸ਼ਾਇਦ ਇਸੇ ਲਈ
ਤੇਰੀ ਤੇ ਮੇਰੀ ਨਜ਼ਰ 'ਚ
ਸੁਹੱਪਣ ਦੇ ਅਰਥ ਵੀ
ਕੁੱਝ ਵੱਖਰੇ ਜਿਹੇ ਨੇ...

 

ਪਰ ਮੈਨੂੰ ਮਾਣ ਏ
ਉਨਾਂ ਰਿਸ਼ਤਿਆਂ
ਦੀ ਸੁੱਚਮਤਾ 'ਤੇ
ਜਿਹੜੇ ਸੂਰਤ ਨੂੰ ਨਹੀਂ

ਸੀਰਤ ਨੂੰ ਮੁੱਹਬਤ ਕਰਦੇ ਨੇ

 

 

ਹਰਪ੍ਰੀਤ  ਕੌਰ

Beautiful Poem Sir Ji . . . ae menu meri apni zindagi te adharit japdi hai . . .

 

TFS

 

ਬਿੱਟੂ ਬਾਈ ਜੀ, ਆਮ ਜਿਹੀ ਕੁੜੀ ਤੇ ਖਾਸ ਜਿਹੀ ਕਿਰਤ |ਵੰਡਰਫੁੱਲ ਚੋਣ, ਹਮੇਸ਼ਾ ਦੀ ਤਰਾਂ | ਬਹੁਤ ਹੀ ਸੁੰਦਰ ਰਚਨਾ ਜੀ |

ਸ਼ੇਅਰ ਕਰਨ ਲਈ ਧੰਨਵਾਦ !

ਰੱਬ ਰਾਖਾ ! 

 

Bitu y vadia kamm kita mehnat hoyi aa sohne zazbaat ukere ne
Afreeen kehan nu jee karda
Masha allah

Incredible piece of writing ! TFS Bittu Sir

bahut sohna likhya hai g,,.....ultimate work......

bittu g thank u so much share krn li eni sohni shayri nu....

 

kuch shabad is nimaani di kalam to....

 

bhul chukk maaf

 

 

"ਕੁੜੀ ਤੇ ਬਹੁਤ ਆਮ ਜਿਹੀ ਸੀ ਮੈਂ ਪਰ ਲੋਕਾਂ ਨੇ ਖਾਸ ਬਣਾ ਦਿਤੀ...

 

 ਅਸਲਿਯਤ ਵਿਚ ਤਾ ਇਜ਼ਤਾਂ ਲੁਟਦੇ ਨੇ ਤੇ ਗੱਲਾਂ ਚ ਪਵਿਤਰ ਏਹਸਾਸ ਬਣਾ ਦਿਤੀ...

 

 ਇਹ ਗਿਪ੍ਪੀ , ਹਨੀ ਸਿੰਘ ਵਰਗਿਆ ਦੀ ਮੇਹਰਬਾਨੀ ਆ ,

 

 ਕੁੜੀ ਪੰਜਾਬ ਦੀ ਤਾ ਬਸ ਇਕ ਇਤਿਹਾਸ ਬਣਾ ਦਿਤੀ...

 

 ਖੁਰਚ ਖੁਰਚ ਕੇ "ਨਵੀ" ਦੇ ਜ਼ਖਮਾ ਨੂ ਦੁਨਿਯਾ ਨੇ ਜਿਉਂਦੀ ਜਾਗਦੀ ਇਕ ਲਾਸ਼ ਬਣਾ ਦਿਤੀ....

 

 ਵਲੋਂ - ਨਵਨੀਤ ਕੌਰ (ਨਵੀ)...