ਮੈਂ ਝੂਠ ਨਹੀਂ ਬੋਲਦਾ..

ਤੇ ਮੈਨੂੰ ਭਰਮ ਵੀ ਕੋਈ ਨਹੀਂ ਹੁੰਦੇ..

ਹਾਂ ਇਹ ਸਚ ਹੈ...

ਕਿ ਅੱਜ-ਕੱਲ੍ਹ ਮੈਨੂੰ ..

ਲਾਸ਼ਾਂ ਦਿਸਦੀਆਂ ਨੇ...

ਇਧਰ -ਉਧਰ ਹਰ ਥਾਂ.....

ਸੜਕਾਂ ਤੇ ਬਜ਼ਾਰਾਂ ਚ ਹੀ ਨਹੀਂ....

ਮੇਰੇ ਘਰ ਦੇ ਬਗੀਚੇ ...

ਤੇ ਸ਼ੀਸ਼ਿਆਂ ਵਿਚ ਵੀ...

ਸਵੇਰੇ ਉਠਦਿਆਂ ਹੀ..

ਮੇਰੇ ਮੋਢਿਆਂ ਤੇ ਲਟਕ ਰਹੇ ਹੁੰਦੇ ਨੇ..

ਅਣ -ਗਿਣਤ ਮੁਰਦੇ ਤੇ ਕਫਨ...

ਕੋਈ-ਕੋਈ ਸਹਿਕ ਵੀ ਰਿਹਾ ਹੁੰਦਾ ਹੈ....

ਪਰ ਇਥੇ ਤਾਂ ਸਾਹ ਜਿਓਂਦੇ ਆਦਮੀ ਨੂੰ ਨਹੀਂ ਆਉਂਦਾ...

ਮੁਰਦੇ ਤਾਂ ਫਿਰ ਬਹੁਤ ਪਿਛੇ ਨੇ...

ਵਕ਼ਤ ਦੀ ਕਤਾਰ ਵਿਚ..

ਤੁਹਾਨੂੰ ਲੱਗਣਾ ਮੈਂ ਪਾਗਲ ਹਾਂ....

ਜਾਂ ਕੁਝ-ਕੁਝ ਹੋ ਰਿਹਾ ਹਾਂ.....

ਪਰ ਇਹ ਸਚ ਹੈ ਕਿ ...

ਚੌਗਿਰਦੇ ਵਿਚ ਭਰਮਾਰ ਹੈ....

ਲਾਸ਼ਾਂ ਦੀ,ਮੁਰਦਿਆਂ ਦੀ...

ਮੇਰੇ ਹੀ ਨਹੀਂ..

ਪਤਾ ਨਹੀਂ ਕਿਸ-ਕਿਸ ਦੇ...

ਚਾਵਾਂ ਤੇ ਸੁਪਨਿਆਂ ਦੀਆਂ ਲਾਸ਼ਾਂ ..

ਇਥੇ ਹੀ ਨੇ......

ਇਨਾਂ ਦੀ ਮੁਕਤੀ ਸ਼ਾਇਦ  ਕਦੀ ਨਹੀਂ ਹੋਣੀ...

ਕਿਓਂਕਿ ਸਧਰਾਂ ਦੀ ਮੌਤ ਤੇ ਵੀ ਕਦੀ ਭਲਾ...

 ਕਿਸੇ ਨੇ ਪਾਠ ਦੇ ਭੋਗ ਪਾਏ ਨੇ......

ਜਾਂ ਫਿਰ ਰਸਮ -ਕਿਰਿਆ.....

ਹਵਾ ਵਿਚ ਇਹ ਜੋ ਅਜੀਬ ਕਿਸਮ ਦੀ ਗੰਧ ਹੈ......

ਤੁਸੀਂ ਮੰਨੋ ਜਾਂ ਨਾ ਮੰਨੋ..

ਇਹ ਓਹੀ ਹੈ...

ਲਾਵਾਰਿਸ ਸੁਪਨਿਆਂ ਦੀਆਂ..

ਲਾਵਾਰਿਸ ਲਾਸ਼ਾਂ.....

ਬਦਬੂ  ਮਾਰਦੀਆਂ ਤੇ ਬਦ-ਸ਼ਕਲ....

ਜਿਨਾਂ ਤੋਂ ਅਸੀਂ-ਤੁਸੀਂ ਅਕਸਰ.....

ਮੂੰਹ ਪਾਸੇ ਕਰਕੇ ਲੰਘ ਜਾਂਦੇ ਹਾਂ....

ਤੁਸੀਂ ਬੇਸ਼ਕ ਯਕੀਨ ਨਾ ਕਰੋ..

ਪਰ ਇਹ ਸਚ ਹੈ...

ਮੈਨੂੰ ਲਾਸ਼ਾਂ ਦਿਸਦੀਆਂ ਨੇ.....

ਕੁਕਨੂਸ

੧੫-੦੭-੨੦੧੧

ਹੋਰ ਕੁਸ਼ ਕਹਿਣ ਦੀ ਜਗ੍ਹਾ ਮੈਂ ਤੇ ਬੱਸ ਇਹੀ ਕਹਾਂਗਾ ਕਿ "ਤੁਹਾਡੇ ਸੋਚਣ ਦੇ ਢੰਗ ਨੂੰ ਤੇ ਤੁਹਾਡੀ ਕਲਮ ਨੂੰ ਸਲਾਮ ਏ ਕੁਕਨੂਸ"...

ਕਿਓਂਕਿ ਸਧਰਾਂ ਦੀ ਮੌਤ ਤੇ ਵੀ ਕਦੀ ਭਲਾ...
ਕਿਸੇ ਨੇ ਪਾਠ ਦੇ ਭੋਗ ਪਾਏ ਨੇ......

ਬਿਲਕੁਲ ਸਹੀ ਲਿਖਿਆ...ਜਦੋਂ ਅਸੀਂ ਸਭ ਕੁਝ ਹੁੰਦਾ-ਸੁੰਦਾ ਵੇਖ ਕੁਝ ਨਹੀਂ ਬੋਲਦੇ ਤਾਂ ਅਸੀਂ ਲਾਸ਼ ਬਣ ਜਾਂਦੇ ਹਾਂ ।

so nice...

 thanks for sharing ...

sochan te majboor.... ki tuhanu ki comment likhan .... so nice writing ....

ajj de smeh de jo manukhi hallat nu tuci shabda rahi sanjeev kita a.... bahut hi vadia....

tfs.

ਪਗਡੰਡੀ ਅਤੇ ਮੀਲ-ਪੱਥਰਾਂ ਵਾਲੀ ਸ਼ਾਹਰਾਹ ਦਾ ਜਿਤਨਾ ਕੁ ਅੰਤਰ ਹੁੰਦਾ ਹੈ ਸ਼ਾਇਦ ਓਨਾ ਕੁ ਫ਼ਰਕ ਹੀ ਹੁੰਦਾ ਹੈ ਜਿਓਣ ਤੇ ਪਲਣ ਦਾ। ਸਾਹਾਂ ਦੀ ਆਵਾਗੌਣ ਨਿਸ਼ਚਿਤ ਰੂਪ ਵਿੱਚ ਜਿਓਣਾ ਨਹੀਂ ਹੈ, ਹਾਂ, ਜਿਓਣ ਦਾ ਭੁਲੇਖਾ ਜ਼ਰੂਰ ਹੈ। ਬੰਦੇ ਦੇ ਜਿਓਣ ਲਈ ਵਰ੍ਹਿਆਂ ਦੀ ਗਿਣਤੀ ਜ਼ਰੂਰੀ ਨਹੀਂ ਕਿ ਓਹ ਕਿੰਨੇ ਵਰ੍ਹੇ ਜੀਵੇ; ਹਾਂ, ਕਿਸ ਮਕਸਦ ਲਈ ਕੌਣ ਜੀਵਿਆ ਇਹ ਗੱਲ ਜ਼ਰੂਰ ਸੋਚੀ ਵਿਚਾਰੀ ਜਾਂਦੀ ਹੈ। ਜਿਓਂਦੀਆਂ ਜ਼ਮੀਰਾਂ ਦੀ ਦਰਗਾਹ ਵਿੱਚ ਕੱਚ, ਕਣੀ ਅਤੇ ਹੀਰੇ ਦਾ ਮੁੱਲ, ਜੇ ਪੈਂਦਾ ਹੈ ਤਾਂ ਏਸੇ ਮਕਸਦ ਦੇ ਫਰਕ ਨਾਲ ਹੀ ਪੈਂਦਾ ਹੈ। ਪਲਣ ਵਾਲੇ ਤਾਂ ਅਰਬਾਂ-ਖਰਬਾਂ ਹਨ ਇਹਨਾਂ ਅਰਬਾਂ-ਖਰਬਾਂ ਵਿੱਚੋਂ ਜਿਓਣ ਵਾਲੇ ਸੈਂਕੜਿਆਂ ਵਿੱਚ ਵੀ ਸ਼ਾਇਦ ਹੋਣ।ਅਮਰ ਹੋਣ ਵਾਲੇ ਤਾਂ ਉਂਗਲਾਂ ਤੇ ਹੀ ਗਿਣੇ ਜਾ ਸਕਦੇ ਹਨ।

too good Kuk...

once again bahut sohne khulle vichar ate harik da haal-e-dil bya kita e.. 

keep rocking 

too good.................sach he likhya hai tusi ...........sach likhna harik de vas di gal nahi hai ji..................likhan lai thanks ....samaj nahi aaondi kis tra tareef kara.....