ਅੱਜ ਹੋਗੀ ਇਕ ਹੋਰ ਸਵੇਰ ਨੀ , ਮੈ ਲਿਆ ਸ਼ਿੜਕ ਪਾਣੀ ਪੱਗ ਤੇ ਨਾ ਲਾਈ ਦੇਰ ਨੀ
ਪਰ ਹੋਵੇ ਜੇ ਤੂੰ ਨਾਲ ਮੇਰੇ ਪੱਗ ਤੂੰ ਬਨਾਵੇਂ ਮੈ ਕੇਹਾ ਆਊਗਾ ਸਵਾਦ ਫੇਰ ਨੀ
ਅਜੇ ਤਾਂ ਖਿੜਕੀ ਦੇ ਸਰੀਏ ਨਾਲ ਪੱਲਾ ਬੰਨਕੇ ਨਿੱਤ ਕਰਨੀ ਪੇਂਦੀ ਏ ਪੂਣੀ ਪੱਗ ਦੀ
ਗੋਰੇ ਹਥਾਂ ਨਾਲ ਕਰਾਉਣੀ ਜਦੋਂ ਤੂੰ ਪੂਣੀ ਲਊਂ ਘੁੱਟ ਕੇ ਸੀਨੇ ਨਾਲ ਲਾ ਸੁੰਹ ਰੱਬ ਦੀ

ਸ਼ੁਰੂ ਕਰੂੰਗਾ ਮੈ ਪੱਗ ਫੇਰ ਤੇਰੇ ਹਥ'ਆਂ ਵਾਲਾ ਲੜ੍ਹ ਬੁੱਲਾਂ ਵਿਚ ਫੜ੍ਹ ਕੇ
ਜੀਹਨਾ ਉੱਤੇ ਸ਼ਿੰਗਾਰੀ ਮੇਹੰਦੀ ਤੂੰ ਫੁੱਲ ਬੂਟੀਆਂ ਦੇ ਡਿਜ਼ਾਇਨ ਜੜਕੇ
ਪੁਛਦੀ ਰਿਹੰਦੀ ਸੀ ਕਿਵੇਂ ਬੰਨਦਾ ਮੈ ਪੱਗ ਵੇਖਲੀ ਹੁਣ ਇਹ ਕਿਵੇ ਸਿਰ ਤੇ ਸੱਜ ਦੀ
ਗੋਰੇ ਹਥਾਂ ਨਾਲ ਕਰਾਉਣੀ ਜਦੋਂ ਤੂੰ ਪੂਣੀ ਲਊਂ ਘੁੱਟ ਕੇ ਸੀਨੇ ਨਾਲ ਲਾ ਸੁੰਹ ਰੱਬ ਦੀ

ਫੇਰ ਬਨੂੰਗਾ ਮੈ ਪੱਗ ਤੇਨੂ ਸਾਹਮਣੇ ਖੜੀ ਲੇਣਾ ਮੈ ਕਰ ਨੀ
ਤੇਰੀਆਂ ਬਲੌਰੀ ਅੱਖਾਂ ਵਿਚ ਦੇਖਕੇ ਚਿੰਨਣਾ ਮੈ ਕੱਲਾ ਕੱਲਾ ਲੜ ਨੀ
ਲਾਕੇ ਨੀ ਪਿੰਨ ਤੇਨੂੰ ਦਸੂ ਮੈ ਰਕਾਨੇ ਕਿਵੇਂ ਪੱਗ ਤੇ ਸ਼ੌਕੀਨੀ ਲੱਗ ਦੀ
ਗੋਰੇ ਹਥਾਂ ਨਾਲ ਕਰਾਉਣੀ ਜਦੋਂ ਤੂੰ ਪੂਣੀ ਲਊਂ ਘੁੱਟ ਕੇ ਸੀਨੇ ਨਾਲ ਲਾ ਸੁੰਹ ਰੱਬ ਦੀ

ਸੋਹਣੀ ਬੜੀ ਲੱਗੇ ਜਦ ਲੈਕੇ ਤੂੰ ਬਾਜ, ਪੇਚ ਮੇਰੀ ਪੱਗ ਦੇ ਸਾਫ਼ ਕਰਦੀ
ਗਲ ਬਣਜੇ ਮੇਰੇ ਨਾਲ ਖੜੇ ਜਦ ਤੂੰ ਸਿਰ ਤੇ ਲੈ ਚੁੰਨੀ ਮੇਰੀ ਪੱਗ ਵਰਗੀ
ਬੱਸ ਇਹੀ ਮੁਰਾਦ ਵਿਰਕ ਕਰਦਾ ਏ ਫਰਿਆਦ ਓਹਦੇ ਅੱਗੇ ਜੋ ਸੁਣਦਾ ਏ ਸਬ ਦੀ
ਗੋਰੇ ਹਥਾਂ ਨਾਲ ਕਰਾਉਣੀ ਜਦੋਂ ਤੂੰ ਪੂਣੀ ਲਊਂ ਘੁੱਟ ਕੇ ਸੀਨੇ ਨਾਲ ਲਾ ਸੁੰਹ ਰੱਬ ਦੀ

ਲਿਖਤ : ਸਹਿਜ ਵਿਰਕ

ਵੀਰ .....ਸੋਹਣਾ ਲਿਖਿਆ ਹੈ ਤੁਸੀਂ ...ਪਰ ਇਥੇ ਵੀ ਓਹੀ ਪੋਬਲਮ ਹੈ ....ਚੰਗੀ ਤਰਾਂ ਨਾਲ ਸਮਝ ਨਹੀ ਆ ਰਿਹਾ ....ਚਲੋ ਮੈਂ ਕੋਸ਼ਿਸ਼ ਕਰਦਾ ਹਾ.......