‎
ਇਸ ਦਾ ਭੇਦ
ਵਿਰਲਾ ਹੀ ਪਾਉਂਦਾ ਹੈ
ਇਹ ਪੱਕਾ ਰੰਗ ਹੈ
ਦਿਲ ਕਰਦਾ ਹੈ ਕਿ
ਬ੍ਰਹਿਮੰਡ ਵਿਚ
ਖਿਲਰੇ ਰੰਗ
ਸਾਰੇ ਰੰਗ
ਕੈਨਵਸ ਤੇ ਉਤਾਰ ਦੇਵਾਂ
ਬੇਸ਼ਕ ਤੂੰ ਇਕ ਲਾਰਾ ਸੀ
ਪਰ ਵਰਤਮਾਨ
ਪਲਾਂ ਦਾ ਸਚ ਸੀ
ਜਿੰਦਗੀ ਦੀਆਂ ਗੁੰਝਲਾਂ ਨੂੰ
ਦਿਤੀ ਤਰਤੀਬ ਵੀ ਤੇਰੀ ਸੀ
ਇਹ ਵੀ ਸਚ ਹੈ
ਤੜਪ ਤੋਂ ਬਾਅਦ
ਵਿਚਲਿਤ ਹੋਏ ਪਲ
ਅਜ ਏਨੇ ਤ੍ਰੰਗਤ ਨਾ ਹੁੰਦੇ
ਕੁਦਰਤਦੀ ਏਨੀ ਸ਼ਾਂਤ ਸੀ
ਕੀ ਖੰਡ ਖੰਡ ਹੋਣਾ ਵੀ
ਆਨੰਦਿਤ ਕਰ ਗਿਆ
ਸਗਲ ਪਸਾਰੇ ਨਾਲ
ਸਿਰੜੀ ਹੋਈ ਰੂਹਾਂ ਦਾ
ਵਿਸਤਾਰ ਵੀ ਹਾਸਿਲ ਹੋ ਨਿਬੜਿਆ
ਸੂਲਾਂ ਦੀ ਸੇਜ ਹੋਵੇ
ਜਾਂ ਰਾਜ ਸਿੰਘਾਸਨ
ਸੁਰਤ ਵਿਚ ਹੀ ਸਮਰਪਣ ਹੈ ...........

ਸੀਮਾ  ਸੰਧੂ