ਵਕਤ ਬਾਪੂ ਦੀ ਮੰਜਿਲ ਨਹੀਂ ਬਣਿਆ
ਪਰ ਮਾਣ ਹੈ ਮੈਨੂੰ ਕਿ
ਹਮੇਸ਼ਾ ਸਫਰ ਚ ਰਿਹਾ ਮੇਰਾ ਬਾਪੂ !
ਮੈਂ ਬਾਪੂ ਦੇ ਹੱਥ ਵਿੱਚ
ਕਲਮ ਵੀ ਵੇਖੀ ਹੈ ਤੇ ਬੰਦੂਕ ਵੀ
ਇਸਦਾ ਅਰਥ ਹੈ ਕਿ
ਬਾਪੂ ਨੂੰ ਪਤਾ ਨੇ
ਯੋਧੇ ਅਤੇ ਵਿਦਵਾਨ ਦੇ ਅਰਥ !
ਪਰ
ਮਾਂ,ਬਾਪ,ਨਾਨਕੇ,ਦਾਦਕੇ ਜਿਹੇ
ਅਨੇਕਾਂ ਹੀ ਰਵਾਇਤੀ ਸ਼ਬਦਾਂ ਦੇ
ਸਮਝ ਆਉਣ ਵਾਲੇ ਅਰਥਾਂ ਤੋਂ
ਹਮੇਸ਼ਾ ਹੀ ਅਣਜਾਣ ਰਿਹਾ ਮੇਰਾ ਬਾਪੂ !
ਬਾਪੂ
ਹਮੇਸ਼ਾ ਸੰਬੋਧਨਾਂ ਚੋਂ ਰਿਸ਼ਤੇ ਲੱਭਦਾ ਰਿਹਾ
ਅਤੇ ਕਰਦਾ ਰਿਹਾ
ਲਹੂ ਵਿੱਚ ਤੈਰਦੇ ਪਾਣੀ ਨੂੰ ਬੇਦਖਲ !
ਬਾਪੂ ਭਾਵੇਂ ਕਦੇ ਵੀ ਸੁੱਤਾ ਨਹੀਂ
ਪਰ ਫਿਰ ਵੀ ਜਦੋਂ ਜਾਗਿਆ
ਤਾਂ ਉਹ ਧਰਤੀ ਦੇ ਉਸ ਕੋਨੇ ਤੇ ਖੜਾ ਸੀ
ਜਿੱਥੋਂ ਪੁੱਠਾ ਮੁੜਨਾ ਵੀ ਔਖਾ ਸੀ
ਤੇ ਅੱਗੇ ਜਾਣਾ ਵੀ !
ਹੁਣ ਬਾਪੂ
ਆਪਣੀ ਵਿਚਾਰਧਾਰਾ ਦੀ ਸਰਹੱਦ ਤੇ ਬੈਠਾ
'' ਸਰਹੱਦੀ -ਚੌਂਕੀ '' ਦਾ ਫਰਜ਼ ਨਿਭਾਉਂਦਾ ਹੈ !
ਬਾਪੂ ਕੋਲ ਯਾਦਾਂ ਦੀ ਲਾਇਬਰੇਰੀ ਹੈ
ਹਾਰੇ ਯੁੱਧਾਂ ਤੇ ਪਛਤਾਵੇ ਦੇ ਪੁਲੰਦੇ ਨੇ ,
ਜਿੱਤੇ ਯੁੱਧਾਂ ਦਾ ਗੌਰਵਸ਼ਾਲੀ ਇਤਿਹਾਸ ਹੈ !
ਹੁਣ ਬਾਪੂ
ਬੱਸ ਚੜਨ ਲੱਗਾ ਕੰਬਣ ਲੱਗਦਾ ਹੈ ,
ਪਿਸ਼ਾਬ ਕਰਨ ਗਿਆ ਡਿੱਗ ਪੈਂਦਾ ਹੈ ,
ਉਹ ਬਾਪੂ
ਜੋ ਹਥਿਆਰਬੰਦ ਲੜਾਈਆਂ ਲੜਦਾ
ਕਾਨੂੰਨਦਾਨਾਂ ਨੂੰ ਗਾਹਲਾਂ ਕੱਢਦਾ
ਹਰ ਹੈਂਕੜ ਦੀ ਦਾਹੜੀ ਨੂੰ ਪੈ ਨਿਕਲਦਾ ਸੀ
ਜੋ ਟਿੱਚ ਜਾਣਦਾ ਸੀ ਕੁਰਸੀਆਂ ਦੀ ਧੌਂਸ ਨੂੰ
ਹਵੇਲੀਆਂ ਦੀ ਛਾਂਅ ਨੂੰ ,
ਜੋ ਕਦੇ ਨਹੀਂ ਹੱਸਿਆ
ਨੋਟਾਂ ਤੇ ਹੱਸਦੇ ਗਾਧੀ ਦੇ ਹਾਸੇ ਵਿੱਚ ,
ਜਿਸਨੇ ਲਗਾਇਆ ਹਰ ਵੇਰ ਠਹਾਕਾ
ਆਪਣੇ ਹੀ ਪਾਟੇ ਖੀਸੇ ਚੋਂ ਨਿਕਲ ਗਏ
ਆਪਣੇ ਹੀ ਖਾਲੀ ਹੱਥ ਉੱਤੇ !
ਉਹ ਬਾਪੂ ਹੁਣ
ਆਪਣੇ ਸਮਿਆਂ ਦਾ ਅਜਾਇਬ -ਘਰ ਹੈ ,
ਆਓ , ਮਿਲੋ ਤੇ ਵੇਖੋ
ਕਿਉਂਕਿ ਦੁਨੀਆ ਵਿੱਚ ਇੱਕ ਦਿਨ
ਅਜਾਇਬ-ਘਰ ਵੀ ਨਹੀਂ ਹੋਣੇ !
*************************
(ਸਦੀਵੀ ਵਿਛੋੜਾ ਦੇ ਗਏ ਬਾਪੂ ਕਾਮਰੇਡ ਸੁਰਜੀਤ ਗਿੱਲ ਜੀ ਲਈ ਲਿਖੀ ਮੇਰੀ ਇੱਕ ਪੁਰਾਣੀ ਕਵਿਤਾ -ਅਮਰਦੀਪ ਸਿੰਘ ਗਿੱਲ)

.......

Os Mahaan shashiyat nu slaam ae jee...

Te eh rachna Baapu jee dee zinadagi de sach noo hubahoo saahme liya rahi ae....

nice sharing 22 g

ਸੱਜਦਾ ਏ ਹਰ ਬਾਪੂ ਜੀ ਵਰਗੇ ਸ਼ਖਸ਼ ਨੂੰ .......ਜੋ ਆਪਣੀ ਜਿੰਦਗੀ ਇੱਕ ਕਿਤਾਬੀ ਗਿਆਨ ਵਾਂਗ ਆਪਣੀ ਔਲਾਦ ਨੂੰ ਸੌਂਪਕੇ, ਅਖੀਰ ਰੱਦੀ ਵਾਂਗ ਹੋ ਜਾਂਦਾ ਏ | ਇਹ ਅੱਜ ਦੇ ਸਮੇ ਦੀ ਕਹਾਣੀ ਏ ......ਪਰ ਅਸੀਂ ਆਪਣੇ ਪਿਤਾ (ਬਾਪੂ) ਜੀ ਦਾ ਦੇਣਾ ਕਦੇ ਵੀ ਨਹੀਂ ਦੇ ਸਕਦੇ ......

ਸਾਂਝਾ  ਕਰਨ  ਲਈ ਸ਼ੁਕਰੀਆ !!!!!

rua dita es rachna ne mainu....sachmuch mainu lgda bapu ta ik bohar d saa vraga hunda jo kde nhi tatti - waa lgn dinda......badi dard bhari likht hai eh.....bhut vadia likhia amardeep g ne...may god bless him....thnx for sharing...harinder g....

kamaal likhiya gill saab ne ,,,nice sharing bai g 

thanks... sch keha tusi.. bapu varga koi ni c...