ਲਿਖ ਲੈਣ ਦੇ ਨੀ ਮਾਏਂ ,

ਦੱਸ ਲੈਣ ਦੇ ਨੀ ਮਾਏਂ ,

ਅਜ ਦੀ ਨਾਰੀ ਕਮਜ਼ੋਰ ਨਹੀ ,

ਅਜ ਦੀ ਔਰਤ ਸ਼ਕਤੀਸ਼ਾਲੀ ਏ ,

ਮੋਢੇ ਨਾਲ ਮੋਢਾ ਜੋੜ ਤੁਰ ਸਕਦੀ ਏ,

ਹਰ ਕਦਮ ਹਰ ਰਾਹ ਤੇ ,

ਕਹਿ ਲੈਣ ਦੇ ਨੀ ਮਾਏਂ ,

ਨਾ ਚੁਪ ਰਹਨ ਦੇ ਨੀ ਮਾਏਂ,

ਹੁਣ ਮਰਦ ਦੇ ਪੈਰ ਦੀ ਜੁੱਤੀ ਨਹੀ,

ਸਿਰ ਦਾ ਤਾਜ਼ ਅਖਵਾਵਾਂਗੀ,

ਹਰ ਖੇਤਰ ਵਿਚ ਮਰਦਾਂ ਦੇ ਨਾਲ ਚਲਕੇ ਵਿਖਾਵਾਂਗੀ,

ਅਜ ਮੈਨੂੰ ਹਰ ਸਚ ਕਹ ਲੈਣ ਦੇ ਨੀ ਮਾਏਂ,

ਸਹਿਨਸ਼ੀਲਤਾ ਵਾਲੀ ਪਿਟਾਰੀ ਖੋਲ ਲੈਣ ਦੇ ਨੀ ਮਾਏਂ,

ਨਹੀ ਬਣਾਂਗੀ ਬੋਜ ਬਾਬਲ ਤੇ ,

ਐਨਾ ਪੜ੍ਹ ਲਿਖ ਕੇ ਆਪਣੇ ਪੈਰੀਂ ਖੜ੍ਹ ਜਾਵਾਂਗੀ,

ਦਾਜ ਦੇ ਲੋਹ੍ਭੀਆਂ ਦੇ ਹੇਠ ਕਦੇ ਨਾ ਆਵਾਂਗੀ,

ਓਹਨਾ ਤੋਂ ਕੋਹਾਂ ਦੂਰ ਰਹਾਂਗੀ ਸਦਾ ,

ਜਿਹਨਾ ਦਾਜਾਂ ਵਾਸਤੇ ਜ਼ਮੀਰ ਆਪਣਾ ਗਿਰਾਇਆ ਏ,

ਡਟ ਕੇ ਸਾਹਮਣਾ ਕਰਾਂਗੀ ਓਹਨਾ ਕਮਜਾਤ ਮਰਦਾਂ ਦੀ,

ਜਿਹਨਾ ਔਰਤ ਦਾ ਨਾਮ ਮਿੱਟੀ ਵਿਚ ਰੁਲਾਇਆ ਏ,

ਜਿਹਨਾ ਆਪਣੀ ਹਵਸ ਲਈ ਬੇਇਜਤੀ ਦੀ ਸੂਲੀ ਚੜਾਇਆ ਏ,

ਨਹੀਂ ਮਾਏਂ ਅਜ ਨਾ ਰੋਕੀਂ ਮੈਨੂ,

ਦੱਸ ਲੈਣ ਦੇ ਇਸ ਜਗ ਨੂੰ ,

ਕਿ ਕਮਜ਼ੋਰ ਨਹੀਂ ਏ ਅੱਜ ਦੀ ਨਾਰੀ,

ਸ਼ਕਤੀ ਨਾਲ ਭਰਪੂਰ ਹੈ ਅੱਜ ਦੀ ਔਰਤ,

ਲੋੜ ਪੈਣ ਤੇ ਬਸ ਚੰਡੀ ਅਖਵਾਵਾਂਗੀ,

ਹਰ ਕਦਮ ਸੰਗ ਮਰਦਾਂ ਦੇ ਚਲਦੀ ਜਾਵਾਂਗੀ,

ਨਹੀ ਕਮਜੋਰ ਅੱਜ ਦੀ ਨਾਰੀ...

 

~ ਤਨਵੀਰ ਸ਼ਰਮਾ ~

 

 

Kya baat hai.

thank you friends.

GR8 Tanveer JI

thank you sir.

ਨਾਰੀ ਦਿਵਸ ਤੇ  ਲਾਜਵਾਬ ਤੋਹਫ਼ਾ........