ਬੜੇ ਮਾਸੂਮ ਨੇ ਬੱਚੇ

ਰੰਗਾਂ ਨਾਲ ਖੇਡਦੇ ਹੋਏ

ਵੱਖ-ਵੱਖ ਰੰਗਾਂ ਵਿੱਚ ਲਿਬੜੇ

ਇੱਕ ਹੀ ਰੰਗ ਜਾਪਦੇ ਨੇ,

ਨਿਰਛਲ ਚਿਹਰਿਆਂ ਵਾਲੇ

ਅੰਦਰੋਂ ਬਾਹਰੋਂ ਇੱਕੋ ਜਿਹੇ

ਰੰਗਾਂ-ਧਰਮਾਂ-ਜਾਤਾਂ ਤੇ ਜਮਾਤਾਂ

ਦੀ ਹੋਂਦ ਤੋਂ ਬੇਪਛਾਣ

ਪਰ ਹੌਲੀ-ਹੌਲੀ ਸਮੇਂ ਦੀ ਵਾਛੜ ਨਾਲ

ਸਲਾਬ ਚੜ ਜਾਂਦੀ ਹੈ ਉਨ੍ਹਾਂ 'ਤੇ

ਸਮਾਜ ਤੇ ਫਰਜ਼ਾਂ ਦੇ ਰੰਗਾਂ ਦੀ...

         ...

ਬਿਨਾ ਰੰਗਾਂ ਤੋਂ ਵੀ

ਅੰਦਰੋਂ ਕਿੰਨੇ ਰੰਗੀਨ ਜਾਪਦੇ ਜਵਾਨ

ਇੱਕੋ ਜਿਹੇ ਗੂੜੇ-ਗੂੜੇ

ਰੰਗਾਂ ਦੀ ਭੀੜ ਵਿੱਚੋਂ

ਸਹਿਜੇ ਹੀ ਪਛਾਣੇ ਜਾਂਦੇ ਨੇ...

ਤੇ ਇਹ ਜਵਾਨ ਅਕਸਰ ਹੀ

ਬੱਚਿਆਂ ਦੇ ਮਾਸੂਮ ਚਿਹਰਿਆਂ

ਤੇ ਏਕਤਾ ਦੇ ਰੰਗਾਂ ਤੋਂ

ਨਕਲੀ ਮੁਖੌਟਿਆਂ

ਤੇ ਵਰਗਾਂ ਦੇ ਵਿਭਿੰਨ ਰੰਗਾਂ ਵਿੱਚ

ਹੋ ਜਾਂਦੇ ਨੇ ਪਰਿਵਰਤਤ...

ਬਾਹਰੋਂ ਇੱਕ ਰੰਗੇ ਜਾਪਣ

ਪਰ ਅੰਦਰੋਂ

ਵੱਖ-ਵੱਖ ਕਿਰਦਾਰਾਂ ਦਾ

ਰੋਲ ਅਦਾ ਕਰਦੇ ਹੋਏ

ਜ਼ਿੰਦਗੀ ਦੇ ਨਾਟਕ ਦਾ

ਸਿਖਰ ਹੋ ਨਿਬੜਦੇ ਨੇ...

       ...

ਰੰਗਾਂ ਦੀ ਇੱਛਾ ਤੋਂ

ਮੁਕਤ ਹੋ ਚੁੱਕਾ ਬੁਢਾਪਾ

ਬਾਹਰੋਂ ਰੰਗਿਆ ਹੋਇਆ ਵੀ

ਅੰਦਰੋਂ ਕਿੰਨਾ ਬੇਰੰਗ ਹੁੰਦਾ...

ਰੰਗਾਂ ਵਰਗੇ ਬੱਚੇ ਹੀ ਹੁੰਦੇ ਨੇ

ਉਸਦੀ ਰਹਿੰਦੀ ਜ਼ਿੰਦਗੀ ਦੇ

ਪੱਕੇ ਸੁਰਖ਼ ਰੰਗ..

ਇਹਨਾਂ ਸੁਰਖ਼ ਰੰਗਾਂ ਦੇ ਖੁਰਨ

ਜਾਂ ਫਿੱਕੇ ਰੰਗਾਂ ਵਿੱਚ ਵਟ ਜਾਣ 'ਤੇ

ਉਦਾਸ ਤੇ ਨਿਰਾਸ਼ ਹੋਇਆ ਬੁਢਾਪਾ

ਅੰਤ ਨੂੰ ਰੰਗਹੀਣ ਹੋ ਜਾਂਦੈ...।

                                    - ਹਰਿੰਦਰ ਬਰਾੜ

very nice veer ji

ਇਹਨਾ ਤਿੰਨਾਂ ਰੰਗਾਂ 'ਚ ਜੇਕਰ ਮੁਹੱਬਤ ਦਾ ਰੰਗ ਮਿਲਾ ਦਿੱਤਾ ਜਾਵੇ....ਜ਼ਿੰਦਗੀ ਬੋਝ ਨਾ ਲੱਗੇ ਕਿਸੇ ਨੂੰ ......ਕੋਈ ਸ਼ੱਕ ਨਹੀਂ ਕੇ ਤੁਸੀਂ ਦਿਲ ਨੂੰ ਮੋਹ ਲੈਣ ਵਾਲੀਆਂ ਰਚਨਾਵਾਂ ਸਾਂਝੀਆਂ ਕਰਦੇ ਹੋ ਬਰਾੜ ਜੀ ....ਜੀਓ ....

ਨਿਰਛਲ ਚੇਹਰਿਆਂ ਦੀ ਗੱਲ ਕਰਕੇ ਤੁਸੀਂ ਦਿਲ ਜਿੱਤ ਲਿਆ ਹੈ ! ਭਾਵੇਂ ਤੁਹਾਡੀਆਂ 1-2 ਗਜ਼ਲਾਂ ਵਿਚ ਮਾਮੂਲੀ ਕਮੀ-ਪੇਸ਼ੀ ਜ਼ਰੂਰ ਹੈ , ਪਰ ਇਹ ਖੁੱਲੀ ਰਚਨਾ ਸਚਾਈ ਦੇ ਕਾਫੀ ਕਰੀਬ ਹੈ ! ਸ਼ੁਕਰੀਆ...

ਜੀਓ ! 

bahut khoob harinder bai .........harjinder hona da kehna vi theek e .....jindgi nu hor asaan treeke naal jeen lai piaar-mohabbat hi ta hai jo insaan nu ihna 3 ranga ton bina hor ranga da giaan dinda e .......

@divroop ji .....jdo koi zazbe naal zazbaat jahir krda e fer kujh angehli jroor ho jandi e ohto  par oh theek ho javegi jdo sikhiarthi likhari ban javega .......

Brar keep it up ........God Bless u 

wah ji wah..!!

bahut hi kamaal likheya veer ji..zindgi de ranga nu bahut khoobsoorti naal pesh kita hai..

thankx for sharing here..

bahut khoob ji..!!

bahut hi khoobsurat andaaz vich apne zazbaat share kite han..jo k bahut hi kamaal han..thankx 4 sharing

ਸਹੀ ਗੱਲ ਕਹੀ ਦਿਵਰੂਪ ਵੀਰੇ.... ਹਰਿੰਦਰ ਵੀਰ ਨੇ ਹਮੇਸ਼ਾ ਦਿਲ ਜਿੱਤਿਆ ਹੈ ਆਪਣੀਆਂ ਰਚਨਾਵਾਂ ਇਥੇ ਪੇਸ਼ ਕਰਕੇ.......

ਹਮੇਸ਼ਾ ਦੀ ਤਰਾਂ ਇਸ ਵਾਰ ਵੀ ਬਖੂਬੀ ਜ਼ਜਬਾਤਾਂ ਨੂੰ ਪੇਸ਼ ਕੀਤਾ ਵੀਰੇ..... ਦਾਦ ਕਬੂਲ ਕਰੋ....
ਐਦਾਂ ਹੀ ਸੋਹਣੀਆਂ ਰਚਨਾਵਾਂ ਸਾਡੀ ਝੋਲੀ ਪਾਉਂਦੇ ਰਹੋ.....

ਬਹੁਤ ਖੂਬ..!!

ਰੂਹ ਨੂੰ ਸਕੂਨ ਪਹੁੰਚਾਹੁੰਦੀ ਹੈ ਤੁਹਾਡੀ ਇਹ ਰਚਨਾਂ...ਲਿਖਦੇ ਰਹੋ ਬਾਬਿਓ

ਜਿਵੇਂ ਬਾਕੀਆਂ ਨੇ ਕਿਹਾ ਹੈ...."ਤੁਸੀਂ ਸਾਡਾ ਮਨ ਮੋਹ ਲਿਆ ਹੈ ਹਰ ਵਾਰ ਬਿਹਤਰੀਨ ਰਚਨਾਵਾਂ ਸਾਡੇ ਨਾਲ ਸਾਂਝੀਆਂ ਕਰਕੇ"

ਹੋਰ ਬਹੁਤ ਉਮੀਦਾਂ ਤੁਹਾਡੇ ਕੋਲੋਂ