ਹੇ ਰਾਮ!
ਮੈਨੂੰ ਵੀ ਤੇਰੇ ਵਾਂਗ
ਘਰੋਂ ਬੇਘਰ ਹੋ ਕੇ ਦਰ ਦਰ
ਭਟਕਣਾ ਪਿਆ ਸੀ।
ਇਨਾਂ ਲੰਬਾ ਬਨਵਾਸ
ਪਤਾ ਨਹੀਂ ਕਿਹੜੇ ਕਿਹੜੇ
ਗੁਆਚੇ ਰਿਸ਼ਤਿਆਂ ਦੀ ਭਾਲ਼ ਵਿਚ
---
ਜਦ ਬਨਵਾਸ ਤੋਂ ਵਾਪਿਸ ਪਰਤੀ
ਨਾ ਮਾਂ ਲੱਭੀ ਨਾ ਬਾਪ,
ਫੇਰ ਮੈਂ ਆਪ ਹੀ ਬਨਵਾਸ ਲੈ ਬੈਠੀ ਸਾਂ
ਪਰਤਣ ਦੇ ਖ਼ਿਆਲ ਨੂੰ ਪਰੇ ਕਰ ਕੇ।
ਉਮਰੋ ਲੰਬੀਆਂ ਪੀੜਾਂ ਲੈ ਕੇ
ਜੰਮਦੀ ਹੋਵੇਗੀ ਉਹ ਧੀ
ਜਿਸ ਦੇ ਜੰਮਣ ਵੇਲ਼ੇ
ਪੁੱਤਰ ਦੀ ਉਮੀਦ ਹੁੰਦੀ ਹੈ ਮਾਂ ਨੂੰ।
ਪੀੜ ਕਿ ਝੱਲੀ ਨਹੀਂ ਜਾਂਦੀ
ਸਾਰੇ ਪਾਸੇ ਮੌਤ ਵਰਗੀ ਸੁੰਨ
---
ਇਹ ਸੋਚ ਕੇ ਅੱਜ ਵੀ
ਮੈਂ ਘਬਰਾਂਦੀ ਆਂ
ਇਹ ਘਰ ਮੇਰਾ ਏ ਕਿ ਨਹੀ?
ਬੱਸ ਮਹਿਮਾਨ ਹੀ ਹਾਂ ਮੈਂ?
ਪਰ ਕਿਵੇਂ ਭੁਲਾਵਾਂ ਮੈਂ ਮਾਂ?
ਜਦੋਂ ਤੂੰ ਮੇਰਾ ਚਿਹਰਾ ਤੱਕਦਿਆਂ
ਉਦਾਸ ਹੋ ਕੇ ਆਖਿਆ ਸੀ,
ਮਰ ਜਾਣੀਏ! –
ਕਿੰਨਾ ਚੰਗਾ ਹੁੰਦਾ
ਜੇ ਮੁੰਡਾ ਬਣ ਕੇ ਆਉਂਦੀਓਂ !
---
ਪਿਛਲੇ ਕਮਰੇ ਵਿਚ ਰੱਖੀਆਂ
ਸ਼ਰਾਬ ਦੀਆਂ ਬੋਤਲਾਂ
ਲੁਕੋ ਛੱਡੀਆਂ ਸਨ
ਮਠਿਆਈ ਵਾਲ਼ੇ ਨੂੰ ਦਿੱਤਾ
ਆਰਡਰ ਵੀ ਤੇ
ਕੈਂਸਲ ਕਰ ਦਿਤਾ ਸੀ
ਤੂੰ ਕੁੱਝ ਵੀ ਨਹੀਂ ਸੀ ਬੋਲੀ
---
ਦਾਦੀ ਕਿੰਨੇ ਦਿਨ
ਸੋਗ ਮਨਾਂਦੀ ਰਹੀ ਸੀ
ਲੈ ਫੇਰ ਆ ਗਿਆ ਪੱਥਰ
ਇਸ ਵਾਰ ਡਾਕਟਰ ਨੇ
ਪੂਰੀ ਉਮੀਦ ਦਿੱਤੀ ਸੀ
---
ਪੁੱਤਰ ਹੀ ਹੋਵੇਗਾ
ਨਾਲ਼ੇ ਤੂੰ
ਸੰਤਾਂ ਕੋਲੋਂ ਦਵਾਈ ਵੀ ਤੇ
ਲਈ ਸੀ ਨਾ ਮਾਂ?
ਮੈਂ ਤੇਰੀ ਝੋਲ਼ੀ ਵਿਚ
ਲੇਟੀ ਤੱਕ ਰਹੀ ਸਾਂ
ਤੂੰ ਮੇਰੇ ਚਿਹਰੇ ਵਿਚੋਂ
ਉਸ ਪੁੱਤਰ ਦਾ
ਚਿਹਰਾ ਲੱਭਦੀ
ਤੇ ਫੇਰ ਉਦਾਸ ਹੋ ਕੇ
ਇਹੋ ਆਖਦੀ
ਮਰ ਜਾਣੀਏ !
ਕਿੰਨਾ ਚੰਗਾ ਹੁੰਦਾ
ਜੇ ਮੁੰਡਾ ਬਣ ਕੇ ਆਉਂਦੀਓਂ!
ਤੂੰ ਤੇ ਮੈਨੂੰ
ਦੁੱਧ ਵੀ ਉਧਾਰਾ ਦਿਤਾ ਸੀ ਮਾਂ
ਜੋ ਮੇਰੇ ਹਿੱਸੇ ਦਾ ਨਹੀਂ ਸੀ
ਉਸ ਪੁੱਤਰ ਦੇ ਹਿੱਸੇ ਦਾ ਸੀ
ਜਿਸ ਦੀ ਤੈਨੂੰ ਉਡੀਕ ਸੀ
---
ਤੈਨੂੰ ਪਤੈ ਮਾਂ!
ਤੇਰੀ ਛਾਤੀ ਚੋਂ ਦੁੱਧ ਨਹੀਂ
ਜ਼ਹਿਰ ਵਗਿਆ ਸੀ.
ਉਮਰਾਂ ਜਿੱਡਾ ਦਰਦ ਤੂੰ
ਮੇਰੀ ਝੋਲ਼ੀ ਵਿਚ ਪਾਇਆ ਹੈ ਮਾਂ!
---
ਅੱਜ ਵਰ੍ਹਿਆਂ ਮਗਰੋਂ ਮੇਰੇ ਘਰ
ਮੇਰੀ ਧੀ ਨੇ ਜਨਮ ਲਿਆ ਹੈ
ਮੈਂ ੳਸਨੂੰ ਆਪ ਮੰਗ ਕੇ ਲਿਐ ਮਾਂ
ਜੀਉਂਣ ਜੋਗੀਏ !
ਕਿਥੇ ਸੈਂ ਇੰਨੀ ਦੇਰ!
ਮੇਰੀਆਂ ਤੇ
ਅੱਖੀਆਂ ਪੱਕ ਗਈਆਂ ਸਨ
ਤੈਨੂੰ ਉਡੀਕਦੇ ਉਡੀਕਦੇ
ਇਸ ਸੰਤਾਪ ਨੂੰ ਹੰਢਾਇਆ ਏ ਮੈਂ ਮਾਂ!
---
ਮੈਂ ਜਦ ਵੀ
ਆਪਣੀ ਧੀ ਵੱਲ ਤੱਕਦੀ ਆਂ
ਇਹੀ ਆਖਦੀ ਆਂ ਮਾਂ!
ਸ਼ੁਕਰ ਏ ਧੀ ਬਣ ਕੇ ਆਈ ਏਂ
ਮੇਰੇ ਘਰ ਖੁਸ਼ੀਆਂ ਲਿਆਈ ਏਂ
ਮੈਂ ਬਨਵਾਸੋਂ ਮੁੜ ਆਈ ਆਂ
ਉਹ ਬਨਵਾਸ ਜੋ
ਤੂੰ.....
ਮੈਨੂੰ....
ਏਨੇ ਵ੍ਹਰੇ ਦਾ ਦਿੱਤਾ ਸੀ।
ਮਾਂ!
ਮੈਂ ਬਨਵਾਸੋਂ ਮੁੜ ਆਈ ਆਂ!
ਮੈਂ ਬਨਵਾਸੋਂ ਮੁੜ ਆਈ ਆਂ!!

eh ਨੀਟਾ ਬਲਵਿੰਦਰ ਜੀ di likhat hai g

sorry dosto main naam likhna bhul geya c pehlan......................

bahut hi wadiya veer ji...ik korha sach sade samaaj da...thanks for sharing

Thanks Harjit ji for sharing...

vakay he ik kauda sach hai.. par nalo naal ik dhee di pukar jo agli peedi vichon us dard nu mita dena chahundi hai jo usne aap handaya hai...

great creation ... !!!

ultimate creation..!!

ajj de samaj di sachayai hai jo jhuthlayi nhi ja sakdi...parmata ohna lokan nu sumatt bakhshan jo dheeyan nu kukhan vich maaran da gunaah krde han...

thankx a lot for sharing here

tks a lot surjit g, kuljeet g n simreet g...............

saade sareya walon neeta balwinder g nu bahut bahut dhanwaad ate mubarkaan ena wadhia likhan layi........rabb mehar kare sada

Boht khoob ! dhanwad share karn lai ! Behtar hai ki shaair da naam shuru karn ton pahilan uppar likhia jave :)