ਬੁਲੀਂ ਹਾਸਾ, ਚੇਹਰੇ ਰੋਣਕ
ਦਿਲ ਵਿਚ ਬੜੀ ਊਦਾਸੀ ਏ
ਮੈਂ ਓਹ ਮਛਲੀ ਜੇਹੜੀ ਸਾਗਰ
ਅੰਦਰ ਬੜੀ ਪਿਆਸੀ ਏ

ਮੇਲੇ ਰੰਗ ਨਾ ਮੈਨੂ ਭਾਉਂਦੇ
ਹਰ ਪਲ ਤੇਰੀ ਯਾਦ ਦਵਾਉਂਦੇ
ਮੈਨੂ ਭਾਲ ਫਕੀਰਾ ਤੇਰੀ
ਕਿਥੇ ਤੇਰੀ ਵਾਸੀ ਏ
ਮੈਂ ਓਹ ਮਛਲੀ ...

ਕੇਹੜੇ ਕਾਗ ਖਿਲਾਵਾ ਚੂਰੀ
ਨਾ ਮੈਂ ਮਿਰਗ, ਨਾ ਕੋਈ ਕਸਤੂਰੀ
ਮੁਕਤੀ ਘਰ ਦੇ ਬੰਦ ਦਰਵਾਜੇ
ਮੇਰੀ ਜੂਨ ਚੁਰਾਸੀ ਏ
ਮੈਂ ਓਹ ਮਛਲੀ .....

ਭਰਦੀ ਨਾ ਹੀ ਦਿਲ ਦੀ ਗਾਗਰ
ਪੀ ਚੁਕਿਆ ਭਾਵੇਂ ਸਾਰਾ ਸਾਗਰ
ਘਟਦੀ ਨਾ ਹੀ ਮੇਰੀ ਦੂਰੀ
ਮੇਰੀ ਕਦੋਂ ਖਲਾਸੀ ਏ
ਮੈਂ ਓਹ ਮਛਲੀ .....

wow....

words muk gaye ne... hor ki kahaan... bakamaal !!!

ਬਹੁਤ ਬਹੁਤ ਧਨਵਾਦ ਕੁਲਜੀਤ ਜੀ।

sachmuch words mukk gye...bahut hi sohna likheya...great piece of work !!!!!!