ਬੇਸ਼ੱਕ ਤੂੰ ਮਨਫ਼ੀ ਕਰ ਦਿੱਤਾ

ਮੈਨੂੰ ਆਪਣੀ ਜ਼ਿੰਦਗੀ 'ਚੋਂ

ਭਾਵੇਂ ਤੂੰ ਜੜੋਂ ਪੁੱਟ ਸੁੱਟਿਆ

ਆਪਣੇ ਮਨ ਦੀ ਧਰਤ 'ਚ ਉੱਘੇ

ਮੇਰੀਆਂ ਯਾਦਾਂ ਦੇ ਗੁਲਾਬ ਨੂੰ

ਕੰਡਿਆਲਾ ਥੋਹਰ ਸਮਝ ਕੇ

ਪਰ ਮੇਰੀ ਹੋਂਦ ਦੇ ਬੀਜ

ਪੂਰੀ ਤਰ੍ਹਾਂ ਨਸ਼ਟ ਨਹੀਂ ਹੋਏ

ਉਹ ਇੱਥੇ ਹੀ ਖਿੱਲਰ ਗਏ ਸਨ

ਤੇਰੇ ਪੈਰਾਂ ਦੀ ਮਿੱਟੀ ਹੇਠ ਮਿੱਧੇ ਗਏ ਸਨ

ਕੁਝ ਮੇਰੇ ਮਨ ਦੇ ਵਿਹੜੇ ਡਿੱਗ ਪਏ...

ਬੜੀ ਪੁੱਠੀ ਨਸਲ ਹੈ ਇਹਨਾਂ ਦੀ...

ਤੂੰ ਵਾਰ-ਵਾਰ ਮਨਫ਼ੀ ਕਰਦੀ ਰਹੀ ਮੈਨੂੰ

ਤੇਰਾ ਮਨਫ਼ੀ ਕਰਨਾ

ਮੈਨੂੰ ਜਮਾਂ ਕਰਦਾ ਗਿਆ

ਤੇ ਆਹ ਵੇਖ..

ਇਹ ਬੀਜ ਫਿਰ ਪੁੰਗਰ ਆਏ

ਹੰਝੂਆਂ ਦੀ ਸਲਾਬ ਨਾਲ

ਸ਼ਾਇਦ ਤੂੰ ਇਹ ਗੱਲ ਭੁੱਲ ਗਈ ਸੀ

ਪਰ ਮੈਨੂੰ ਅੱਜ ਵੀ ਯਾਦ ਐ

ਛੋਟੀਆਂ ਕਲਾਸਾਂ  'ਚ ਪੜਿਆ ਸੀ ਨਾ

ਕਿ  ਮਨਫ਼ੀ-ਮਨਫ਼ੀ ਜਮਾਂ ਹੋ ਜਾਂਦਾ...।

                                                - ਹਰਿੰਦਰ ਬਰਾੜ

ਵਾਹ-ਵਾਹ-ਵਾਹ....ਬਾਈ ਵਾਹ.....ਹਰਿੰਦਰ ਜੀ..........

ਕੀ ਆਖਾਂ ਜੀ ...ਇੰਝ ਲਗਦਾ ਹੈ ਜਿਵੇਂ ਮੇਰਾ ਅੱਜ ਦਾ ਦਿਨ ਲੇਖੇ ਲੱਗ ਗਿਆ........ਸਭ ਤੋਂ ਪਹਿਲਾਂ ਆਪਣੀ ਸੀਟ ਤੇ ਬੈਠਦਿਆਂ  ਹੀ ਤੁਹਾਡੀ ਰਚਨਾ ਪੜੀ ਹੈ.........ਕਮਾਲ ਦੀ ਸ਼ਬਦਾਂ ਦੀ ਰਵਾਨਗੀ ਹੈ......ਤੇ ਮਨਫੀ-ਮਨਫੀ ਜਮ੍ਹਾ ਵੀ ਬੜੇ ਹੋ ਕਮਾਲ ਦੇ ਤਰੀਕੇ ਨਾਲ ਕੀਤਾ ਹੈ......

well said brar ji.gud job.thx 4 Sharing

ਤੂੰ ਵਾਰ-ਵਾਰ ਮਨਫ਼ੀ ਕਰਦੀ ਰਹੀ ਮੈਨੂੰ

ਤੇਰਾ ਮਨਫ਼ੀ ਕਰਨਾ

ਮੈਨੂੰ ਜਮਾਂ ਕਰਦਾ ਗਿਆ

Kya baat ae Harinder 22 G....bahut hee khoobsurat ehsaasan noo kalambadh keeta ae....JEO

v sad harinder.....belkul sahe tye sache likha ji...i like it .....ensan hye he dukha da ghar ji.....

thaude punjabi vh kete kalmband da javab ne ji........kush raho tye es tra likhde raho ji

ਬਰਾੜ ਸਾਹਿਬ ..ਬਹੁਤ ਖੂਬ ਜੀ .....ਬੜੇ ਵਧੀਆ ਸਲੀਕੇ ਨਾਲ ਮਨਫੀ-ਮਨਫੀ +ਜਮਾਂ ਕੀਤਾ ਏ ਜੀ .......ਕਮਾਲ ਏ ਜੀ ਕਮਾਲ

bahut hi vdia veer g

sab da bhut-bhut shukariya...

btw.....good logic.....

- - = +

nice .... tfs